{"id":1399,"date":"2013-10-17T18:28:20","date_gmt":"2013-10-17T16:28:20","guid":{"rendered":"http:\/\/www.melkkos-merlot.co.za\/?p=1399"},"modified":"2022-08-18T12:05:42","modified_gmt":"2022-08-18T10:05:42","slug":"wortel-en-beet-koekies","status":"publish","type":"post","link":"https:\/\/www.melkkos-merlot.co.za\/af\/wortel-en-beet-koekies\/","title":{"rendered":"Wortel-en-beet koekies met tzatziki"},"content":{"rendered":"

Hulle speel nie op plase nie. Staan \u2019n ding lank genoeg stil, word hy ingel\u00ea. My ma en ouma se spensrakke het gekreun onder die Consol bottels. Seker die helfte daarvan was beet, so beetslaai by elke ete was \u2019n onvermydelike marteling.<\/p>\n

Gepreserveer in asyn is al hoe ek hom as kind geken het, en jy kon my nie genoeg betaal om dit te eet nie. Wat \u2019n jammerte. Want beet is \u2018n wonderlike ding. Rou in slaaie, gerooster, in sop en, ja, selfs ingel\u00ea \u2013 want ek het uiteindelik vrede daarmee gemaak.<\/p>\n

Beet is veelsydig en gesond verby. Ek dink jy leef drie jaar langer deur bloot daarna te kyk. Een van my gunstelinge is my warm wortel-en-beet koekies met koljander, rissie en komyn vir bietjie spesery woema. Ek bedien hulle met dik, romerige tzatziki.<\/p>\n

Hierdie resep maak genoeg vir twee mense as vegetariese feesmaal. As jou man brom, gooi \u2019n stuk vleis in sy rigting. Dit sal vier bedien as \u2019n bykos.<\/p>\n<\/div>

<\/div><\/div><\/div>
Al wat jy nodig het is…<\/h5>\n

Vir die tzatziki<\/strong>
\n1 koppie ekstra dik (dubbelroom) Griekse joghurt
\n\u00bc Engelse komkommer, gewas
\n\u00bdt knoffel, fyngekap (jy kan meer gebruik, maar ek dink rou knoffel is \u2018n aggressiewe knaap)
\n1E dille, fyngekap
\n1E ment, fyngekap
\nsout en growwe swartpeper<\/p>\n

Vir die wortel-en-beet koekies<\/strong>
\n3 groot wortels, gewas en geskil
\n2 groot beete, gewas en geskil
\n\u00bdt komynsaad
\n1t koljandersaad
\n\u00bd rooi rissie, ontpit en fyn gesny (Ek s\u00ea \u2018opsioneel\u2019, maar ek bedoel dit nie eintlik nie!)
\n1 eier
\n3E koekmeel
\n\u00bct sout
\nolyfolie<\/p>\n<\/div>

<\/div><\/div><\/div>

Maak die tzatziki eerste. Rasper die komkommer op die growwe kant van \u2019n rasper. Sit dit in \u2019n skoon doek, draai styf toe en druk dat dit bars om soveel van die komkommer se water as moontlik uit te kry. (Doen jy dit nie, gaan die water in jou tzatziki opeindig en dan sit jy met \u2019n loperige treurigheid in plaas van \u2019n romerige wonderlikheid.)<\/p>\n

Voeg nou die komkommer by die joghurt, dille, ment en knoffel. Proe vir sout (dit het \u2019n knippie of wat nodig) en gee hom \u2019n draai swartpeper. Sit die tzatziki in die yskas sodat die geure kans kry om kennis te maak.<\/p>\n

Rooster die heel koljander en komyn in \u2019n droe\u00eb pan vir \u2019n minuut of wat. Sodra die speserye se wonderlike geur jou neus kielie, is hulle reg. Stamp die koljander en komyn fyn. (Heel speserye wat jy self rooster is eenvoudig beter, maar as die een wat klaar gemaal is \u00e1l is wat jy in jou koskas het, gebruik dit.)<\/p>\n

Rasper die wortels en beet op die growwe kant van \u2019n rasper. Gooi die koljander, komyn, rissie, eier, koekmeel en kwart teelepel sout by en meng. Vorm plat koekies en braai in olyfolie tot deurgaar en bros.<\/p>\n

Bedien onmiddellik (terwyl hulle nog warm is) met die koue tzatziki. Die kontras in tekstuur en temperatuur is wonderlik.<\/p>\n

Ek sit bronkors (watercress) skrikgemaak met \u2019n sweempie olyfolie, suurlemoen, \u2019n knippie seesout en swartpeper by. Vir die mooi, gooi ek \u2019n paar kappertjieblomme (wat ek sommer langs die pad pluk, want ek het nie in my tuin nie) by die slaai. Dis somer op \u2019n bord!<\/p>\n<\/div>

<\/div><\/div><\/div>

bedien<\/h4>\n

2-4<\/p>\n<\/div>

<\/div><\/div><\/div>

vooraf<\/h4>\n

15 min<\/p>\n<\/div>

<\/div><\/div><\/div>

kook<\/h4>\n

10\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>