{"id":2659,"date":"2014-06-25T12:16:58","date_gmt":"2014-06-25T10:16:58","guid":{"rendered":"http:\/\/www.melkkos-merlot.co.za\/?p=2659"},"modified":"2022-08-19T22:21:29","modified_gmt":"2022-08-19T20:21:29","slug":"risotto-rys-balletjies","status":"publish","type":"post","link":"https:\/\/www.melkkos-merlot.co.za\/af\/risotto-rys-balletjies\/","title":{"rendered":"Risotto-rys balletjies"},"content":{"rendered":"

Dis wonderbaarlik, die ding wat gebeur as stysel met vet en hitte kennis maak. \u2019n Aartappel kan \u2019n bra vervelige groente wees, maar sny hom in skyfies en gooi hom in warm olie en skielik is hy \u2019n perd van \u2019n ander kleur \u2013 bros buite, en veerlig en wolksag binne. \u2019n Bakkie tuisgemaakte mayonnaise met hope knoffel in daarby en dis my idee van die perfekte knabbelding. Of miskien nie\u2026<\/p>\n

\u2019n Week of wat terug kry ek \u2019n uitnodiging om te kom inloer by Bistro 1682<\/a> op die Steenberg landgoed. Met wonderlike uitsigte oor die Constantia vallei en Valsbaai in die verte is dit \u2019n uiters gewilde eetplek vir ontbyt en middagete. Maar ek was daar vir aandete en nie sommer enige aandete nie, maar tapas. Jip, by Bistro 1682<\/a> kan jy hier van laatmiddag af tot vroegaand (so agtuur) kom aansit vir klein bordjies lekkerte. Tapas is \u2019n ding wat mens met Spaanse geure vereenselwig, maar Sjef Brad Ball (van River Caf\u00e9 en Caf\u00e9 Olympia faam) het besluit Junie is Italiaanse maand by Bistro 1682. Ons knaag aan kwarteltjies met roosmaryn en olywe, mossels in \u2019n rissie-tamatiesmoor en dun skywe bees net, net skrikgemaak. Ag jene ek\u2019s mal oor die bietjies-bietjies eet. Ek hou van alles, maar my gunsteling is\u2026 die stysel natuurlik. Arancini (letterlike vertaling: klein lemoentjies) is \u2019n Sisiliaanse dis van diepgebraaide risotto-rys balletjies, tradisioneel gestop met mozzarella-kaas. By dit kan jy ham, ertjies, sampioene en wat nog sit, elke Italiaanse nona het haar eie geheim.<\/p>\n

Sjef Brad stop syne met taleggio-kaas. Hulle\u2019s brosbruin buite, en veerlig binne met die rys wat nog so effense al dente byt het. Sjoe, maar dis lekker. Twee dae later bestel ek weer risotto-balletjies by \u2019n ander restaurant. Hulle\u2019s swaar, papgekook en druppend van die olie. En dit sit my aan die wonder \u2013 presies hoe moeilik kan dit wees om arancini perfek te kook? Ek sit my voorskoot aan en roep Merlot om te kom skerts en ek maak hom. Kannie makliker wees nie. Is myne so goed soos Bistro 1682<\/a> s\u2019n? Miskien sal ek weer moet gaan kuier, net om heeltemal seker te wees\u2026<\/p>\n

Groete tot volgende keer
\nLizet<\/p>\n

Meer oor Bistro 1682:<\/strong>
\nTapas is van 16:30 tot 20:00. Twee is meer as genoeg per persoon en meeste pryse is tussen R38 en R55. Vir die wintermaande is daar \u2019n spesiale aanbod van twee tapas en \u2019n glas wyn vir net R120. Juliemaand het die tapas \u2019n Sjinese tema. Loer hier<\/a> na die spyskaart, dit lyk heerlik.<\/p>\n<\/div>

