Enigiemand met \u2018n kat weet \u2013 d\u00e1\u00e1rsie so ding soos laat slaap nie. Nie eens naweke nie. Maak nie saak hoe laat ek die Vrydagaand gekuier het of hoe oes ek voel nie, Merlot het geen genade nie. Op \u2018n Saterdagoggend begin sy my klokslag sesuur karnuffel. Uitgaan. Speel. Drukkies. Kos. Sy soek dit in daai orde en sy vattie nonsens nie.<\/p>\n
Die enigste gelukkigheid van hierdie vroeg-uit-die-vere drama is dat ek my inkopies vir die week gedoen kry terwyl die hordes nog hulle roes l\u00ea en afslaap.<\/p>\n
Amiena by die Old Biscuit Mill in Woodstock is \u2018n wondervrou wat so te s\u00ea enigiets vir my in die hande kan kry. Van vars borrie tot dubbeldoor eiers. Laas Saterdag sien ek die eerste bre\u00ebbone van die seisoen by haar en raak skoon begeesterd met die idee van \u2018n lenteslaai… Groener-as-groen met bre\u00ebbone, ertjies, komkommer en tonne ment.<\/p>\n<\/div>
1 pak gemengde slaaiblare (hierdie is \u2018n fraaie, vroulike slaai, so gebruik verkieslik kleiner blare)
\n1 Engelse komkommer
\n2 wiele fetakaas
\n1 koppie mentblare
\n1 koppie bevrore ertjies
\n1 koppie bre\u00ebbone (as jy nie bre\u00ebbone kan kry nie, verdubbel eenvoudig die hoeveelheid ertjies)
\n2 sprietuie, fyngesny
\n3E goeie olyfolie
\n2E suurlemoensap
\nknippie spout
\nknippie growwe swart peper<\/p>\n<\/div>
Gooi kookwater oor die bevrore ertjies en laat staan vir \u2019n minuut of twee om te ontvries. Dreineer en sit eenkant. Dop die bre\u00ebbone uit hulle peule. Gooi kookwater oor die bone en laat staan vir 30 sekondes. Dreineer en trek dan die taai wit dop om elke boon af. Binne-in is \u2019n klein smarag wat proe soos lente. Sny linte komkommer al met die lengte van die komkommer langs (gebruik \u2018n groenteskiller).<\/p>\n
Tuimel die slaaiblare, ertjies, bre\u00ebbone, sprietuie, komkommer en mentblare (skeur in die helfte as hulle baie groot is) op \u2019n mooi, platterige slaaibord. Krummel die feta oor. Meng die olyfolie, suurlemoen, sout en peper en gooi oor net voor jy opdien.<\/p>\n
Nasionale Braaidag is om die hoek! As jou kop lamtjoppie se kant toe staan, is hierdie een die ideale groenigheid. Hy\u2019s ook lekker saam met hoender. Maar jou buurman gaan jou miskien skeef kyk as jy nou op ons belangrikste nasionale dag \u2018n geveerde gedierte loop braai.<\/p>\n<\/div>
6<\/p>\n<\/div>
20 min<\/p>\n<\/div>
0\u00a0min<\/p>\n<\/div>