{"id":3652,"date":"2015-02-10T08:17:04","date_gmt":"2015-02-10T06:17:04","guid":{"rendered":"http:\/\/www.melkkos-merlot.co.za\/?p=3652"},"modified":"2022-08-18T12:01:18","modified_gmt":"2022-08-18T10:01:18","slug":"lam-met-ras-el-hanout-en-framboos-ment-sous","status":"publish","type":"post","link":"https:\/\/www.melkkos-merlot.co.za\/af\/lam-met-ras-el-hanout-en-framboos-ment-sous\/","title":{"rendered":"Marokkaanse lam met framboos-ment sous"},"content":{"rendered":"

Drentel \u2019n pop in \u2019n skoen- of klerewinkel rond vir \u2019n paar uur sonder om iets te koop gee niemand \u2019n duit om nie. Probeer dieselfde ding in \u2019n supermark en die sekuriteitsknape kyk jou skeef en skuif sommer vinnig nader. Blykbaar is supermark-drentel nie gewens nie. Ek\u2019s min gepla. Ek vat my tyd en ek snuffel, ruik en lees etikette. Dis die beste manier om nuwe resep idees te kry.<\/p>\n

Soos die ander dag, toe ek op een van my snuffel ekspedisies \u2019n bottel Marokkaanse Ras El Hanout spesery in Woolies gewaar. Dis \u2019n geurige mengsel van koljander, komyn, naeltjies, gemmer en \u2019n spul ander wonderlike goed. In Marokko is g\u2019n twee dieselfde nie want elke self-respekterende mamma meng haar eie. Dit klink te veel na moeite, so die bottel beland in my mandjie. Terug by die huis marineer ek vet lam \u2018steaks\u2019 in olyfolie en \u2019n stewige skoot Ras el Hanout. Ek gooi hulle op die braai tot hulle net-net medium is, sny hulle in dik skywe en tuimel hulle op \u2019n groot bord met \u2019n framboos-en-ment sousie ding. Tog te fraai. Toe ek die resep weer vir die afnemery maak kon ek ongelukkig net lamtjops kry \u2013 nie so mooi nie, maar net so lekker.<\/p>\n<\/div>

<\/div><\/div><\/div>
Al wat jy nodig het is…<\/h5>\n

800g lam \u2018steaks\u2019 of klein tjops
\n3E olyfolie
\n1\u00bdE Ras El Hanout
\nsout
\n10E witwyn asyn
\n5E suiker
\nknippie rooirissie vlokkies
\n\u00bc koppie vars mentblare
\n8 frambose<\/p>\n<\/div>

<\/div><\/div><\/div>

Bedek die lam met die olyfolie en Ras El Hanout. Sit kleefplastiek oor en plaas in die yskas vir ten minste \u2019n uur. Maak intussen die framboos-en-ment sous. Sit die suiker, asyn en rissie in \u2019n klein pot en kook tot die suiker opgelos is en die sous stroperig is. Verwyder en koel af tot kamertemperatuur. Kap die mentblare en druk die frambose rofweg plat. Voeg by die stroop en laat staan vir \u2019n ruk sodat die geure kan meng. Sout en braai die lam (ek verkies hom redelik pienk) en bedien die framboos-ment sous daarby.<\/p>\n<\/div>

<\/div><\/div><\/div>

bedien<\/h4>\n

4<\/p>\n<\/div>

<\/div><\/div><\/div>

vooraf<\/h4>\n

1 uur<\/p>\n<\/div>

<\/div><\/div><\/div>

kook<\/h4>\n

20\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>