<\/div><\/div><\/div>
Al wat jy nodig het is…<\/h5>\n

2E olyfolie
\n1E botter
\n1k risotto-rys (Arborio)
\n\u00bck droe\u00eb witwyn
\n3k warm hoenderaftreksel (tuisgemaak of \u2018n baie goeie kommersi\u00eble een soos Nomu of Ina Paarman s\u2019n)
\n\u00bck vars parmesaan- of pecorino-kaas, gerasper
\n1 medium ui, baie fyn gesny (gebruik jou voedselverwerker)
\n1 knoffelhuisie, fyngedruk
\n\u00bct vars roosmaryn, baie fyn gesny
\n1E olyfolie
\n1E botter
\nmozzarella-kaas
\npakkie soutbeskuitjies, fyngedruk tot hulle soos fyn broodkrummels lyk \u2013 gebruik \u2018n koekroller of jou voedselverwerker (ek het Woolworths se roosmaryn beskuitjies gebruik)
\n1 eier, geklits
\nkoekmeel
\ngewone kookolie vir diepbraai<\/p>\n<\/div>

<\/div><\/div><\/div>

Verhit 2E olyfolie en 1E botter in \u2019n dikbodempan tot warm. Voeg die risotto-rys by en roerbraai vir 2 minute. Voeg die wyn by en kook vir \u2019n minuut. Voeg nou die hoenderaftreksel \u2013 \u2019n halwe koppie op \u2019n keer \u2013 by en roer aanhoudend tot die rys al die aftreksel opgesuig het. Moenie nog aftreksel byvoeg voor die vorige lot nie geabsorbeer is nie. Hierdie is \u2019n ding wat so 20 minute vat en jy kannie wegloop nie, so sit musiek aan, gooi \u2019n glas wyn en geniet die proses. (BAIE BELANGRIK: kook jou risotto oor \u2019n medium-lae hitte. Kook jy dit vinnig, is hy papgaar buite en kliphard binne.) Perfekte risotto is romerig met net so effe ferm al dente<\/em> byt in die middel.)<\/p>\n

As al die aftreksel in en opgesuig is, verwyder die risotto van die hitte en roer die parmesaan-kaas in. Proe vir sout en gee hom \u2019n draai swart peper. Skep dit in \u2019n groot plat bord sodat dit vinniger afkoel. As dit eers kamertemperatuur is, sit dit in die yskas vir \u2019n uur of twee. (Jy kan sien hoekom oorskiet risotto so handig is! So maak dubbel volgende keer sodat jy die volgende dag arancini kan geniet.)<\/p>\n

Maak die vulsel terwyl die risotto afkoel. Braai die ui op \u2019n medium hitte in 1E botter en 1E olyfolie vir \u2019n paar minute. Voeg die knoffel en roosmaryn by en braai nog \u2019n minuut of wat. Voeg 3E water by, sit \u2019n deksel op, stel die stoofplaat op sy laagste en kook hom tot hy suikersoet en sag is. Dit vat so 5 minute. As jou risotto koud en geset is, is hy reg vir balletjies maak. Daar is baie maniere om dit te doen, maar my manier \u2013 met kleefvrye plastiek \u2013 is flatervry! Skep eenvoudig een eetlepel risotto en vorm dit in \u2019n balletjie. Doen dieselfde om \u2019n tweede balletjie te kry. Gebruik jou duim om \u2019n holte in die middel van albei balletjies te druk. Skep \u2019n bietjie van die uiemengsel en \u2019n blokkie mozzarella-kaas in die een holte. Sit die tweede rysballetjie (holte-kant na onder) bo-op die balletjie met die vulsel en pers hom saggies saam.<\/p>\n

Sit nou die nuutgevormde groter balletjie in \u2019n vierkant kleefpastiek en draai hom styf toe \u2013 soos jy ouma se p\u00earels in \u2019n sneesdoekie sal toedraai! Hoe stywer jy hom draai, hoe fermer is die balletjie en hoe kleiner die kans dat by gaan breek as hy in die olie beland. Verwyder die balletjie en rol hom liggies in jou hande om van enige van die plastiek drukmerke onstlae te raak. Herhaal met die orige rys en vulsel. Doop die balletjies in meel, dan eier en dan die krummels. Verkoel in die yskas vir ten minste 30 minute. Diepbraai oor \u2019n medium hitte tot die balletjies brosbruin buite is en die kaas binne gesmelt is. Bedien warm met \u2019n warm tamatie-basiliekruid doopsous (sien GOED OM TE WEET hieronder).<\/p>\n<\/div>

<\/div><\/div><\/div>

maak<\/h4>\n

10<\/p>\n<\/div>

<\/div><\/div><\/div>

kook<\/h4>\n

40\u00a0min<\/p>\n<\/div>

<\/div><\/div><\/div>

verkoel<\/h4>\n

2\u00a0ure<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>