Mollig. Tog so oulike woord. Dit dartel op die tong soos fraai, vinkel en fe\u00ebtjie. In realiteit is dit natuurlik minder oulik. My ouma was geneig tot molligheid. Blykbaar het ek haar gene. As ek \u2019n ding in my mond sit, moet dit dus die kalorie\u00eb werd wees. <\/p>\n
Ouma se kos was elke kalorie dubbel, nee wat, sommer trippel werd. Melkkos<\/a> mildelik gestrooi met kaneelsuiker, souskluitjies<\/a> druppend van die botter en hoenderpastei barstensvol naeltjiegeur. Jip, elke kalorie werd.<\/p>\n Die hoenderpastei wat elke Sondagmiddag op ouma se tafel was (saam met skaapboud, want sy sou haar mos doodskaam om net \u00e9\u00e9n vleis te bedien) was nogal \u2019n gedoente. Vet plaashoender wat lank en stadig in die oond rooster voor sy hom met \u2019n vurk bykom en in dun repies uitmekaar trek. Tuisgemaakte aftreksel en veerligte tuisgemaakte pasteikors\u2026<\/p>\n Ek maak steeds haar resep, maar my stadsw\u00eareld is \u2019n baie anderse een as haar plaasw\u00eareld van vier dekades terug. So vir sommer elke dag se kook verander ek hom met \u2019n spul kortpad kinkelry. In plaas van heel hoender gebruik ek hoenderdye (nie borste nie, hulle\u2019s hopeloos te droog). Die aftreksel kom uit \u2019n pakkie, so ook die pasteideeg. Maar ek sukkel nie verder met hom nie. Niks ge-ui en ge-sampioen nie. Ouma draai in haar graf om. Nee, hy kry net kruienaeltjies, soos dit enige behoorlike boere hoenderpastei betaam. Dit proe amper soos hare. Amper.<\/p>\n<\/div> 8 plomp hoenderdye (10 as hulle klein is) Verwyder die hoendervel, dis net onnodige vet. Sout die hoenderstukke liggies en braai in die olie tot behoorlik goudbruin alkant. Die hoender kan nog rou binne wees, al wat jy soek is die lekker bruin buite, dis pure geur! (WENK: Braai net \u2019n paar stukke op \u2019n slag. Smyt jy die lot op een slag in, stoom dit in plaas van braai.) Verwyder die hoenderstukke sodra hulle bruin genoeg is. As al die hoender eers gebraai is, gooi die water in die pan. Roer sodat al daai lieflike bruin aanbrandsels van die bodem loskom. Plaas die hoender terug in die pan, en voeg die aftreksel, naeltjies en peper by. Bedek en kook oor \u2019n medium-lae hitte vir 25-30 minute tot die hoender sag is. Verwyder dan die hoender en sit opsy.<\/p>\n As jou hitte laag genoeg was, sal jy 1\u00bd koppies vloeistof in jou pan h\u00ea. Indien nie, voeg bietjie ekstra water by tot jy 1\u00bd koppies het. Verwyder die naeltjies en voeg die room by. Meng die botter met die meel \u2013 jy sal \u2019n kindertjie-speeldeeg tipe fermheid kry. Plaas die sous terug op die hitte en klits een lepel van die botter\/meel mengsel op \u2019n slag in die sous in. Sodra alles in is, kook al klitsend om die meel uit te kook en die sous te verdik \u2013 dit vat so 5 minute. Verwyder dan van die hitte.<\/p>\n Gebruik twee vurke om die vleis van die bene af te trek en te vlok. Voeg die hoendervleis by die sous en proe vir sout \u2013 sout is geur, jy\u2019t meer nodig as wat jy dink!<\/p>\n Skep die mengsel in \u2019n oondvaste pasteibak en bedek met die blaardeeg. Druk die deeg mooi netjies om die rante van die bak vas. Verf met die eier en maak \u2019n klein snytjie in die middel van die hoenderpastei (dis sodat die stoom kan ontsnap). Bak in \u2019n 180 grade Celsius oond vir 30-40 minute tot goudbruin. Jy kan een groot hoenderpastei maak, of vier dik-eet individuele pasteie. Bedien met ertjies en outydse geelrys met rosyne.<\/p>\n<\/div> 4<\/p>\n<\/div> 20\u00a0min<\/p>\n<\/div> 60\u00a0min<\/p>\n<\/div>Al wat jy nodig het is…<\/h5>\n
\nsout
\n4E gewone kookolie
\n5 naeltjies
\n1\u00bdk water
\n1 sakkie gekonsentreerde vloeibare hoenderaftreksel (Ek\u2019t Woolies se Roast Chicken Concentrated Stock gebruik, jy kan ook Ina Paarman s\u2019n of Nomu se wonderlike Chicken Fond gebruik.)
\n\u00bct swartpeper
\n\u00bck vars room
\n1E botter, teen kamertemperatuur
\n2E koekmeel
\n1 pakkie winkel blaardeeg (Moenie suinig wees nie, gebruik Woolies se All Butter Puff Pastry, jy sal die verskil proe!)
\n1 eier, geklits<\/p>\n<\/div>bedien<\/h4>\n
vooraf<\/h4>\n
kook<\/h4>\n
Gehou van die resep? Deel dit!<\/h4>