Ek\u2019s nou al vir \u2019n hele ruk lank in sak en as \u2013 basies vandat ek uitgevind het dat ek nie op 2 Januarie my spierwit spookvelletjie rooi gaan brand nie. Sien, d\u00eds die dag wat die tradisionele Nuwejaars-krieketwedstryd by Nuweland gewoonlik begin.<\/p>\n
Kapenaars ruk in hulle duisende op, met hulle Colemans, twee-liter Cokes en klein sakkies verbode harde hout, weggesteek op plekke waaraan ek liefs nie wil dink nie. Ek smokkel nie myne in nie, ek koop dit daar \u2013 bier in halwe-liter plastiekglase. Dis hoe ek w\u00e9\u00e9t ek het \u2018klaas\u2019.<\/p>\n
Ons gil, lag, klap, doen wat voel soos \u2019n duisend \u2018Mexican waves\u2019 en braai heeldag lank in die skroeiende son. Ek geniet my gate uit. As die outjies in hulle wit pakkies vir middagete van die veld afstap, tref die skare Nuweland se wegneemete hokkies soos \u2019n vloedgolf.<\/p>\n
Ek verorber \u2019n \u2018footlong\u2019 warmbrak met al die \u2018trimmings\u2019 \u2013 gebraaide uie, mosterd \u00e9n tamatiesous.\u00a0 <\/span>Ek\u2019s nie seker presies hoe lank \u2019n voet nou eintlik is nie, maar dit klink wonderlik uitspattig. Knuppeldik en baie gelukkig, dis hoe ek voel na een van di\u00e9.<\/p>\n Maar nie hierdie Nuwejaar nie. Haik\u00f4na. Want sien, die hoof van Krieket Suid-Afrika, Haroon Lorgat, het blykbaar die Indiese krieketadministrateurs so effe onstig (dis nou as jy die koerant kan glo). My ma het my geleer godsdiens, seks en politiek is onderwerpe wat dames liefs moet vermy, so ek gaan my nou nie uitlaat oor die intriges van internasionale krieket nie. Al wat ek weet, is dat daar op 2 Januarie 2014 n\u00edks op Nuweland gaan roer nie \u2013 en ek en duisende ander gaan maar \u2019n ander plan moet maak vir ons Nuwejaar vermaak.<\/p>\n Wat ek ook al doen, \u2019n worsrol m\u00f3\u00e9t ek eet. Aangesien ek in beheer is, gaan ek hom \u2019n bietjie f\u00eansie maak met \u2019n pikante soet en suur koolslaai en \u2019n knoffel-mosterd mayonnaise. Dis nou nie \u2019n Nuweland \u2018footlong\u2019 nie, maar dis darem iets. Ek dink ek gaan dit die Haroon Lorgat noem.<\/p>\n<\/div> Halwe koppie romerige winkel-mayonnaise Maak eerste die mosterd-mayonnaise deur eenvoudig die mayonnaise, knoffel en Dijon-mosterd te meng. Sit dit opsy sodat die geure kan kennis maak.<\/p>\n Die soet-suur vinaigrette is volgende aan die beurt. Rooster die mosterd- en vinkelsaad in \u2019n medium-warm pan vir \u2019n minuut. (Jy wil dit net \u2019n effense kleurtjie te gee en die geur wakker klap, wees versigtig dat jy dit nie brand nie.) Verwyder en voeg die saad by die olyfolie, asyn, heuning en \u2019n stewige knip sout. Klits goed met \u2019n vurk.<\/p>\n Sny die kool, ui en wortel papierdun (ek gebruik \u2019n mandolien) en meng die vinaigrette deur die groente. Kook die wors soos jy verkies (in water, in \u2019n pan met olyfolie of op die braai) en bedien saam met die groente en mosterd-mayonnaise op enige broodrol van jou keuse.<\/p>\n<\/div> 4<\/p>\n<\/div> 15\u00a0min<\/p>\n<\/div> 10\u00a0min<\/p>\n<\/div>Al wat jy nodig het is…<\/h5>\n
\n2E Dijon-mosterd (ek verkies Maille)
\n1 huisie vars knoffel, fyngedruk
\n1E geel mosterdsaad
\n1t vinkelsaad
\n3E goeie olyfolie
\n2E rooiwynasyn
\n2t heuning
\nsout
\ntwee koppies kool (\u2018n mengsel van groen en rooi vir die mooi)
\n1 rooi ui
\n1 groot wortel
\n4 broodrolletjies
\nDuitse wors (Knackwurst of Bockwurst)<\/p>\n<\/div>bedien<\/h4>\n
vooraf<\/h4>\n
kook<\/h4>\n
Gehou van die resep? Deel dit!<\/h4>