n Bees is nie \u2019n dier wat bekend is vir sy vermo\u00eb om te luister nie. Amper so erg soos katte. So as jy enigiets met \u2019n klomp van hulle uitgerig wil kry, het jy \u2019n drukgang nodig. Vir die van julle wat nog nooit op \u2019n plaas was nie, dis \u2019n prakseersel wat lyk soos sy naam klink \u2013 \u2019n gang gemaak met ho\u00eb pale en dwarsbalke.<\/p>\n
Jaag mens beeste by een kant in, staan hulle ewe gedwe\u00eb en wag vir wat volgende kom. Op goeie dae wag net die doopkuil met bosluisgif aan die ander kant. Maar dan is daar dae vir brandmerk of \u2019n knip aan die oor. Dis sodat jou skelm buurman nie in die middel van die nag jou kudde kan plunder en die volgende dag onskuldig voorgee hulle\u2019s syne nie.<\/p>\n
En dan\u2019s daar natuurlik die ergste van die ergste \u2013 die knip van die jong bulletjies se sensitiewe dele. Op my vriendin, Ilette, se ouma se plaas buite Thabazimbi het hulle iets wat lyk soos \u2019n massiewe tang gebruik vir die knippery. Dis nou as ek reg onthou. Want ek was net dertien toe ek die spul aanskou het tydens \u2019n skoolvakansie kuier. Die hele storie was oor binne sekondes, maar ek het nogal jammer gevoel vir die outjies.<\/p>\n
Ek staan ook gereeld gedwe\u00eb in \u2019n drukgang. Die een by Woolies. En nes vir die bulletjies, wag daar ook vir my pyn aan die einde \u2013 die mandjie in my hand gaan my beursie slat. Om dinge erger te maak, het soetigheid op die drukgang se rakke \u2019n manier om in my mandjie op te eindig. Die ander dag het \u2019n parmantige Lindt wit-sjokolade met vanielje hom kom tuismaak.<\/p>\n
Toe vat ek hom huistoe en proe. Na die proe (dit het \u2019n hele blok gevat om seker te maak dis OK) het ek begeesterd nog een gaan koop want wit-sjokolade mousse met framboos wou ek eenvoudig maak. Hierdie een val definitief in die indruk-maak kategorie.<\/p>\n<\/div>
3 groot eiergele
\n1 Lindt vanielje wit-sjokolade (100g)
\n320ml vars room
\n3E strooisuiker
\n1t goeie vanielje-ekstrak (ni\u00e9 essens nie!)
\n1 pakkie vars frambose (as jy nie vars kan kry nie, werk gevries ook goed)<\/p>\n<\/div>
Klits die eiergele, 2E suiker en 70ml room goed. Sit dit in \u2019n dubbelkoker en klits oor \u2019n lae hitte totdat die mengsel genoeg verdik om die agterkant van \u2019n lepel te bedek. (Moet dit nie kook nie, jy soek nie roereier nie!)<\/p>\n
Gooi \u2019n teelepel vanielje by en breek die sjokolade in. Haal dit van die hitte af. Die hitte van die mengsel sal die sjokolade stadig smelt. Roer en sodra alles gesmelt is, sit in die yskas vir ten minste twee ure om goed af te koel.<\/p>\n
Druk die frambose fyn met \u2019n vurk (ek hou van \u2019n mengsel van groter en kleiner stukke) en strooi een teelepel strooisuiker oor. Sit opsy.<\/p>\n
As die sjokolade mengsel koud is, klits 250ml room met een eetlepel strooisuiker tot die room styf is. Vou die room versigtig deur die sjokolade mengsel. Jy wil definitief hierdie een vou en nie roer nie. Skep die mengsel in individuele bakkies en sit in die yskas vir ten minste \u2019n uur. (Jy kan dit die dag tevore maak, dit sal goed hou.)<\/p>\n
Bedien dit met die frambose. Die kontras van die ryk mousse en die skerp framboos is lieflik. As jy nie framboos wil gebruik nie, bedien elke porsie met \u2019n halwe grenadella vir jou gaste om oor die mousse uit te druk.<\/p>\n<\/div>
5-6<\/p>\n<\/div>
10 min<\/p>\n<\/div>
3 ure<\/p>\n<\/div>