{"id":1853,"date":"2014-01-24T11:47:42","date_gmt":"2014-01-24T09:47:42","guid":{"rendered":"http:\/\/www.melkkos-merlot.co.za\/?p=1853"},"modified":"2022-08-18T12:12:53","modified_gmt":"2022-08-18T10:12:53","slug":"rokerige-bone","status":"publish","type":"post","link":"https:\/\/www.melkkos-merlot.co.za\/af\/rokerige-bone\/","title":{"rendered":"Rokerige bone"},"content":{"rendered":"

Partykeer gee die lewe mens \u2019n klap of twee. Dissie lekker nie, maar dis onvermydelik. Met sulke tye soek ek trooskos. Ek sluit die voordeur agter my toe, trek my verflenterde sweetpakbroek aan en vaar die kombuis in.<\/p>\n

Bone op roosterbrood is \u2019n gunsteling as ek bietjie broos voel. Maar nie daai lelike tamatiegemors wat jy in \u2019n blik koop nie. Haik\u00f4na. Die \u2018real deal\u2019.<\/p>\n

Ek week dro\u00ebbone in water tot sag en skep hulle in \u2018n groot emaljeskottel met stewige stukke gerookte vark, tamatie, lourier, knoffel en \u2019n paar ander wonderlike goed. Dan\u2019s dit in die oond in om stadig te kook vir \u2019n paar uur. Die geur trek deur die hele huis en ek voel sommer stukke beter.<\/p>\n

Ek meen meeste mense sal dink dis gekkigheid om soveel moeite te doen vir iets so eenvoudig. Daarom het ek my resep aangepas om jou dieselfde rokerige, ryk wonderlikheid te gee \u2013 in minder as \u2019n halfuur.<\/p>\n<\/div>

<\/div><\/div><\/div>
Al wat jy nodig het is…<\/h5>\n

1 groot wit of bruin ui, fyngekap
\n1E varkvet (jy kan olyfolie gebruik, maar ek hou van die diep geur wat varkvet aan hierdie dis gee)
\n250g gerookte vark \u2018rashers\u2019 (Skiet my, maar ek weet nie wat dit in Afrikaans is nie. Die een van Enterprise is perfek.)
\n3 knoffelhuisies, fyngekap
\n2t tamatiepasta
\n\u00bct gerookte rooirissie vlokkies (Woolies het, of gebruik gewoon as jy nie kan kry nie)
\n1 groot blik tamaties (800g netto gewig)
\n1 groot wortel, geskil en in die helfte gesny
\n1 groot stingel seldery, in die helfte gesny
\n2 lourierblare (verkieslik vars, maar gedroog sal ook deug)
\n3 takkies tiemie
\n1t sout
\n\u00bdt growwe swartpeper
\n1E rooiwynasyn
\n2E ligte bruinsuiker (Demerara)
\n2 blikkies wit bone (cannellini), afgespoel en gedreineer
\nolyfolie
\nItaliaanse pietersielie<\/p>\n<\/div>

<\/div><\/div><\/div>

Smelt varkvet en braai die uie daarin vir \u2019n paar minute. Sny die vark in groot blokke (van so 2cm) en voeg by die uie. Braai tot lekker bruin. Voeg die knoffel by en braai vir \u2019n minuut of wat, dan die tamatiepasta. Braai vir twee minute.<\/p>\n

Voeg nou die tamaties by (sous en al) asook die wortel, seldery, rissie, sout, peper, lourierblare, tiemie, asyn en suiker. Kook vir 15-20 minute met die deksel op.<\/p>\n

Verwyder die wortel, seldery, lourier en tiemie takkies en voeg die bone by. Ek hou van baie tamatie, so ek gebruik net een blik bone, maar jy kan hom strek en ses bedien deur \u2019n tweede blik by te gooi. Proe vir sout. Bedien op geroosterde ciabatta of baguette. \u2019n Blerts olyfolie en bietjie pietersielie oor is al wat hy vra. Ek strooi ook nog \u2019n paar rissievlokkies oor, want ek\u2019s mal oor hitte.<\/p>\n<\/div>

<\/div><\/div><\/div>

bedien<\/h4>\n

6<\/p>\n<\/div>

<\/div><\/div><\/div>

vooraf<\/h4>\n

5 min<\/p>\n<\/div>

<\/div><\/div><\/div>

kook<\/h4>\n

20\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>