{"id":2027,"date":"2014-03-07T07:46:57","date_gmt":"2014-03-07T05:46:57","guid":{"rendered":"http:\/\/www.melkkos-merlot.co.za\/?p=2027"},"modified":"2022-08-18T12:14:05","modified_gmt":"2022-08-18T10:14:05","slug":"gerookte-makriel-met-beet-en-suurroom","status":"publish","type":"post","link":"https:\/\/www.melkkos-merlot.co.za\/af\/gerookte-makriel-met-beet-en-suurroom\/","title":{"rendered":"Gerookte makriel en beet met suurroom"},"content":{"rendered":"

\u2019n Snaakse ding gebeur elke jaar klokslag op 1 Maart met my. Dit mag miskien 27 grade buite wees, en ek mag miskien heel vroulik gloei (sweet is \u2019n lelike woord), maar skielik begin ek na pasteie, gebakte poedings en vla verlang.<\/p>\n

Ek snuffel deur my kaste en loer skalks na my stewels, en ek wonder of ek die skoorsteen moet laat vee. Dis te vroeg, hopeloos te vroeg, maar ek kan dit nie help nie want ek\u2019s eenvoudig dol oor herfs. So hoe gemaak met kos? Slaai is seker steeds die antwoord, maar na maande van blare en komkommer soek ek nou iets ryker, voller en meer bevredigend.<\/p>\n

Toe loop kry ek inspirasie in Skadinawi\u00eb. Ryk, gerookte makriel, wonderlike beet met sy diep aardse smaak, dille vir die vars, radyse vir die knars en suurroom. Dis Swede op \u2019n bord en perfek vir hierdie tussen-seisoene tyd van die jaar.<\/p>\n<\/div>

<\/div><\/div><\/div>
Al wat jy nodig het is…<\/h5>\n

gerookte makriel
\nbossie beet
\nradyse
\ndille
\nrooi ui
\npiepklein mikro blaartjies
\nsuurroom
\nswartpeper
\nsuurlemoen<\/p>\n<\/div>

<\/div><\/div><\/div>

Jy kan beet koop wat reeds gekook is, maar dis vir my belaglik duur. Ek koop \u2019n bossie vir\u00a0 <\/span>\u2019n appel en \u2019n ui en kook hulle sommer vinnig in die skil.<\/p>\n

Skil en sny die beet. Jy kan dit sny nes jy wil \u2013 lekker groot blokke of fyn en klein soos ek gemaak het met \u2019n mandolien. Sny die uie en radyse en vlok die vis. (WENK: Week dun gesnyde radyse in yswater vir \u2019n minuut of wat, dit gee hulle sommer hope ekstra knars!)<\/p>\n

Rangskik die groente, dille (ek hou van baie) en gevlokte vis op \u2019n mooi bord. Druk suurlemoensap oor en gee hom \u2019n draai swartpeper. (Hy het nie olyfolie nodig nie want makriel is \u2019n olierige vis.) \u2019n Stewige skeppie suurroom daarby en hy\u2019s reg.<\/p>\n

Ek\u2019s mal oor die intense smaak van \u2019n vogtige, ekstra donker rogbrood hierby (Die Oldenburger rogbrood wat ek by Checkers raakgeloop het was perfek.)<\/p>\n<\/div>

<\/div><\/div><\/div>

bedien<\/h4>\n

4<\/p>\n<\/div>

<\/div><\/div><\/div>

vooraf<\/h4>\n

15\u00a0min<\/p>\n<\/div>

<\/div><\/div><\/div>

kook<\/h4>\n

20\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>