{"id":1283,"date":"2013-09-26T14:32:11","date_gmt":"2013-09-26T12:32:11","guid":{"rendered":"http:\/\/www.melkkos-merlot.co.za\/?p=1283"},"modified":"2022-08-18T12:06:09","modified_gmt":"2022-08-18T10:06:09","slug":"toffie-appel","status":"publish","type":"post","link":"https:\/\/www.melkkos-merlot.co.za\/af\/toffie-appel\/","title":{"rendered":"baba toffie-appels"},"content":{"rendered":"

Klein happies goed en ek hoort eenvoudig nie in dieselfde kombuis nie. Ek blameer die sewentigs en tagtigs vir hierdie klein-kos aversie van my.<\/p>\n

Blokkies Gouda-kaas en klein skelrooi uitjies op tandestokkies. Grou mini worsrolletjies. Baba Weense worsies en soet-mosterd doopsous \u2013 met tandestokkies, natuurlik,\u00a0 <\/span>sodat mens nie onbeleefd jou vingers staan en aflek nie. Die skade is permanent.<\/p>\n

Maar daar\u2019s hoop. Ek wonder al hoeka oor Goldcrest se geblikte baba appels. Is dit \u2018n spesiale soort miniatuur appel wat nooit groter gaan word nie, maak nie saak hoe lank hy aan die boom bly nie?\u00a0 <\/span>Of is dit \u2018n babatjie wat wreedaardig gestroop word lank voor hy reg is?<\/p>\n

Ek weet nie, en ek het beter dinge om te doen as om te probeer uitvind. Maar ek dink nogal hulle is oulik, veral met \u2019n stroopsoet, harde toffie kombersie.<\/p>\n<\/div>

<\/div><\/div><\/div>
Al wat jy nodig het is…<\/h5>\n

1 blik baba appels
\n1 koppie witsuiker
\n\u00bc koppie water
\n\u00bct witasyn
\n\u00bct kaneel
\n\u00bct rooi voedselkleursel (opsioneel)<\/p>\n<\/div>

<\/div><\/div><\/div>

Smeer \u2018n kleefvrye bakplaat met sonneblomolie. Dreineer die appels, droog elke appel goed af en hou eenkant. Kook nou die res van die bestanddele saam oor \u2019n lae hitte.<\/p>\n

As jy \u2019n suikertermometer het, is dit reg as die stroop 150\u00b0C bereik. Ek het nie een nie, en dis nie die einde van die w\u00eareld nie. Kook eenvoudig jou suikerstroop vir so 20 minute. Skep \u2019n paar druppels uit en gooi dit in koue water. As dit onmiddelik kliphard en bros set sodat dit maklik is om te breek, is jou suikermengsel reg.<\/p>\n

Verwyder van die hitte en sodra dit ophou borrel, kan jy begin appels doop. Tel \u2019n baba appel aan sy stingel op en doop hom in die stroop. Ek hou die pot effens skuins, sodat dit makliker is om die hele appel te doop. Maar wees VERSIGTIG, want suikerstroop is gevaarlik warm. Dis nie \u2018n ding waarmee jy werk as jy tegelykertyd sewe ander goed wil doen nie. Ignoreer die luiende foon, blaffende honne en neulende kinders maar tot jy klaar is.<\/p>\n

Dompel die stroop-appel in \u2018n bakkie yswater (letterlik vir een sekond) en sit dit op die bakplaat. Herhaal met die res van die appels. Eet onmiddelik. As jy dit tot m\u00f4re laat staan, sal die harde suikerlagie begin sweet \u2013 en sweet is nooit \u2018n mooi ding nie.<\/p>\n<\/div>

<\/div><\/div><\/div>

bedien<\/h4>\n

12<\/p>\n<\/div>

<\/div><\/div><\/div>

vooraf<\/h4>\n

5 min<\/p>\n<\/div>

<\/div><\/div><\/div>

kook<\/h4>\n

20 min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>