{"id":2235,"date":"2014-04-09T15:14:37","date_gmt":"2014-04-09T13:14:37","guid":{"rendered":"http:\/\/www.melkkos-merlot.co.za\/?p=2235"},"modified":"2022-08-18T12:14:51","modified_gmt":"2022-08-18T10:14:51","slug":"outydse-souskluitjies","status":"publish","type":"post","link":"https:\/\/www.melkkos-merlot.co.za\/af\/outydse-souskluitjies\/","title":{"rendered":"souskluitjies"},"content":{"rendered":"

As ek aan my ouma dink, dink ek skaapboud, lank en stadig gekook tot hy van die been afval. Ek dink hoenderpastei met \u2019n ryk skilferkors deeg en hope naeltjie-geur. En gestoomde gemmerpoeding met regte vla en Idealmelk-roomys<\/a>.<\/p>\n

Dis ryk kos. Winterkos. Gewoonlik slaan ek haar handgeskrewe resepteboek met sy vergeelde blasye en kriptiese notas eers hier middel Mei oop. (Kripties, want as uithalerkok het my ouma gemeen instruksies soos, \u201cmaak aan soos koek\u201d, of \u201cnie te slap nie, nie te styf nie\u201d is meer as voldoende.)<\/p>\n

Maar m\u00f4re begin seisoen twee van Kokkedoor<\/a> \u2013 my absolute gunsteling kook-TV. Met die uitsien na al die onthoukos, kry ek laas Sondag \u2019n skielike begeerte vir souskluitjies. En toe trek ek maar so effe vroe\u00ebr as gewoonlik my ouma se boekie nader.<\/p>\n<\/div>

<\/div><\/div><\/div>
Al wat jy nodig het is…<\/h5>\n

Vir die kluitjies<\/strong>
\n125g koekmeel (in ouma terme: 4 hoogvol eetlepels)
\n1E botter
\n1 eier
\n\u00bct sout
\n1E suiker
\n1t bakpoeier
\n2\u00bd-3E melk
\nkaneelsuiker (Dis doodeenvoudig \u2018n mengsel van suiker en kaneel. Proe maar hoeveel kaneel jy verkies. Ek hou van baie, so een deel kaneel op 3-4 dele suiker.)<\/p>\n

Vir die stroop<\/strong>
\n2 koppies van die kookvloeistof
\n7E suiker
\n2E botter
\n1t kaneel<\/p>\n<\/div>

<\/div><\/div><\/div>

Daar\u2019s hope verskillende souskluitjie resepte en metodes. Party mense bedien hom net met botter en kaneelsuiker. Party maak \u2019n stroop met kaneel, suiker en botter. Party sit vlapoeier by die sous. Of room oor die kluitjies. Hierdie is soos my ouma hom gemaak het \u2013 met stroop.<\/p>\n

Kook vier koppies water met \u2019n kwart teelepel sout. Jy\u2019t \u2019n medium pot nodig in plaas van groot, sodat die watervlak ten minste 5cm is. Verroom een eetlepel kamertemperatuur botter met een eetlepel suiker. Klits die eier by. Sif die meel, sout en bakpoeier by en meng. Maak deeg aan met 2-3E melk sodat die deeg net slap genoeg is om maklik met \u2019n lepel te skep (of soos my ouma beduie het “nie te slap nie, nie te styf nie”!). Gebruik \u2019n eetlepel om kluitjies in die borrelende kookwater te skep.\u00a0 <\/span>\u2019n Halwe eetlepel deeg per kluitjie is genoeg want hierdie outjies swel gevaarlik baie \u2013 amper soos ek as \u2019n by my steek.\u00a0 <\/span>MOENIE ongeduldig wees en te veel kluitjies op \u2019n slag inskep nie. So ses is perfek. Hy\u2019t plek nodig vir die swel en die water moet aanhou kook.<\/p>\n

Sit die deksel op en kook vir 10-12 minute. MOENIE (daar\u2019s heelwat moenies hier) die deksel lig terwyl hy kook nie. Na tien minute kan jy die deksel lig ek loer of die kluitjies deurgaar is. Skep hulle in \u2019n opdienskottel en strooi kaneelsuiker oor. Hou hulle warm in jou louoond. Gooi die kluitjiewater in \u2019n beker en hou eenkant. Begin die proses oor met vars soutwater en die orige deeg. As al die kluitjies gekook is, gooi 2k van die kluitjiewater in \u2019n pot. Voeg die botter, kaneel en suiker vir die stroop by en kook vir so 3 minute. Roer \u2019n paar keer om seker te maak die suiker los op.\u00a0 <\/span>Bedien die warm kluitjies met die stroop en kaneelsuiker vir die gulsiges (soos ekke) wat ekstra wil h\u00ea. Dit klink miskien moeilik, maar dis s\u00f3 maklik. En waar anders kan jy nou poeding vir ses vir onder R20 kry? Dankie Ouma Saar!<\/p>\n<\/div>

<\/div><\/div><\/div>

bedien<\/h4>\n

6<\/p>\n<\/div>

<\/div><\/div><\/div>

vooraf<\/h4>\n

10\u00a0min<\/p>\n<\/div>

<\/div><\/div><\/div>

kook<\/h4>\n

30\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>