{"id":10686,"date":"2021-01-08T08:47:42","date_gmt":"2021-01-08T06:47:42","guid":{"rendered":"http:\/\/www.melkkos-merlot.co.za\/?p=10686"},"modified":"2021-01-08T08:55:50","modified_gmt":"2021-01-08T06:55:50","slug":"isabella-se-mossels","status":"publish","type":"post","link":"https:\/\/www.melkkos-merlot.co.za\/af\/isabella-se-mossels\/","title":{"rendered":"Isabella se mossels"},"content":{"rendered":"

Hier net na Kersfees daag die wonderlike Isabella Niehaus<\/a> by my voordeur op met die ongelooflikste geskenk \u2013 twee kilogram vet, swart Weskus mossels wat waarskynlik daai oggend nog aan \u2019n rots geklou het. Isabella is een van my kos ikone. Haar Langtafels op die Duin<\/a> by haar praghuis langs die see in Langebaan is legendaries. Dis hier waar jy kan gaan aansit vir \u2019n Sondagmiddagmaal wat jou tone sal laat krul van die lekker. Isabella is \u2019n bobaas kok en sy toor veral met seekos \u2013 haar vyfgang Langtafel maaltye sluit gereeld bederwe soos oesters, mossels en vars vis op die braai in.<\/p>\n

En nou het sy besluit om vyftien van haar mossel resepte met die w\u00eareld te deel in \u2019n splinternuwe mini digitale boek, Isabella\u2019s Mussel Feast<\/a>. Dis haar tweede resepteboek. Haar eerste, Duinhuis<\/a>, het die topprys in die 2020 Gourmand World Cookbook Awards losgeslaan. Ek s\u00ea mos sy kan kook!<\/p>\n

Isabella s\u00ea jy moet hierdie mossel gereg van haar met \u2019n bros brood bedien. Ek is mal oor tamatie-bruschetta, en omdat hierdie mossels tamatie en basiliekruid bykry besluit ek om \u2019n stappie verder te gaan en crostini te maak deur snye bros baguette te rooster, hulle met olyfolie te bedruip en \u2019n vryfie vars knoffel te gee. Wat jy ook al broodsgewys doen, skink gewis \u2019n glas witwyn by Isabella se oondgeroosterde mossels. Sy\u2019t vir my ook \u2019n bottel premium Du Toitskloof<\/a> Old Vine Sauvignon Blanc in my verrassingspakkie geglip. Net 4000 is gebottel en myne met die hand gemerk as #1490. Dis kraakvars met \u2019n intense vrugte neus en \u2019n sweempie mineraliteit \u2013 absoluut perfek by die minerale seesout noot van die mossels. Hop gerus oor na Isabella se nuwe webwerf<\/a> en bestel \u2019n kopie van haar nuwe mosselboek en sommer van Duinhuis ook!<\/p>\n<\/div>

<\/div><\/div><\/div>
Al wat jy nodig het is…<\/h5>\n

500g kersietamaties, effe platgedruk
\n\u00bc koppie kappertjies
\n2E olyfolie
\n2 knoffeltone, geskil en in skyfies gesny
\n1 rooirissie, gekap
\n2kg vars mossels, skoongemaak (ruk net enige sigbare baard af, moenie in water was nie!)
\n1 koppie basilieblare
\nvir bedien; bros baguette of crostini<\/p>\n<\/div>

<\/div><\/div><\/div>

Voorverhit jou oond tot 200 grade Celsius. Tuimel tamaties, kappertjies, knoffel en rissie op \u2019n groot bakplaat en bedruip met olyfolie. Rooster vir 15-20 minute totdat tamaties net-net begin sag raak. Voeg die mossels by en bedek die bakplaat met foelie. (NB: Vorm \u2019n klein koepel met die foelie sodat die mossels plek het om oop te maak.) Rooster vir nog 15-20 minute totdat die mossels oop is. Skep die tamaties en mossels op \u2019n groot fraaie bord, versier met basilieblare en bedien saam met bros baguette of crostini.<\/p>\n<\/div>

<\/div><\/div><\/div>

bedien<\/h4>\n

4-6<\/p>\n<\/div>

<\/div><\/div><\/div>

vooraf<\/h4>\n

20 min<\/p>\n<\/div>

<\/div><\/div><\/div>

kook<\/h4>\n

40 min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>