{"id":3270,"date":"2014-11-06T07:47:28","date_gmt":"2014-11-06T05:47:28","guid":{"rendered":"http:\/\/www.melkkos-merlot.co.za\/?p=3270"},"modified":"2022-08-19T17:23:05","modified_gmt":"2022-08-19T15:23:05","slug":"outydse-plaatkoekies","status":"publish","type":"post","link":"https:\/\/www.melkkos-merlot.co.za\/af\/outydse-plaatkoekies\/","title":{"rendered":"Plaatkoekies"},"content":{"rendered":"

Verandering is \u2019n goeie ding. Dis wat al die self-help goeroes en entrepreneurs konstant koer, en ek glo hulle. Maar ai dit \u2018stress\u2019 my uit. Dit laat my nou seker vreeslik sleg lyk, maar hier\u2019s die ding: ek h\u00f3\u00fa van dieselfde. My bank se webwerf dieselfde maand na maand, sodat ek net een keer hoef uit te \u2018figure\u2019 hoe die ding werk. Die koffie en kerse op dieselfde rak in die supermark elke maandeinde. Jy kry die idee. Ongelukkig stem die w\u00eareld nie met my saam nie. Behalwe die ouens by Lyle\u2019s<\/a>.<\/p>\n

Dieselfde leeu l\u00ea nou al vir meer as honderd jaar plat op hulle blikke gouestroop. En elke keer wat ek daai groen blik optel, is ek onmiddelik terug in my ouma se kombuis, waar die reuk van plaatkoekies my mond laat water. D\u00eds die wonderlike ding van dieselfde. <\/p>\n

Baie plaatkoekie resepte gebruik bakpoeier. Ouma het \u2019n meer indrukwekkende chemiese reaksie in haar kombuis verkies, en hare met koeksoda en kremetart gemaak. Met die gevolg dat haar plaatkoekies ligter was. Wat beteken het ek kon dubbel soveel eet.<\/p>\n<\/div>

<\/div><\/div><\/div>
Al wat jy nodig het is…<\/h5>\n

1\u00bdk koekmeel
\n\u2018n stewige knip sout
\n\u00bdt koeksoda
\n1t kremetart
\n2t strooisuiker
\n2t gouestroop
\n1 ekstragroot eier, geklits
\n1k melk
\nbotter of sonneblomolie vir braai<\/p>\n<\/div>

<\/div><\/div><\/div>

Sif die droe\u00eb bestanddele saam. Voeg die nat bestanddele by en meng tot glad. Verhit \u2019n kleefvrye pan en voeg \u2019n klontjie botter of olie by. Skep eetlepels vol van die deeg in die pan \u2013 nie te na aan mekaar nie, soos \u2019n 6-voet man op \u2019n vliegtuig soek hy spasie om sy bene te strek. <\/p>\n

Braai oor \u2019n medium-lae hitte tot borrels verskyn en begin bars. Draai om en braai aan die ander kant vir nog \u2019n minuut of wat tot goudbruin en deurgaar. Bedien dadelik terwyl warm. (Sien GOED OM TE WEET hieronder vir dinge om hierby te bedien).<\/p>\n<\/div>

<\/div><\/div><\/div>

bedien<\/h4>\n

12-14<\/p>\n<\/div>

<\/div><\/div><\/div>

vooraf<\/h4>\n

3\u00a0min<\/p>\n<\/div>

<\/div><\/div><\/div>

kook<\/h4>\n

10\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>