{"id":11128,"date":"2022-06-23T15:46:49","date_gmt":"2022-06-23T13:46:49","guid":{"rendered":"http:\/\/www.melkkos-merlot.co.za\/?p=11128"},"modified":"2022-06-23T15:46:50","modified_gmt":"2022-06-23T13:46:50","slug":"whisky-toffie-appel-wafels","status":"publish","type":"post","link":"https:\/\/www.melkkos-merlot.co.za\/af\/whisky-toffie-appel-wafels\/","title":{"rendered":"Whisky toffie-appel wafels"},"content":{"rendered":"

Wat\u2019s beter as \u2019n wafel? \u2019n Whisky toffie-appel wafel natuurlik!<\/em> Ek speel bietjie met soetgoed die laaste ruk want Marcel\u2019s<\/a>, Suid-Afrika se gewilde bevrore jogurt mense, het vir my van hulle produkte gestuur om te probeer. Ek\u2019s altyd \u2019n bok vir enigiets vanielje, maar mens stry nie met die meerderheid nie. Hulle Engelse Toffie bevrore jogurt is by verre hulle gewildste, so d\u00eds die een waarop my hand val. Hoe gemaak met \u2019n koue ding in die middel van die winter? Kontrasteer dit met iets warm!<\/p>\n

Ek gryp Granny Smith appels en karameliseer hulle in botter. Ek rooster wafels warm en bros. Om Marcel\u2019s se Engelse Toffie geur te vier maak ek \u2019n klassieke toffiesous, maar ek gee hom \u2019n warm winter whisky klap. En ek begin bou aan \u2019n wafel wat die mond laat water. Warm teen koud, bros teen fluweel, soet teen effe suur \u2013 dis \u2019n fees van kontraste en \u2019n stoute winter poeding bederf.<\/p>\n<\/div>

<\/div><\/div><\/div>
Al wat jy nodig het is…<\/h5>\n

1 koppie (250ml) vars room
\n\u00be koppie Muscovado suiker
\n\u00bc koppie gesoute botter
\n1E whisky
\n4 Granny Smith appels
\n2E botter
\n4 winkel wafels
\nEngelse Toffie of vanielje bevrore jogurt<\/p>\n<\/div>

<\/div><\/div><\/div>

Begin deur die toffiesous te maak. Kombineer die room, suiker en kwart koppie botter in \u2019n klein dikbodem pot. Roer en kook dit oor ho\u00eb hitte totdat dit begin verdik \u2013 dit neem so 10 minute. Verwyder sous van die hitte en roer die whisky by. <\/p>\n

Sny appels in kwarte (of dik snye, nes jy wil) en braai appels in twee eetlepels botter tot goudbruin en sag. Rooster die wafels. Bedek warm wafels met warm appels en gooi toffiesous oor. (Die toffiesous sal aansienlik verdik soos dit afkoel tot kamertemperatuur. As dit te dik na jou smaak raak, verdun dit eenvoudig deur een of twee eetlepels melk in te roer.) Bedien met bevrore jogurt.<\/p>\n