{"id":2607,"date":"2014-06-11T17:03:42","date_gmt":"2014-06-11T15:03:42","guid":{"rendered":"http:\/\/www.melkkos-merlot.co.za\/?p=2607"},"modified":"2022-08-18T12:03:32","modified_gmt":"2022-08-18T10:03:32","slug":"peer-en-sjokolade-tertjies","status":"publish","type":"post","link":"https:\/\/www.melkkos-merlot.co.za\/af\/peer-en-sjokolade-tertjies\/","title":{"rendered":"Peer-en-sjokolade tertjies"},"content":{"rendered":"

Die ding met baie tyd in die kombuis spandeer, is dat dit nogal alleen kan raak. Merlot is \u2019n verbale kat weliswaar, maar aangesien ek nie \u2018kat\u2019 praat nie, kan en nou nie juis s\u00ea ek vind haar konstante geselsery boeiend nie.<\/p>\n

So toe Nina Timm <\/a>van My Easy Cooking<\/a> my uitnooi om saam met haar te kom kook was ek nogal opgewonde. Nie net \u2019n m\u00e9ns om mee te praat so oor die kook nie, maar Nina Timm van alle mense. Kosstilis, fotograaf, RSG aanbieder<\/a>, resepontwikkelaar \u2013 Nina doen dit als en nog veel meer. Sy\u2019s \u2018laid back\u2019 en s\u00ea ek kan kook wat ek wil, vinnig en maklik is haar enigste voorwaardes.<\/p>\n

Vinnig en maklik pas my heel goed, so vanoggend douvoordag (OK dit was 9-uur, maar dis vroeg vir my) staan ek bibberend voor haar hek waar Oreo (die honne weergawe van Merlot) my stertswaaiend inwag.<\/p>\n

Nina red my van die verkluim met \u2019n paar koppies koffie, en toe\u2019s dit tyd vir kook. Dis nogal eienaardig hoe lank en moeilik vinnig en maklik kan wees. Ek wik en weeg, maar uiteindelik besluit ek op klein peer-en-marsepein tertjies met sjokolade. Nina neem hulle af en hulle\u2019s te fraai.<\/p>\n

Bedien hulle warm met room of roomys. Maklik en vinnig. Daar\u2019s hy. Dankie vir die kuier Nina<\/a>, dit was vet pret!<\/p>\n

Groete tot volgende keer
\nLizet & Merlot<\/p>\n

P.S. Skakel m\u00f4reoggend net na 9 in op RSG<\/a>. Nina het my genooi om te kom gesels.<\/p>\n<\/div>

<\/div><\/div><\/div>
Al wat jy nodig het is…<\/h5>\n

blaardeeg (die deeg is die ster hier, so dis dit werd om effe meer te spandeer en behoorlike blaardeeg gemaak met regte egte botter te koop. Woolworths se \u2019butter puff pastry\u2019 is perfek)
\n3 pere
\nmarsepein (marzipan)
\n3E botter, gesmelt
\n1E strooisuiker
\n3E appelkooskonfyt, gesmelt
\n70ml room
\n100g donkersjokolade
\n50g amandelvlokkies, gerooster
\nversiersuiker, vir die moo<\/p>\n<\/div>

<\/div><\/div><\/div>

Verhit jou oond tot 180 grade Celsius. Rooster die amandels in \u2019n pan of op \u2019n bakplaat in die oond tot goudbruin. Verwyder en hou eenkant. Sny agt sirkels uit die deeg (\u2019n omgekeerde teekoppie maak dit makliker). Rol 8 klein balletjies van die marsepein (omtrent een teelepel marsepein per balletjie). Gebruik \u2019n koekroller om die balletjies plat te druk, hulle moet omtrent so groot soos \u2019n R5-stuk wees. (Sif bietjie versiersuiker oor die bord en koekroller om te keer dat hulle klou.) Sit een stukkie marsepein op elke deegsirkel.<\/p>\n

Sny die pere in dun skywe en plaas \u2019n paar skywe op elke deegsirkel. So waaier-patroontjie is mooi. Verf die pere met botter en strooi \u2019n knippie strooisuiker oor elkeen. Bak op \u2019n kleefvrye bakplaat tot die deeg goudbruin en die pere sag is. Verf met gesmelte konfyt sodra hulle uit die oond kom. Strooi amandels oor en spuit sjokolade oor. Sif bietjie versiersuiker oor en bedien warm met room of vanielje-roomys. As jy die sjokolade\/amandel storie ook in die roomys wil herhaal, bedien dit met Woolworths se Tin Roof roomys. Dis een van my gunstelinge.<\/p>\n

Vir die sjokolade:<\/strong>
\nMaak die sjokoladesous terwyl die tertjies in die oond is. Verhit eenvoudig die room in \u2019n pot op die stoof of in die mikro (moenie dit laat kook nie!). Breek nou die sjokolade in die room in. Die hitte sal dit laat smelt. Roer tot dit glad is. Vir \u2019n kits spytsakkie, skep eenvoudig die sjokolade in \u2019n plastiek toebroodjiesakkie. Stoot alles in een hoek in, knip \u2019n klein gat in die hoekie en daar het hy dit.<\/p>\n<\/div>

<\/div><\/div><\/div>

bedien<\/h4>\n

8<\/p>\n<\/div>

<\/div><\/div><\/div>

vooraf<\/h4>\n

15\u00a0min<\/p>\n<\/div>

<\/div><\/div><\/div>

kook<\/h4>\n

25\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>