{"id":11626,"date":"2024-12-12T07:16:13","date_gmt":"2024-12-12T05:16:13","guid":{"rendered":"https:\/\/www.melkkos-merlot.co.za\/?p=11626"},"modified":"2024-12-12T07:36:46","modified_gmt":"2024-12-12T05:36:46","slug":"lensie-bobotie-met-spekboom-sambal","status":"publish","type":"post","link":"https:\/\/www.melkkos-merlot.co.za\/af\/lensie-bobotie-met-spekboom-sambal\/","title":{"rendered":"Lensie-bobotie met spekboom-sambal"},"content":{"rendered":"

Ek was onlangs bevoorreg genoeg om die bekendstelling van Isabella Niehaus en Louis Jansen van Vuuren se nuutse boek propvol vegan geregte, Skepselkos<\/a>\/Earthling Food, by te woon. Hulle vorige plantgebaseerde kookboek, Daar\u2019s \u2019n Vegan op my Verandah, was uitsonderlik \u2013 sommer propvol inspirasie vir eet op \u2019n nuwe manier. So briljant was dit dat hulle die Gourmand World Cookbook Awards in 2023 daarmee gewen het.<\/p>\n

Skepselkos<\/a> (beskikbaar in Engels as Earthling Food) beloof om net so suksesvol te wees. Die boek is propvol inspirerende nuwe resepte wat toegangklik is en gemaak kan word met alledaagse bestanddele. Ek kook die laaste twee weke \u2019n hond uit \u2019n bos uit met hierdie boek. As vleis jou ding is, moenie dink hierdie boek is nie vir jou nie want soveel van die resepte maak perfekte bykosse.<\/p>\n

Hierdie lensie-bobotie uit die boek is \u2019n wenner. Ek het dit al twee keer gemaak \u2013 die eerste keer met Louis en Isabella se vegan-vriendelike bolaag en die tweede keer het ek die vegetariese roete gevolg met die meer tradisionele suiwel en eier bolaag soos op my foto hier. My mening? Albei is lieflik maar die vegan bolaag een wen! Nou toe nou. Ek gee vir jou die opsie van beide bolae hieronder.<\/p>\n

Wat om hierby te bedien? Ek dink nie regtig die tradisionele geelrys is nodig nie, net bietjie blatjang en \u2019n sambal met \u2019n titsel rissie hitte. Ek omhels die wonder van spekboom en voeg \u2019n paar spekboomblare by!<\/p>\n

Skepselkos<\/a> is die perfekte geskenk vir enige kranige tuiskok wat inspirasie soek vir meer plantgebaseer eet. Hoor ek iemand s\u00ea Kerskous?<\/p>\n<\/div>

<\/div><\/div><\/div>
Al wat jy nodig het is…<\/h5>\n

VIR DIE VULSEL
\n1 koppie gevriesde ertjies
\n2 uie, fyn gekap
\n2 knoffeltone, fyn gekap
\n4E olie
\n1t vars gemmer, fyn gerasper
\n1E kerriepoeier (ek het Rajah se warm een gebruik)
\n2 koppies bruin lensies
\n3 koppies groente-aftreksel (Ina Paarman s\u2019n is vegan)
\n1 koppie dro\u00eb witwyn
\nsout en peper na smaak
\n2 tamaties, fyn gekap
\n\u00bd koppie dro\u00eb appelkose, fyn gekap
\n\u00bd koppie dro\u00eb nektariene, fyn gekap
\n\u00bd koppie sultanas<\/p>\n

OPSIE 1: VIR DIE VEGAN-VRIENDELIKE BOLAAG
\n1 koppie pampoensade, in kookwater geweek vir 45 min
\n2 koppies koue water
\n2t borrie
\n1t knoffelpoeier
\n\u00bdt mosterdpoeier
\n1t sout
\nknip swartpeper<\/p>\n

OPSIE 2: VIR DIE VEGETARIESE BOLAAG
\n1 koppe laevet joghurt (ek verkies die een van Lancewood)
\n2 ekstragroot eiers
\n\u00bct sout<\/p>\n

VIR DIE SPEKBOOM-SAMBAL
\n1 koppie ryprooi tamaties, in klein blokkies gesny
\n\u00bd koppie fyngekapte rooi ui
\n2t rooiwynasyn
\n1t suiker
\ngroot knip sout
\n1 matige of medium-warm groenrissie, fyn gekap
\n2E spekboomblare
\n1E fyngekapte koljanderblare<\/p>\n<\/div>

<\/div><\/div><\/div>

Kook die ertjies tot sag \u2013 gevriesde ertjies vat net so minuut of wat. Dreineer die ertjies en gebruik \u2019n staafmenger om hulle te puree.<\/p>\n

Braai die uie oor matige hitte in die olie tot sag. Voeg dan die knoffel by en braai vir nog \u2019n minuut. Voeg die gemmer en kerriepoeier by en braai vir nog so minuut of twee. Voeg volgende die lensies, aftreksel en wyn by en laat dit kook. Draai die hitte dan laag, sit die deksel op en prut vir vyf minute. Proe en voeg sout en peper by soos nodig.<\/p>\n

Voeg die tamaties, appelkose en nektarien by, bedek en prut oor lae hitte tot die lensies sag is. Verwyder van die hitte en voeg die ertjies en sultanas by. Roer goed deur en skep mengsel in \u2019n oondvaste bak.<\/p>\n

OPSIE 1 \u2013 VIR DIE VEGAN-VRIENDELIKE BOLAAG:
\nSpoel die pampoensade goed onder lopende water af en dreineer. Voeg die sade en al die ander bestanddele by in \u2019n ho\u00ebspoed versapper en blits tot dit heeltemal glad is. Gooi die mengsel oor die bobotie.<\/p>\n

OPSIE 2 \u2013 VIR DIE VEGETARIESE BOLAAG:
\nKlits al die bestanddele saam en gooi oor die bobotie.<\/p>\n

Bak in \u2019n voorverhitte 180 grade Celsius oond tot dit geset is en die bolaag begin verbruin \u2013 dit vat so 40 minute.<\/p>\n

VIR DIE SPEKBOOM-SAMBAL:
\nMeng al die bestanddele saam (behalwe die koljander) en laat staan vir 15 minute. Roer die koljander by net voor jy bedien.<\/p>\n<\/div>

<\/div><\/div><\/div>

bedien<\/h4>\n

6-8<\/p>\n<\/div>

<\/div><\/div><\/div>

vooraf<\/h4>\n

40 min<\/p>\n<\/div>

<\/div><\/div><\/div>

kook<\/h4>\n

40 min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>