{"id":11168,"date":"2022-07-06T15:13:07","date_gmt":"2022-07-06T13:13:07","guid":{"rendered":"http:\/\/www.melkkos-merlot.co.za\/?p=11168"},"modified":"2022-07-06T15:17:27","modified_gmt":"2022-07-06T13:17:27","slug":"n-truffel-ete-by-anthonij-rupert","status":"publish","type":"post","link":"https:\/\/www.melkkos-merlot.co.za\/af\/n-truffel-ete-by-anthonij-rupert\/","title":{"rendered":"‘n Truffel ete by Anthonij Rupert"},"content":{"rendered":"

Laas Vrydag het ek aangesit vir die soort geleentheid waaroor elke smulpaap droom \u2013 \u2019n sesgang maal toegewy aan die glorie van truffels. Hulle lyk miskien soos \u2019n kruising tussen \u2019n brein en \u2019n reuse vrat, maar hulle is nie verniet die w\u00eareld oor bekend as \u2018swart goud\u2019 nie. Anders as in Europa was truffels nooit eintlik in SA beskikbaar nie, maar nou is hulle danksy die mense van Anthonij Rupert Wyne. So paar jaar terug het hulle besluit om eikebome in te ent met truffelspore en nou oes hulle vir twee maande elke winter vars truffels.<\/p>\n

Oes is nie eintlik die regte woord nie, ek dink jag is. Want sien die truffels kruip in die grond weg en die enigste manier om hulle te kry is deur hulle uit te ruik. Hiervoor het hulle in die ou dae varke gebruik, maar nie meer nie. Honde doen die ding net so goed, en hulle voel nie die begeerte om die truffels te vreet nie. Op die hoogliggende plaas Altima buite Villiersdorp is die truffel jagter Hanene van Dyk en haar spesiaal opgeleide Lagotto Romagnolo honde sommer vroegdag besig met snuffel en grawe. Daar\u2019s \u2019n truuk om te weet of \u2019n truffel reg is vir opgrawe, een van vele truffel truuks wat Hanene moes baasraak die weke wat sy in Itali\u00eb deurgebring het om alles oor truffels, truffels jag en truffeljag se vierbeen wolbolle te leer. (En ja, as die werkdag klaar is kom soek die honde drukkies en hulle verwag op die bed te slaap, nes enige gewone bedorwe hondekind!)<\/p>\n<\/div>

<\/div><\/div><\/div>

\"scroll-main\"<\/a><\/p>\n<\/div>

<\/div><\/div><\/div>
<\/span>
<\/div><\/div><\/div>

Truffel jagters:<\/span> Hanene van Dyk en haar spesiale Lagotto Romagnolo honde.<\/p>\n<\/div>

<\/div><\/div><\/div>

\"scroll-main\"<\/a><\/p>\n<\/div>

<\/div><\/div><\/div>

Ek was bevoorreg om langs Hanene te sit vir die ete. Sy en haar sjarmante man, Coenie (die plaas se wingerdkundige) is \u2019n skatkis van kennis oor hierdie besonderse lekkerny. Ete het begin met vars brood en truffelbotter. Volgende was dit \u2019n kolossale garnaal bedien met aspersies, \u2019n lemoen en dragon beurre blanc en truffelkaviaar. Eenvoudig hemels. Vir die hoofgang was daar \u2019n keuse. \u00d3f die Black Angus beesbors met polenta, gekarameliseerde uie, Perigaux\u00ad-sous en truffels, \u00f3f die truffel tagliatelle met \u2019n Parmesaan roomsous. Ek het die tagliatelle gekies want ek kan nie nee s\u00ea vir pasta nie, maar Anthonij Rupert se lieflike skakelbeampte, Pippa Pringle, het vir my haar bees laat proe. Albei liplekker.<\/p>\n<\/div>

<\/div><\/div><\/div>

\"scroll-main\"<\/a><\/p>\n<\/div>

<\/div><\/div><\/div>
<\/span>
<\/div><\/div><\/div>
<\/span>
<\/div><\/div><\/div>
<\/span>
<\/div><\/div><\/div>

Ag die fees van lekker eet:<\/span> Brood en truffel-botter, garnale met ‘n lemoen en dragon beurre blanc en truffel-kaviaar. Toe was dit Black Angus beesbors met polenta en truffels of ‘n truffel tagliatelle met Parmesan room. Hmmmm.<\/p>\n<\/div>

<\/div><\/div><\/div>

\"scroll-main\"<\/a><\/p>\n<\/div>

<\/div><\/div><\/div>

Daarna was dit \u2019n framboos-sorbet verposing gevolg deur \u2019n Valrhona sjokolade gedoente met Amaretti krummels en appelliefies. Die effe suur skerp van die appelliefies was \u2019n fantastiese kontras teen die diep donker ryk sjokolade. Steeds was ons nie klaar nie! Vir die laaste bederf l\u00ea ons weg aan \u2019n choux poffertjie (gekleur en gevorm om soos \u2019n truffel te lyk) en gevul met \u2019n sjokolade-heuning room. Wat kan ek s\u00ea, ek het spasie vir hom gem\u00e1\u00e1k.<\/p>\n<\/div>

<\/div><\/div><\/div>
<\/span>
<\/div><\/div><\/div>

Soete verleiding:<\/span> ‘n Valrhona sjokolade storie met Amaretti krummels, neute en lieflike suurskerp appelliefies.<\/p>\n<\/div>

<\/div><\/div><\/div>

\"scroll-main\"<\/a><\/p>\n<\/div>

<\/div><\/div><\/div>

So hoekom maak enige van hierdie saak vir jou? Want JY kan ook hierdie ongelooflike truffel bederf beleef <\/strong>aangesien Anthonij Rupert dit tot die einde van Julie aanbied. Die Terra del Capo restaurant op die Anthonij Rupert landgoed is waar die truffel ete bedien word en dis een van my absolute gunsteling wynland spasies. Dis klein en intiem en pragtig gedoen sonder om intimiderend te wees. Sit daar aan en jy kan nie help om bietjie \u2018glamorous\u2019 te voel nie.<\/p>\n

Die truffel ondervinding kos R1200 per persoon en natuurlik moet jy bespreek. As dit bietjie ryk vir jou bloed is, gaan sit steeds aan en bestel eerder van hulle wonderlike antipasti spyskaart af wat jou laat smul teen baie sakpas pryse. Ek beveel hulle antipasti bordjies regtig hoog aan! Na die tyd kan jy inpop by hulle deli waar jy \u2019n swetterjoel truffel ge\u00efnspireerde goeters kan koop \u2013 van truffelbotter, truffelsout en truffelpasta, tot salami met truffels en selfs truffelwors. En ja, jy kan ook vars truffels hier koop vir so lank as wat hulle in seisoen is. Vat een huis toe en doen jou Masterchef ding!<\/p>\n

Vir besprekings kontak \u2018tasting@rupertwines.com\u2019 of bespreek via\u00a0www.rupertwines.com<\/u><\/p>\n

Vir meer inligting of navrae oor truffelbestellings, stuur \u2019n e-pos na\u00a0tasting@rupertwines.com<\/u>.<\/p>\n<\/div>

<\/div><\/div><\/div>

\"scroll-main\"<\/a><\/p>\n<\/div>

<\/div><\/div><\/div><\/div>