{"id":3188,"date":"2014-10-18T13:30:19","date_gmt":"2014-10-18T11:30:19","guid":{"rendered":"http:\/\/www.melkkos-merlot.co.za\/?p=3188"},"modified":"2022-08-18T12:15:32","modified_gmt":"2022-08-18T10:15:32","slug":"hartenberg-piekniek","status":"publish","type":"post","link":"https:\/\/www.melkkos-merlot.co.za\/af\/hartenberg-piekniek\/","title":{"rendered":"Hartenberg piekniek"},"content":{"rendered":"

In die sweet van jou aangesig sal jy jou brood verdien… Ek dink dis hoe die gesegde lui, en die laaste twee maande of wat sw\u00e9\u00e9t ek emmersvol. Moenie my verkeerd verstaan nie, dis nie dat ek kla nie, \u2018after all\u2019 ledigheid is die oorkussing van die duiwel. Maar na t\u00e9 veel weke van begin werk hier sesuur in die oggend (soms vieruur as ek vroeg wakker word en net daar l\u00ea en \u2018stress\u2019) moet mens darem \u2019n blaaskans h\u00ea.<\/p>\n

Soos laas Sondag, toe ek die N1 noord uit Kaapstad vat vir \u2019n piekniek op die Hartenberg<\/a> wynlandgoed buite Stellenbosch. Hartenberg staan al vir \u2019n paar eeue lank \u2013 322 jaar, as presies wees vir jou belangrik is. \u2019n Piekniek op \u2019n wynlandgoed is nie ongewoon in hierdie geweste nie. Maar, soos seker maar met alles, kry jy haaglik, OK-erig en wonderlik. Met al die swetery om hom vol te maak, is ek bra traag om my beursie uit te haal vir \u2019n goor ondervinding. <\/p>\n

\u2019n Hartenberg<\/a> piekniek stel nie teleur nie. Tafels gedek met vrolike rooi lap in die skadu van stokoue akkerboom reuse \u2013 ver genoeg van mekaar af sodat ek kan skinder sonder dat ander my kan hoor. Piekniekmatte en massiewe kussings langs elke tafel vir skuinsl\u00ea hier drie uur se kant. Myle groen gras vir kinders om te baljaar sonder om ander te pla… Hartenberg verstaan eenvoudig wat ek wil h\u00ea.<\/p>\n<\/div>

<\/div><\/div><\/div>

\"scroll-main\"<\/a><\/p>\n<\/div>

<\/div><\/div><\/div>
<\/span>
<\/div><\/div><\/div>

Hartenberg piekniek:<\/span> Speel, slaap, lees, kuier en eet, eet, eet. Perfek.<\/p>\n<\/div>

<\/div><\/div><\/div>

\"scroll-main\"<\/a><\/p>\n<\/div>

<\/div><\/div><\/div>

En dan\u2019s daar die kos. \u2019n Mandjie vir twee kos R175 per persoon en jy kry \u2019n bottel Hartenberg<\/a> wyn op die koop toe. Dis seker nie die goedkoopste piekniek nie, maar dis uitstekende waarde want jy kry tonne en dis heerlik. Snoek-patee; bocconcini, tamatie en basiliekruid-slaai; aartappel-en-groenboonslaai; kase, wonderlike vleise, uie-en-kaas tertjies, \u2019n terrien, brode; \u2019n paar ander goed \u00e9n poeding. Dis groot eet hierdie. Snaakse kase en vleise is natuurlik nie \u2019n kind se ding nie. Hartenberg weet van, daarom kry die kleingoed \u2019n piekniek wat hulle sal behaag vir R65. <\/p>\n

Daar\u2019s nie tonne plek nie, en dis deel van die sjarme van Hartenberg, so bespreek vroegtydig.<\/p>\n<\/div>

<\/div><\/div><\/div><\/div>