\u2019n Properse mielie herhinner my aan \u2019n graad eentjie met \u2019n haasbek en \u2019n poniestert. Ek bedoel nie die winkel een wat gepluk, gewaks en perfek \u2018getrim\u2019 is nie. \u2019n Behoorlike mielie l\u00ea knus in sy blarekombersie, baard en al. Trek jy die blare terug, het jy \u2019n wafferse poniestert, sommer baie nuttig om die mielie aan te gryp as jy hom op die braai wil omdraai. Hy\u2019s ook nie perfek soos die winkel een met al sy pitte teenwoordig en netjies in \u2019n ry nie. Nee, hier na die punt se kant toe is hy lekker haasbek. Laas Saterdag loop ek sulke ordentlike mielies by die Oranjezicht stadsplaas<\/a> se markdag raak. <\/p>\n Daar is twee skole as dit kom by mielies gaarmaak. Die een sit hom in \u2019n pot met soutwater. Hy kom heerlik sappig uit, maar hy skort daai rokerige braaismaak waarvan ek soveel hou. Die ander skool smyt hom op die braai. Dan\u2019s hy nou wel rokerig ja, maar die pitte is meestal so droog en taai dat ek effe te veel Chenin moet sluk om hom in te kry. Nie dat ek eintlik \u2019n verskoning nodig het om effe te veel Chenin te sluk nie.<\/p>\n My geheim vir \u2019n mielie wat sappig \u00e9n rokerig is? Ek doen altwee\u2026 Eers kook ek hom in \u2019n pot water tot net gaar. Dan sit ek hom op die braai vir so vyf tot tien minute. Ek soek daai braai skroeimerke. Dis nie genoeg vir \u2019n diep rokerige braaismaak nie. Dus help ek die lotjie aan deur die mielies deurtentyd te verf met \u2019n botter propvol rookgeur. Dis so maklik, ek voel half skaam om hierdie \u2019n resep te noem. Maar ek deel hom tog, want jene dis lekker.<\/p>\n<\/div> 6 mielies Kook die mielies, blare en al, in \u2019n pot soutwater tot gaar (20-25 minute). Dreineer en trek die blare terug maar hou hulle aan die mielie want dis die perfekte \u2018handvatsel\u2019 om hom te draai op die braai. (As jy net winkelmielies sonder blare kan kry is dit ook reg, die resep bly dieselfde.)<\/p>\n Smelt die botter en voeg die speserye en sout by. Plaas die mielies op die braai en verf met die botter. Maak seker jy draai hulle van tyd tot tyd sodat hy alkant botter kry en karameliseer. So vyf tot tien minute op die braai is perfek. Sprinkel grasuie of Italiaanse pietersielie oor. Bedien met nog van die gerookte sout en rissie. Sien, ek’t ges\u00ea dis maklik!<\/p>\n<\/div> 6<\/p>\n<\/div> 5\u00a0min<\/p>\n<\/div> 30\u00a0min<\/p>\n<\/div>Al wat jy nodig het is…<\/h5>\n
\n60g botter
\n\u00bct gerookte rooirissie vlokkies (Woolies het)
\n\u00bdt gerookte paprika
\n1t gerookte sout (Maldon sout, te kry by meeste groot supermarkte, het \u2018n gerookte weergawe. Woolies het ook een)<\/p>\n<\/div>bedien<\/h4>\n
vooraf<\/h4>\n
kook<\/h4>\n
Gehou van die resep? Deel dit!<\/h4>