{"id":10827,"date":"2021-06-14T14:07:43","date_gmt":"2021-06-14T12:07:43","guid":{"rendered":"http:\/\/www.melkkos-merlot.co.za\/?p=10827"},"modified":"2021-06-14T14:16:07","modified_gmt":"2021-06-14T12:16:07","slug":"kortrib-tamatiebredie","status":"publish","type":"post","link":"https:\/\/www.melkkos-merlot.co.za\/af\/kortrib-tamatiebredie\/","title":{"rendered":"Kortrib Tamatiebredie"},"content":{"rendered":"

Wat maak \u2019n tamatiebredie die ware Jakob? Dis alles in die geurmiddels. Kyk, jy kan vleis en tamaties in \u2019n pot gooi en dit \u2019n bredie noem. Maar as jy dit tamatiebredie of tamatiekos wil noem het jy kruienaeltjies nodig! En kardamom. En pypkaneel, gemmer en lourier! Soos Dine van Zyl doen in haar tamatiekos resep in haar wonderlike kookboek, Die Groot Boerekos Boek.<\/p>\n

Tamatiebredie of tamatiekos word tradisioneel natuurlik met skaap gemaak. Maar nou die dag sien ek spekvet stukke bees kortrib op sp\u00easjil. En ek besluit net daar die knaap het meer as genoeg lyf aan hom om opgewasse te wees teen al daai tintelende tamatie. Ek het Dine se resep aangepas \u2013 vars tamatie in plaas van geblik, minder puree, in die oond in plaas van op die stoof. Maar die speserye het ek nie mee gepeuter nie. Dis Dine se geure en dis in die kol. Al wat ek bierby soek is \u2019n glas of twee Shiraz en die geselskap van goeie vriende.<\/p>\n<\/div>

<\/div><\/div><\/div>
Al wat jy nodig het is…<\/h5>\n

700g ryprooi tamaties
\n1kg bees kortrib
\n1E olyolie
\n1 groot ui, fyn gekap
\n1E koekmeel
\n1\u00bdt fyn gerasperde vars gemmer
\n1 groen rissie, ontpit en fyn gekap
\n1 koppie tamatiepuree (NIE tamatiepasta nie! Woolworths verkoop \u2019n handige 240g een wat net genoeg is)
\n\u00bd koppie water
\n5 kardamompeule, oopgekraak met die plat kant van \u2019n groot mes
\n7 heel kruienaeltjies
\n\u00bdt varsgemaalde swartpeper
\n1\u00bdt suiker
\n1t sout
\n3 lourierblare (ek verkies vars, maar droog sal deug)
\n1 stuk pypkaneel<\/p>\n<\/div>

<\/div><\/div><\/div>

Om die tamaties te skil, plaas hulle in \u2019n groot bak en bedek met kookwater. Laat staan vir so 30 sekondes en dan sal die skilletjies sommer maklik afglip. Kap die tamaties in klein blokkies en sit eenkant. Verhit \u2019n dikbodempan met die olyfolie. Gee die kortrib \u2019n paar goeie draaie sout en braai hulle tot alkant mooi bruin. Verwyder en plaas kortrib in \u2019n groot oondvaste skottel met \u2019n deksel wat styf pas.<\/p>\n

Braai uie in dieselfde pan oor lae hitte to sag maar nie bruin nie. Voeg die gemmer en rissie by en braai vir nog \u2019n minuut. Voeg die meel by en roer tot dit heeltemal verdwyn. Voeg die tamatiepuree, gekapte tamaties en water by en roer goed. Voeg die res van die bestanddele by en prut vir vyf minute. Gooi die sous oor die kortrib, bedek met \u2019n deksel en bak lank en stadig in \u2019n 160 grade Celsius oond tot die vleis so sag is jy kan hom met \u2019n lepel eet! Dit vat so twee en \u2019n halwe ure. Proe vir sout en pas aan \u2013 dit sal heel waarskynlik nog nodig h\u00ea.<\/p>\n

Bedien met kappokaartappels of eg Suid-Afrikaanse stampmielies. Ek vrek oor enige mielie-tipe koolhidraat by stowe beesvleis en besluit om hulde te bring aan my Italiaanse ouma. Ek roer \u2019n gesonde handvol parmesaan by slap polenta en skep my bord hoogvol.<\/p>\n<\/div>

<\/div><\/div><\/div>

bedien<\/h4>\n

4<\/p>\n<\/div>

<\/div><\/div><\/div>

vooraf<\/h4>\n

30 min<\/p>\n<\/div>

<\/div><\/div><\/div>

kook<\/h4>\n

2+ ure<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>