Daar\u2019s min kos wat vir my seksier is as pasta. Moontlik omdat die prentjie van \u2019n jeugdige Sophia Loren, met \u2018n bord spaghetti teen haar pragbates vasgeklem, my vir altyd sal bybly. Ek dink dit was in die Rooi Rose. Nogal wulps vir daai dae, seker di\u00e9 dat dit so \u2019n indruk gemaak het. Pasta verdrink onder \u2019n ton sous is nou nie hoe die Italianers dit doen nie. Een van my 5-minute gunstelinge is sommer net knoffel, rooirissie en pietersielie. \u2019n Minuut of wat in \u2019n warm pan met goeie olyfolie en hy\u2019s klaar. Hy slaan jou katswink met sy geur. En d\u00eds die geheim van \u2019n goeie pastasous \u2013 minder sous, parmantige geur. Nog \u2019n gunsteling is tamatiesous. So eenvoudig, maar doen jy dit reg, sing jy opera. Dit sukkel half om ordentlike geur uit die gemiddelde tamatie te tower. My geheim? Rooster hulle stadig in \u2019n lae oond tot hulle suikersoet is. \u2019n Sweempie mascarpone by en jy\u2019t \u2019n verleidelike, fluweel-sagte nommertjie waaroor jy onbehoorlike drome kan h\u00ea.<\/p>\n<\/div>
400g klein ryp-rooi rosa tamaties
\n1E vars origanum, fyngekap
\n1E knoffel, fyngekap
\n\u00bct gerookte rissievlokkies (Woolies het)
\n\u00bct sout
\n4E olyfolie
\n1 rooi ui, fyngekap
\n1t tamatiepasta
\n3E mascarpone-kaas (dik vars room sal ook werk)
\n\u00bdt rooiwyn asyn
\ngrowwe swart peper
\nsout na smaak
\npers basiliekruid
\nparmesaan-kaas<\/p>\n<\/div>
Sny tamaties in die helfte in die lengte. Meng met die origanum, knoffel, \u00bct sout en 3E olyfolie. Gooi op \u2019n bakplaat en bak teen 140\u00b0C vir 40 minute.<\/p>\n
Braai intussen die uie in bietjie olyfolie tot sag. Sodra hulle sag is, voeg die tamatiepasta by en braai vir \u2019n minuut of twee (dit raak van daai onaangename skerpheid van tamatiepasta ontslae). Sodra die tamaties gekook is, gooi hulle en die uie in \u2019n voedselverwerker en blits tot dit \u2019n puree is. Sit nou die lot in \u2018n fyn sif en werk dit deur met \u2018n lepel. Wonderlike fluweelsagte tamatiesous kom onder uit en die pitte en skille bly in die sif agter. Sit die tamatiesous terug op die hitte en roer die mascarpone-kaas by. As die sous effe te dik na jou smaak is, voeg bietjie van die vloeistof waarin jy jou pasta gekook het by. Net voor jy opdien, voeg die asyn by, \u2018n skootjie swart peper, proe vir sout en jy\u2019s reg. Bedien met \u2018n pasta van jou keuse, pers basiliekruid (ek\u2019s mal oor die pers teen die rooi) en vars parmesaan-kaas.<\/p>\n<\/div>
2<\/p>\n<\/div>
10 min<\/p>\n<\/div>
50\u00a0min<\/p>\n<\/div>