{"id":2475,"date":"2014-05-20T15:00:17","date_gmt":"2014-05-20T13:00:17","guid":{"rendered":"http:\/\/www.melkkos-merlot.co.za\/?p=2475"},"modified":"2022-08-18T12:03:53","modified_gmt":"2022-08-18T10:03:53","slug":"wynproe-laborie","status":"publish","type":"post","link":"https:\/\/www.melkkos-merlot.co.za\/af\/wynproe-laborie\/","title":{"rendered":"Laborie landgoed"},"content":{"rendered":"

Dit vat nie veel om my by \u2019n wynplaas te kry nie. Daar\u2019s mos wyn daar, en soos heelwat mense seker nou al weet, is d\u00edt my tweede gunsteling ding in die w\u00eareld. Wuif my gunsteling ding \u2013 kos \u2013 ook voor my neus en ek\u2019s klei in jou hande. Die mense by Laborie<\/a> in die Paarl weet dit seker. Dis di\u00e9 dat hulle my nooi om laas Saterdag te kom kuier. Die okkasie? Al die wenners van Laborie se Home Cook Heroes wedstryd is daar en uitvoerende sjef, Matthew Gordon, gee die wenresepte sy f\u00eansie sjef kinkel. Ons smul aan garnaal-en-chourico tagliatelle, salm met \u2019n Teriyaki sousie ding en osstert met polenta. En ons kuier \u2019n hond uit \u2019n bos. <\/p>\n<\/div>

<\/div><\/div><\/div>

\"scroll-main\"<\/a><\/p>\n<\/div>

<\/div><\/div><\/div>
<\/span>
<\/div><\/div><\/div>

Laborie kuier:<\/span> Van links na regs: Cecile en Natalie Marais (osstert wenners), Melody Vicatos (mosselsop wenner) en Margie de Beer (sjokoladepoeding wenner). En natuurlik Cellar, die plaaskat.<\/p>\n<\/div>

<\/div><\/div><\/div>

\"scroll-main\"<\/a><\/p>\n<\/div>

<\/div><\/div><\/div>

Dis nou alles goed en wel vir my, maar wat van jou? Laborie<\/a> s\u00ea my hulle gaan die wedstryd waarskynlik herhaal. Dit was vet pret, so hou hulle Facebook<\/a> blad dop. Maar n\u00f3g belangriker, gaan loop \u2019n draai by Laborie. Ek weet Franschoek is, wel \u2018Frans\u2019 en ons boere het hoeka \u2019n ding oor Frans. En ek weet Stellenbosch is, wel, S.T.E.L.L.E.N.B.O.S.CH. Maar die Paarl is \u2019n p\u00earel van \u2019n plek met sommer heelwat spogwyne. As die stad jou engtevrees gee, is Laborie<\/a> met sy ongelooklike uitsig oor die du Toitskloof berge in die verte net die ding om jou kop weer reg te kry. <\/p>\n

\u2019n Kaaps-Hollandse herehuis, stokoue akkerboom reuse, wingerde getooi in laatherfs geelgoud en \u2019n plaaskat genaamd Cellar \u2013 jip, Laborie<\/a> het dit alles. \u2019n Standaard wynproe met vyf wyne kos R25. Dan\u2019s daar \u2019n sjokolade wynproe vir R35, of een met olywe vir R30. Sjokolade en wyn was my ding Saterdag. Laborie se Ros\u00e9 MCC met witsjokolade met \u2019n knerts roos was \u2019n onthulling. Toe die Chardonnay met \u2018lemon verbena\u2019 sjokolade. Ag jene. Maar die een waaroor ek nog lank gaan droom was hulle soet Pineau met vanielje-pruim sjokolade. Ek\u2019t nie woorde nie.<\/p>\n<\/div>

<\/div><\/div><\/div><\/div>