{"id":2627,"date":"2014-06-19T09:29:33","date_gmt":"2014-06-19T07:29:33","guid":{"rendered":"http:\/\/www.melkkos-merlot.co.za\/?p=2627"},"modified":"2022-08-19T22:35:28","modified_gmt":"2022-08-19T20:35:28","slug":"garnaal-en-chorizo-tapas","status":"publish","type":"post","link":"https:\/\/www.melkkos-merlot.co.za\/af\/garnaal-en-chorizo-tapas\/","title":{"rendered":"Garnaal-en-chorizo tapas"},"content":{"rendered":"

My eerste kennismaking met sjerrie was op universiteit. Dis steeds vars in my geheue \u2013 vir al die verkeerde redes. As broekskeur student was \u2018goedkoop en baie\u2019 basies my enigste vereistes, vir so te s\u00ea enigiets. Dat dinge lelik sou raak met so houding was seker onvermydelik en sjerrie het sommer vinnig op my nooit-as-te-nimmer-weer-nie lysie beland, neffens kerrie-afval en polonie. Ek het darem na so tien jaar weer die lig gesien met sjerrie. En dis \u2019n goeie ding, want ons maak wonderlikes. (Kerrie-afval en polonie sit ek steeds my mond nie aan nie.)<\/p>\n

Natuurlik mag ons nou al vir \u2019n hele ruk lank nie meer die term \u2018sjerrie\u2019 gebruik nie. Die Europe\u00ebrs is erger oor di\u00e9 naam as \u2019n Jack Russell oor \u2019n T-been. Net sjerrie wat van die Jerez-streek in Spanje kom mag sjerrie genoem word.<\/p>\n

So hoe dan nou gemaak? Dis maklik, ons doop hom Pale Dry, Medium Cream en Full Cream. Jip, as jy een van hierdie terme op \u2019n bottel sien, is dit \u2019n \u2018sjerrie\u2019-styl wyn. Laas Donderdagaand los ek maar die W\u00eareldbeker openingseremonie (ek verstaan ek\u2019t nie veel gemis nie) en vat die pad na Society Bistro<\/a> in Tuine, Kaapstad vir \u2019n aand saam met KWV<\/a> se \u2018sjerrie\u2019 mense. Eerste om te proe: KWV<\/a> se Cape Pale Dry (soos sy naam s\u00ea, hy\u2019s droog). By dit kry ons vis met \u2019n klapper korsie en ertjie-puree. Te genotlik. Volgende aan die beurt \u2019n gorgonzola-souffl\u00e9 met chorizo-wors. By dit die effe soeter KWV Medium Cream. Liplek lekker. En toe dun snye Wagyu-bees bresaola. KWV se soet Full Cream is die perfekte antwoord vir die souterige, rokerige vleis. En dis nou die ding van hierdie wyne\u2026 Hulle mag \u2019n knersie iets bykry om hulle \u2019n alkoholvlak van so 17.5% te gee (teenoor die 12-14% van meeste wyne), maar dis steeds wyn, wat hulle perfek maak by kos.<\/p>\n

Wat wou ou tannies wat na viooltjies ruik. As jy aan hierdie wyne dink, dink \u2019n soel somernag in Madrid. Dink \u2019n oulike Se\u00f1or\/Se\u00f1orita wat sag Spaans in jou oor prewel en jou tapas voer. Seksie verby.<\/p>\n

Met dit in gedagte maak ek \u2019n paar dae later \u2019n bottel KWV Cape Pale Dry<\/a> oop. Ek gebruik daarvan om \u2019n vinnige maar heerlike garnaal-en-chorizo tapas dis aanmekaar te slaan. Ek was dit af met \u2019n slukkie of wat van die Pale Dry en droom van Javier Bardem.<\/p>\n

Groete tot volgende keer
\nLizet<\/p>\n<\/div>

<\/div><\/div><\/div>
Al wat jy nodig het is…<\/h5>\n

goeie olyfolie
\n200g chorizo-wors, in diagonale skywe gesny
\n2E fyngekapte uie
\n1 groot knoffelhuisie (so 1\u00bdE), fyngekap \u2013 en ek bedoel fyn!
\n\u00bdt gewone paprika
\n\u00bct soet gerookte Spaanse paprika (Woolies het)
\nklein knippie rissievlokkies (opsioneel)
\n300g garnale, skoongemaak maar met die stertjie steeds aan
\n70ml Pale Dry (i.e. droe\u00eb \u2018sjerrie\u2019)
\nItaliaanse pietersielie<\/p>\n<\/div>

<\/div><\/div><\/div>

Voor ons begin, eers \u2019n klein sedeprekie: Dis altyd \u2019n goeie idee om met goeie bestanddele te werk. Maar as \u2019n resep so min bestanddele het as hierdie een, is dit so belangrik as om jou bankbalans te balanseer. So koop die beste garnale en chorizo wat jy kan! Kom ons kook…<\/p>\n

Verhit 4E olyfolie en braai die chorizo-wors oor \u2019n lae hitte vir twee minute. Verwyder en hou eenkant. Gooi die uie in die pan en braai oor \u2019n lae hitte tot die uie sag is. Voeg die knoffel by en braai vir \u2019n minuut. Voeg die paprika en rissie (as jy dit gebruik) by. Baie resepte voeg die paprika vroe\u00ebr by, maar vir my brand dit maar maklik en dan\u2019s dit bitter. Draai die hitte hoe\u00ebr en voeg die garnale en chorizo by. Braai tot die garnale gaar is. (Hulle sal pienk en ferm wees, dit vat net \u2019n paar minute so wees versigtig dat jy hulle nie pap kook nie.) Voeg die sjerrie by en kook oor \u2019n ho\u00eb hitte vir 30 sekondes.<\/p>\n

Gee hom nog \u2019n skootjie olyfolie, \u2019n stewige skoot gekapte pietersielie (so twee eetlepels) en bedien in klein bakkies vir mense om aan te peusel. Hierdie is nie bedoel om \u2019n maaltyd te wees nie. Dis \u2019n Spaanse-styl knabbelding en sal vier bedien. Bedien dit met klein bakkies groen olywe, my soetrissies<\/a>, en geroosterde ciabatta natgemaak met olyfolie.<\/p>\n<\/div>

<\/div><\/div><\/div>

bedien<\/h4>\n

4<\/p>\n<\/div>

<\/div><\/div><\/div>

vooraf<\/h4>\n

10\u00a0min<\/p>\n<\/div>

<\/div><\/div><\/div>

kook<\/h4>\n

15\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>