{"id":11648,"date":"2025-02-17T11:11:39","date_gmt":"2025-02-17T09:11:39","guid":{"rendered":"https:\/\/www.melkkos-merlot.co.za\/?p=11648"},"modified":"2025-02-17T11:15:51","modified_gmt":"2025-02-17T09:15:51","slug":"geroosterde-beet-met-dille-en-okkerneute","status":"publish","type":"post","link":"https:\/\/www.melkkos-merlot.co.za\/af\/geroosterde-beet-met-dille-en-okkerneute\/","title":{"rendered":"Geroosterde beet met dille en okkerneute"},"content":{"rendered":"

As kind het ek (seker maar soos duisende ander kleingoed) beet met \u2019n passie gehaat. Dit het my lank gevat om te besef dis nie beet se skuld nie, dis hoe ons beet mishandel \u2013 gerasper en gebottel in asyn. Ek\u2019s nou mooi groot en sit steeds nie my mond aan d\u00e1\u00e1i bottels winkelbeet nie.<\/p>\n

Beet self voorberei is nie \u2019n ding om voor bang te wees nie. Gooi die knape, net so ongeskil, in \u2019n pot water en kook hulle tot sag. Dis sommer baie vinnig. Maar as jy nou regtig die intense aardsheid van beet behoorlik wil omarm, is dit beste om hulle in die oond te rooster.<\/p>\n

Ek het inspirasie geput uit Oos-Europa vir hierdie geroosterde beetslaai. D\u00e1\u00e1r word suurroom dikwels saam met beet gebruik. Dis \u2019n lieflike kombinasie maar \u2019n nagmerrie vir die middellyf en die cholesterol. Dik gewone joghurt gee jou daai romerige pikante smaak, maar dis soveel gesonder! Dille is nog \u2019n wenkombinasie saam met beet, so gebruik sommer tonne.<\/p>\n<\/div>

<\/div><\/div><\/div>
Al wat jy nodig het is…<\/h5>\n

4 medium bete
\n1E olyfolie
\n\u00bc koppie verouderde balsamiese asyn (die Forage & Feast een by Checkers is goeie kwaliteit en billik op die beursie)
\n\u00bd koppie okkerneute
\n1 koppie (250ml) dubbelroom gewone joghurt
\nskil van een lemoen, so fyn moontlik gerasper (\u2019n \u2018microplane\u2019 is briljant hiervoor)
\nseesout en growwe swartpeper
\ngroot handvol dille, rofweg gekap<\/p>\n<\/div>

<\/div><\/div><\/div>

Was die bete goed, bedruip met die olyfolie en draai hulle snoesig toe in foelie. Rooster in \u2019n 180 grade Celsius oond tot sag \u2013 dit vat so \u2019n uur. Laat beet effe afkoel, skil en sny in groot stukke. Gooi die balsamiese asyn oor die beet en laat dit marineer vir ten minste \u2019n uur.<\/p>\n

Sit die okkerneute op \u2019n bakplaat en rooster hulle vir so 10 minute in \u2019n 180 grade oond. Kap die okkerneute dan rofweg. Meng die joghurt met die lemoenskil en skep dit op \u2019n groot bord. Dreineer die beet en skep dit op die joghurt. Gee die lot \u2019n paar draaie seesout en sommer baie swartpeper. Strooi die dille en okkerneute oor dis tyd vir opskep.<\/p>\n

Hierdie geroosterde beetslaai sal vier bedien as bykos. As jy dit net so op sy eis vir \u2019n ligte middagete wil geniet sal dit twee mense voer.<\/p>\n<\/div>

<\/div><\/div><\/div>

bedien<\/h4>\n

2-4<\/p>\n<\/div>

<\/div><\/div><\/div>

vooraf<\/h4>\n

20 min<\/p>\n<\/div>

<\/div><\/div><\/div>

rooster<\/h4>\n

60-80min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>