Koekies koop was nie \u2019n ding wat ek as kind geken het nie. Mens het gebak. Koop was vir lui huisvroue, slegte ma\u2019s en dorpsmense \u2013 in ouma se o\u00eb almal ewe erg.<\/p>\n
Sy\u2019t nie klein begryp nie, my ouma. Suiker en meel is grootmaat gekoop by die ko\u00f6perasie op Standerton en in 30-liter dromme gehou in die kas in die gang. Op \u2018Bakdag\u2019 was haar kombuis met sy 12-sitplek tafel \u2019n miernes \u2013 en die hele jaart gevul met die soet geur van vanielje, van sesuur die oggend tot laataand. <\/p>\n
Ek\u2019s nie veel van \u2019n koekie eet of bak mens nie (ek’s die winkel soort), maar hier in die winter so elfuur die oggend en weer vieruur die middag hunker ek na \u2019n koppie rooibos met \u2019n soete knabbelding daarby. Min kom vir my naby \u2019n behoorlike tuisgebakte soetkoekie en hy\u2019s net behoorlik as hy hope naeltjiegeur het. Hierdie resep is nie die tradisionele soetkoekie nie, want hy het hawermout en klapper by. Jy rol ook nie die deeg uit nie, jy druk hom sommer plat met die hand. Puriste sal seker \u2019n probleem h\u00ea dat ek dit nou \u2019n soetkoekie noem, maar dis wat in ouma se boekie staan en sy\u2019s nie meer daar om mee te stry nie. So daar het jy dit \u2013 outydse hawermout soetkoekies propvol kaneel en naeltjiegeur.<\/p>\n<\/div>
5 koppies koekmeel
\n6t bakpoeier
\n1t sout
\n1\u00bd koppies hawermout
\n1\u00bd koppies gedroogde klapper
\n1E fyn kaneel
\n1t fyn naeltjies
\n3 koppies strooisuiker
\n1\u00bd koppies botter, teen kamertemperatuur (gebruik Lurpak, Kerrygold of Woolies botter)
\n4 eiers
\n\u00bd koppie melk<\/p>\n<\/div>
Sif die meel, bakpoeier en sout saam. Voeg die hawermout, klapper, kaneel en naeltjies by. Verroom die botter en suiker. Voeg die eiers by die bottermengsel en meng goed. (Jy\u2019t seker opgemerk ek\u2019s effe puntenerig oor die botter wat ek gebruik. Vir my het baie van die ander soorte \u2019n effense galsterige ondertoon wat ek dadelik proe \u2013 en r\u00earig haat.)<\/p>\n
Voeg die bottermengsel by die meel en meng. Jy kan jou lyf f\u00eansie hou en dit met \u2019n lepel probeer doen, maar ek vind sommer met die hand werk beter. Voeg die melk by en meng deur. Laat die deeg vir 15 minute in die yskas rus. Rol eweredige klein balletjies deeg (een eetlepel deeg per balletjie) en plaas op \u2019n gesmeerde kleefvrye bakplaat. As jy vind die deeg kleef aan jou hande, doop eenvoudig jou hande in \u2019n bietjie meel. Druk die koekies effe plat met die palm van jou hand.<\/p>\n
Gebruik die agterkant van \u2019n vurk om \u2019n mooi patroontjie bo-op die koekies te druk. Bak tot ligbruin teen 190 grade Celsius \u2013 dit vat 20-25 minute. Verwyder en laat afkoel. Soos hulle afkoel sal die koekies bros word. B\u00eare in \u2019n lugdigte houer. Hierdie resep maak 70 koekies \u2013 ek s\u00ea mos hulle\u2019t nie gespeel 60 jaar terug nie! As jy minder wil maak, halveer eenvoudig die resep. (Sien GOED OM TE WEET hieronder vir my idee van \u2019n ware boere roomyswafel!) <\/p>\n
Groete tot volgende keer
\nLizet<\/p>\n<\/div>
70<\/p>\n<\/div>
15\u00a0min<\/p>\n<\/div>
25\u00a0min<\/p>\n<\/div>