Hond haaraf maak. Ou koeie uit die sloot grawe. Bobbejaan agter die berg gaan haal\u2026 Ek\u2019s eenvoudig mal oor idiome en gebruik hulle sommer mildelik in my daaglikse geskerts \u2013 tot groot konsternasie van my Engelse vriende en familie wat nie \u2019n koekenkloo het wat ek bedoel nie.<\/p>\n
My gunsteling is waarskynlik \u2018boer maak \u2019n plan\u2019. Niks beskryf my kombuisstyl beter as dit nie. Presies wat kan ek doen met \u2019n verlepte wortel, \u2019n blik tuna en \u2019n oorryp piesang hier vyf minute voor sewe op \u2019n weeksaand? My le\u00eb-koskas en oorskietkos oomblikke is wanneer ek op my kreatiefste is.<\/p>\n
Laas Sondag was dit weer sulke tyd. Ek\u2019t oorskiet biefstuk van die vorige aand gehad (dis nou as mens iets wat R120+ \u2019n kilo kos \u2018oorskiet\u2019 kan noem) en broccoli wat \u2019n goeie twee dae verby sy ‘sell by date’ was maar nog OK-erig gelyk het. My oplossing? Bief en broccoli slaai met kappertjiebessies en pecorino. En net om dinge interessant te maak, joghurtsous met \u2019n peperwortel-byt.<\/p>\n<\/div>
400g biefstuk
\ngemengde slaaiblare (hoe fyner, hoe fraaier)
\nbroccoli (verkieslik die een met die lang stingels)
\nhalwe koppie dubbelroom Griekse joghurt
\n1E korrelmosterd
\n1E peperwortel (botteltjies \u2018Creamed horseradish\u2019 is te koop by meeste supermarkte)
\nhalwe teelepel fyn knoffel
\nolyfolie
\nhalwe suurlemoen
\nkappertjiebessies
\nblok pecorino of parmesaan-kaas
\nseesout (ek verkies Maldon)
\ngrowwe swart peper<\/p>\n<\/div>
Meng die joghurt, peperwortel, mosterd en knoffel met \u2019n knippie sout en spoegie swart peper en sit dit in die yskas.<\/p>\n
Gee jou biefstuk sout en kook hom op \u2019n ho\u00eb hitte met \u2019n blerts olyfolie sodat hy goed karameliseer (ek verkies myne baie pienk binne). Verwyder van die pan en laat dit vir 15 minute rus. Kook die broccoli vir net \u2019n paar minute (hy moet nog lekker knars) en dompel dit dan in yswater om die kookproses te stop en die heldergroen kleur te behou.<\/p>\n
Strooi die slaaiblare en broccoli op \u2019n mooi bord en bedruip met suurlemoensap en olyfolie. Rangskik die bief bo-op. Die kappertjiebessies en pecorino is volgende aan die beurt. Skep die joghurtsous oor (veral op die vleisstukkies). Dan net \u2019n draai swart peper en growwe seesout en jy\u2019s reg vir smul.<\/p>\n<\/div>
4<\/p>\n<\/div>
15\u00a0min<\/p>\n<\/div>
15\u00a0min<\/p>\n<\/div>