Op \u2019n koue, nat wintersaand is daar net drie goed waarvan ek wil weet \u2013 warm mamma-kos, \u2019n glas wyn en my \u2018passion-killer\u2019 pienk hasie-pantoffels. Ek\u2019t seker \u2019n paar \u2018airs\u2019 en \u2018graces\u2019, want ek dink nie dis OK om in my pantoffels uit te gaan nie. As \u2019n uitnodiging vir \u2019n ding wat in die aand gebeur dus my kant toe kom in die winter, dink ek twee keer. Gelukkig is my liefde vir goeie kos en wyn groter as my liefde vir my hasies.<\/p>\n
Laas Donderdagaand verruil en toe maar my stoffels vir \u2019n paar parmantige bruin stewels en vat die pad in stad toe na Kyoto Garden Sushi in Laer Kloofnek, Tuine, vir \u2019n kuier saam met die mense van KWV<\/a>. Hulle\u2019t so pas die vorige aand stof in vele ander se o\u00eb geskop by die Old Mutual Trophy Wine Show, so die glimlagte was redelik breed. Maar miskien is hulle altyd so vrinlik. Miskien is dit \u2019n P\u00earel ding. Dit is darem \u2019n mooie plek. Ons proe-proe aan \u2019n Classic Collection Merlot, \u2019n Pinotage en \u2019n Chardonnay. En toe kom die kos. <\/p>\n Geelstert ceviche met lemmetjie en \u2019n Classic Collection Sauvignon Blanc. Krap soesji met Chenin. En die sagste sag Wagyu-beesvleis met Shiraz. Dis \u2019n goeie ding die porsies was aan die kein kant want om myself te vergryp en skandes te maak (\u2018boots\u2019 en al) sou maklik gewees het. So mal as wat ek was oor die kos, was ek nog maller oor die wyn. Want sien, ek\u2019s konstant aan die soek vir daai \u2018magic\u2019 kombinasie \u2013 goedkoop \u00e9n goed. Met pryse hier van R40-R55 is KWV se Classic Collection wyne perfek vir elke dag \u2013 \u00e9n meer as goed genoeg om oop te maak vir snobistiese wynvriende wat dink hulle ken van.<\/p>\n Net daar besluit ek, ek moet met een van hierdie wyne kook. En waar dan nou beter as om in te loer by die Franse met daai staatmakers van elke f\u00eansie 1970s \u2018partie\u2019 \u2013 Coq Au Vin of Boeuf Bourguinon. Dis basies dieselfde ding, behalwe vir die \u2018chicken or beef\u2019 deel. Dink tiemie, spek, sampioene, klein uitjies en sommer \u2019n hele bottel rooiwyn en jy\u2019s op die regte spoor. Ek kies hoender en maak dit met \u2019n bottel KWV<\/a> Shiraz. Dis heerlik. MAAR\u2026 wit vleis gekook in rooiwyn word \u2019n gevaarlike pers kleur. Dis soos \u2019n knaap met \u2019n bierboep in \u2019n Speedo \u2013 nie mooi om te sien nie en definitief nie \u2019n ding wat ek wil afneem nie. Toe maak ek dit maar weer \u2013 met witwyn. En omdat ek reeds \u2019n kardinale re\u00ebl oortee het, roer ek \u2019n bietjie cr\u00e8me fra\u00eeche ook by hier op die einde.<\/p>\n<\/div> Pak van 8 hoenderdye en boude Klad die hoenderstukke met \u2019n vadoek om seker te maak hulle is lekker droog. Gooi drie eetlepels olyfolie\u00a0 <\/span>in \u2019n dikbodempan en verhit. Sprinkel sout en peper oor die hoenderstukke en braai hulle in die pan tot goudbruin. Verwyder en sit eenkant. Braai die heel uitjies vir \u2019n paar minute tot hulle begin kleur kry. Verwyder en voeg by die hoederstukke.<\/p>\n Braai volgende die fyngekapte uie en spek tot sag en goudbruin. (Wees versigtig dat dit nie brand nie.) Gooi die knoffel en sampioene by en braai vir nog twee minute. (As jy gewone knopiesampioene gebruik, gooi alles nou in. Vir my eksotiese sampioenmengsel het ek die groteres soos shiitake gesny en op die stadium ingegooi. Die vreeslike fyn sjimeji sampioene wou ek nie pap kook nie. Ek het hulle uitgehou en hier heel op die einde vinnig apart in botter gebraai en toe oorgestrooi. Tog te fraai.)<\/p>\n Gooi die wyn in en kook vinnig vir twee minute sodat die alkohol verdamp. Voeg die sakkie hoenderaftreksel, tiemie takkies, hoenderstukke (saam met enige vloeistof wat met die staan uitgekom het) klein uitjies en gekapte wortels by. Sit die deksel op, draai die hitte baie laag en kook stadig tot deurgaar en sag. Roer die cr\u00e8me fra\u00eeche by en kook vir 2 minute. Sprinkel die pietersielie in. Proe vir sout (jy sal nog nodig h\u00ea) en gee hom nog \u2019n skoot peper.<\/p>\n Jy kan hierdie net so eet as jy die Tim Noakes \u2018stysel-is-die-duiwel\u2019 ding doen. Ek steur my nie daaraan nie, so ek hou hiervan met \u2019n gevaarlike groot stuk Franse baguette of baba aartappels in die skil. En natuurlik \u2019n glas wyn.<\/p>\n<\/div> 4<\/p>\n<\/div> 10\u00a0min<\/p>\n<\/div> 40\u00a0min<\/p>\n<\/div>Al wat jy nodig het is…<\/h5>\n
\n12 klein uitjies, geskil en in die helfte gesny of heel as hulle klein genoeg is
\n150-200g sampioene (Ek het Woolies se \u2018Exotic\u2019 sampioenmengsel gebruik vir bietjie intenser geur en vir die mooi, maar knopiesampioene is piekfyn.)
\n1 klein ui, baie fyngekap
\n100g spek, fyngekap
\n1 lekker vet knoffelhuisie, fyngekap
\n4 takkies vars tiemie
\n500ml droe\u00eb witwyn (ek het KWV Classic Collection Chenin Blanc gebruik)
\n200g wortels, geskil en in stukke gesny
\nhoenderaftreksel (Gewoonlik het ek nie \u2019n probleem met \u2018n blokkie nie, maar hierdie dis verdien spesiale behandeling, so gebruik eerder een sakkie van Ina Paarman se Concentrated Liquid Real Chicken Stock. Dis die geld werd.)
\nsout en growwe swart peper
\n4 hoogvol eetlepels cr\u00e8me fra\u00eeche
\n2 E Italiaanse pietersielie, gekap
\nolyfolie en botter, vir braai<\/p>\n<\/div>bedien<\/h4>\n
vooraf<\/h4>\n
kook<\/h4>\n
Gehou van die resep? Deel dit!<\/h4>