Mense verskil nogal oor hoe slim \u2019n goudvis nou eintlik is. Google dit en party s\u00ea hulle IK is hier by die 90. Wat beteken hulle is slimmer as party mense wat ek ken… Ander s\u00ea hulle\u2019s so dom soos grond.<\/p>\n
Al wat ek weet, is dat hulle nie bekend is vir hulle vermo\u00eb om ingewikkelde somme te doen nie. Ook nie vir hulle vermo\u00eb om te konsentreer nie. In hierdie twee opsigte het ek en goudvisse nogal baie in gemeen.<\/p>\n
\u2019n Uur. Dis my persoonlike beste as dit kom by fokus. Dis hoekom ek na drie martelende jare se klavierlesse \u2019n muis gebaar het \u2013 met \u2018Chopsticks\u2019 die enigste ding wat ek behoorlik kon speel. Dis hoekom ek nooit War and Peace klaar gelees het nie… 1 472 bladsye \u2013 r\u00earig? En dis hoekom ek dol is oor kook. Want in \u2019n kombuis het jy nie lank nodig vir \u2018fabulous\u2019 nie.<\/p>\n
Ek\u2019t \u2019n goue re\u00ebl gedurende die week \u2013 as iets langer as 40 minute gaan vat, kook ek hom nie. En as poeding deel van die aff\u00eare is, moet dit binne dieselfde 40 minute gebeur. My een-minuut \u2018lemon meringue\u2019 resep is perfek vir dol weeksaande. As jy nou snaaks gaan wees, kan jy seker s\u00ea dis nie r\u00earig \u2018lemon meringue\u2019 nie. Maar dit het suurlemoen in. En skuimpies. Dit vat net een minuut om te maak. En dit proe pure \u2018lemon meringue\u2019.<\/p>\n<\/div>
Dubbel-room Griekse joghurt
\n\u2018n Bottel suurlemoenbotter (\u2018lemon curd\u2019 \u2013 kyk in die bakafdeling van supermarkte)
\nPak koekies (ek het Bakers se Nuttikrust gebruik, maar Tennisbeskuitjies, gemmerkoekies of hawermout koekies werk net so goed)
\nPak skuimpies (verkieslik die tuisnywerheid tipe, nie daai smaaklose spierwittes wat groot supermarkte vir \u2018n appel en ui verkoop nie)<\/p>\n<\/div>
Sit die koekies in \u2019n plastiek toebroodjiesakkie. Gryp jou koekroller en raak van jou dag se frustrasies ontslae deur hulle te slat tot hulle bes gee. Dis vinniger om die koekies in jou voedselverwerker fyn te maak, maar nie naastenby so bevredigend nie.<\/p>\n
Skep \u2019n lagie van die koekiekrummels in \u2019n bak. Meng die joghurt en suurlemoenbotter \u2013 ek verkies \u2019n 50\/50 mengsel, maar besluit maar self wat vir jou lekker is. Skep die joghurt-suurlemoen mengsel bo-op die koekie laag. Pak hom vol skuimpies en bedien onmiddellik. Jy kan \u2019n groot een maak, maar ek verkies om individuele klein poedings te maak. Ek het dit al selfs in \u2018shot\u2019 glasies bedien \u2013 perfek vir onverwagse partytjie hordes!<\/p>\n<\/div>
8-10<\/p>\n<\/div>
1\u00a0min<\/p>\n<\/div>
0\u00a0min<\/p>\n<\/div>