{"id":3137,"date":"2014-10-02T05:36:02","date_gmt":"2014-10-02T03:36:02","guid":{"rendered":"http:\/\/www.melkkos-merlot.co.za\/?p=3137"},"modified":"2022-08-18T12:11:53","modified_gmt":"2022-08-18T10:11:53","slug":"roomys-met-surlemoensmeer","status":"publish","type":"post","link":"https:\/\/www.melkkos-merlot.co.za\/af\/roomys-met-surlemoensmeer\/","title":{"rendered":"suurlemoen-roomys"},"content":{"rendered":"

Die sielkunde van bemarking is redelik eenvoudig. Gee my \u2019n \u2018deal\u2019 en ek\u2019s daar soos \u2019n brommer by \u2019n piekniek. Meeste van ons is seker maar so. \u2018Spaar\u2019 is goed, \u2018halfprys\u2019 beter en \u2018gratis\u2019 fantasties. Maar my gunsteling is sekerlik \u2018NUUT\u2019. Slat \u2019n stickertjie met di\u00e9 woord op \u2019n bottel of \u2019n boks en dat ek hom gaan koop is \u2019n feit soos \u2019n koei.<\/p>\n

So toe ek onlangs in Woolies rondsnuffel vir inspirasie en \u2019n bottel suurlemoensmeer (lemon curd) sien met sy groen plakkertjie wat \u2018nuut\u2019 uitbasuin, wel, jy weet wat volgende gebeur het.<\/p>\n

Suurlemoensmeer is half \u2019n Engelse ding as jy my vra. My kinderdae was nie juis daarmee gevul nie. En wat \u2019n jammerte, want maak jy jou o\u00eb toe proe dit vir my nes kondensmelk met \u2019n parmantige skeut suurlemoen. Suur-soete sitrus verleiding. Ek skep dit op plaatkoekies, op botterbroodjies met \u2019n leksel room, gebruik dit as vulsel vir sponskoek en eet dit sommer net so op sy eie uit die bottel, sonder om skuldig te voel. Tuisgemaak is beter, dis mos altyd. Maar wie\u2019t nou die tyd? Ek doen die winkel ding en ek moet s\u00ea die een van Woolies is die beste winkel ene wat ek nog te\u00ebgekom het (en hulle betaal my NIE om dit te s\u00ea nie).<\/p>\n

En soos ek nou maar is, wonder ek wat ek nog daarmee kan doen. Hoekom nie roomys nie? Drie bestandele, drie minute se werk, drie ure in die vrieskas. Kannie makliker nie en dis liplek lekker.<\/p>\n<\/div>

<\/div><\/div><\/div>
Al wat jy nodig het is…<\/h5>\n

250ml vars room
\n250ml volroom melk
\n325g suurlemoensmeer (lemon curd)<\/p>\n<\/div>

<\/div><\/div><\/div>

Gooi alles in \u2019n groot mengbak en klits tot dit goed gemeng is. Gooi in \u2019n bak wat gepas is vir die vrieskas. (Ek\u2019t myne in my ouma se antieke silwer vergulde bak gevries, tog te fraai vir gaste.) Haal uit na 30 minute en roer en doen weer so na 60 minute om enige yskristalle op te breek. Die roomys behoort kliphard te vries binne 3 ure. Bedien roomys met ekstra suurlemoensmeer en skuimpies (hemels) of met vrugteslaai. Sien GOED OM TE WEET hieronder vir \u2019n paar vrugteslaai idees. <\/p>\n<\/div>

<\/div><\/div><\/div>

bedien<\/h4>\n

6-8<\/p>\n<\/div>

<\/div><\/div><\/div>

vooraf<\/h4>\n

3\u00a0min<\/p>\n<\/div>

<\/div><\/div><\/div>

vries<\/h4>\n

3\u00a0ure<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>