{"id":3514,"date":"2015-01-09T06:34:32","date_gmt":"2015-01-09T04:34:32","guid":{"rendered":"http:\/\/www.melkkos-merlot.co.za\/?p=3514"},"modified":"2022-08-19T22:30:50","modified_gmt":"2022-08-19T20:30:50","slug":"drie-boon-slaai","status":"publish","type":"post","link":"https:\/\/www.melkkos-merlot.co.za\/af\/drie-boon-slaai\/","title":{"rendered":"Drie boon slaai"},"content":{"rendered":"

Drie boon slaai. Ek hou sommer baie daarvan. Die een in die Werda plastiekpakkie binne die kartonboksie is sommer heel gaaf. Ek koop en gebruik dit. Op safari. In Botswana. As die naaste groentewinkel 12-ure-se-sloeg-deur-die dik-sand-van-Chobe ver is. By die huis voel ek half sleg oor sulke luiheid en maak maar my eie. <\/p>\n

Tradisionele drie boon slaai is natuurlik nie \u2019n mooi ding nie. Maar hy kan wees. Vir my drie boon slaai gebruik ek dieprooi en wit bone, en elegante dun groenbone wat ek net-net skrikmaak met stoom. Vir die vars sit ek sprietuie en radyse (een van 2015 se \u2018in\u2019 bestanddele) by. En ek tuimel die lot effe \u2018deconstructed\u2019 kunstig op \u2019n bord. \u2019n Soetsuur sousie met \u2019n kus kerrie en hy\u2019s reg.<\/p>\n<\/div>

<\/div><\/div><\/div>
Al wat jy nodig het is…<\/h5>\n

1E sonneblomolie
\n2E rooiuie, so fyn as moontlik gekap
\n1 klein knoffelhuisie, fyngekap
\n2t medium kerriepoeier (Rajah is perfek)
\n\u00bct sout
\n5E witwynasyn
\n3E bruinsuiker
\n1 blikkie rooi bone (kidney beans), afgespoel en gedreineer
\n1 blikkie wit bone (cannellini beans), afgespoel en gedreineer
\nklein pakkie fyn groenbone
\n3 sprietuie (met die groen stingels aan)
\n6 radyse <\/p>\n<\/div>

<\/div><\/div><\/div>

Stoom of kook die groenbone vir \u2019n minuut of wat \u2013 dit moet net-net begin buig en steeds baie knars h\u00ea. Dreineer en dompel dadelik in yswater tot die bone koud is. Dreineer en sit eenkant. Braai die uie in die olie oor \u2019n lae hitte tot sag (nie bruin nie). Voeg die knoffel en kerriepoeier by en braai vir \u2019n paar sekondes. Voeg die asyn, sout en suiker by en kook vir \u2019n halwe minuut \u2013 roer deurentyd sodat die suiker oplos. Verwyder van die hitte. Voeg een derde by die rooi bone, \u2019n derde by die wit bone en \u2019n derde by die groenbone. Marineer in die yskas vir \u2019n uur. Sny die sprietuie in dun repe met die lengte langs of diagonaal. Sny die radyse (ek gebruik \u2019n mandolien om hulle super dun te kry). Tuimel alles op \u2019n groot bord. Sit voor by \u2019n braai of op sy eie as \u2019n ligte middagete.<\/p>\n<\/div>

<\/div><\/div><\/div>

bedien<\/h4>\n

4-6<\/p>\n<\/div>

<\/div><\/div><\/div>

vooraf<\/h4>\n

10\u00a0min<\/p>\n<\/div>

<\/div><\/div><\/div>

kook<\/h4>\n

10\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>