Babas, kleuters, peuters\u2026 en honne. Kyk ek begryp eenvoudig nie hoekom adverteerders so mal daaroor is om hulle te gebruik om goed te smous nie. <\/p>\n
Moenie my verkeerd verstaan nie, dis nie dat ek nie van babas hou nie. Ek\u2019s nie juis handig met hulle nie en bang ek laat hulle val, so ek skram weg as iemand net-net lyk of hulle vir my \u2018n baba wil \u2018pass\u2019. Maar ek hou van hulle. Sommer baie.<\/p>\n
En ek\u2019s kopaf dol oor enige dier. Hoekom hulle my egter sal noop om toiletpapier, verf en karre te koop, is nie vir my duidelik nie. (OK die bokser wat so breed grinnik met sy stel menstande is oulik. Maar nie so oulik dat ek \u2019n Hilux \u2018double cab\u2019 gaan koop as my Lotto-skip inkom nie.)<\/p>\n
In plaas van my aanvuur, het sulke advertensies dikwels die teenoorgestelde effek. Hoe \u2019n bekende finansi\u00eble instansie se advertensie met \u2019n swetterjoel eenjariges met grootmens brille en arms vol papiere finansi\u00eble vertroue inboesem, weet ek glad nie. Hulle kry nie my geld nie.<\/p>\n
Toe ek dus laas Saterdagaand in my seksie sweetpakbroek voor die TV l\u00ea en \u2018surf\u2019 en op n\u00f3g \u2019n baba advertensie afkom, was ek nie juis be\u00efndruk nie. Maar toe begin die lotjie sing, en hulle \u2018tap dance\u2019 in hulle ma se maag. Dit alles oor hulle bly is sy eet Cadbury melksjokolade. Ek doen die ondenkbare. Ek lag. (Loer hier na die advertensie.)<\/a> En die volgende dag loop koop ek Cadbury melksjokolade. Nou toe nou. <\/p>\n Om die sjokolade net so te verorber het te veel soos sonde gevoel. Toe kook ek daarmee \u2013 asof dit nou wonderbaarlik die kalorie\u00eb gaan verminder. Ek maak sjokolade-mousse en, omdat melksjokolade nie die diep, ryk smaak van \u2019n sjokolade met \u2019n 70% kakao inhoud het nie (wat ek gewoonlik vir mousse gebruik), help ek die storie bietjie aan met koffie \u00e9n \u2019n skoot brandewyn. <\/p>\n<\/div> 375ml vars room Breek die sjokolade in klein blokkies en smelt. Die maklikste manier om dit te doen, is om die sjokolade vir 20 sekondes op \u2019n keer in die mikro te blits. Roer dit na elke 20 sekondes, selfs al lyk dit nog solied. Hou aan met die 20-sekonde\/roer storie tot die sjokolade gesmelt is.<\/p>\n Plaas 175ml van die room, die eiergele, suiker en kakao in \u2019n hittevaste bak oor \u2019n pot kokende water. (Maak seker die bodem van die bak raak nie aan die water nie.) Verhit die mengsel stadig terwyl jy deurentyd klits. Dit van \u2019n hele rukkie so, tensy jy bultende armspiere het of wil h\u00ea, beveel ek aan jy gebruik \u2019n elektriese klitser. Hou aan klits tot die eier genoeg gekook het om die sous te verdik (so 7 minute). Verwyder van die hitte en roer die koffie, brandewyn en gesmelte sjokolade by.<\/p>\n Laat die mengsel afkoel. Jy kan dit sommer blitsvinnig doen deur die bak in \u2019n groter bak gevul met yswater en ysblokkies te sit. Klits of roer dit om te verseker die hele mengsel word aan die koue blootgestel en binne minute sal die mengsel yskoud wees. (Of jy kan die mengsel laat staan tot dit kamertemperatuur bereik het en dan in die yskas sit vir \u2019n uur.) <\/p>\n Klop die oorblywende room styf. (Wenk: Proe die sjokolade mengsel v\u00f3\u00f3r jy die room klop. As dit nie soet genoeg is na jou smaak nie, kan jy strooisuiker na smaak by die room voeg wanneer jy dit klop.<\/p>\n Klop ook die eierwitte tot styf. Vou \u2019n derde van die geklopte room in die sjokolade mengsel in om dit bietjie losser te maak. Vou dan versigtig die orige room en eierwitte by om soveel as moontlik van die lug in te hou.<\/p>\n Skep die mengsel in individuele bakkies en verkoel in die yskas vir ten minste vier ure voor jy bedien. Hierdie mousse sal vir 2-3 dae in die yskas hou. Sif kakao oor net voor jy bedien. <\/p>\n Daar is sommer baie wat jy met hierdie resep as \u2019n basis kan doen. Loer na GOED OM TE WEET vir \u2019n paar idees!<\/p>\n<\/div> 8<\/p>\n<\/div> 30\u00a0min<\/p>\n<\/div> 4\u00a0ure<\/p>\n<\/div>Al wat jy nodig het is…<\/h5>\n
\n4 eiergele
\n2 x 80g blokke Cadbury melksjokolade
\n2 eierwitte
\n3E kakao
\n6E suiker
\n2t goeie brandewyn (sien \u2018goed om te weet\u2019 laer af vir alkohol-vrye opsies)
\n3E st\u00e9rk espresso (of gebruik goeie kwaliteit kitskoffie soos Jacobs, gemeng met 3E water) <\/p>\n<\/div>bedien<\/h4>\n
vooraf<\/h4>\n
verkoel<\/h4>\n
Gehou van die resep? Deel dit!<\/h4>