Baie van julle het gevra, so hier is hy \u2013 ‘n kannie-flop basiese botterbroodjie resep, so eenvoudig my kat kan dit maak. Niks botter gevryf met die vingerpunte nie. Niks gemengery met houtlepels nie. Nee wat, ek gooi alles sommer in my voedselverwerker. In net tien minute is die lotjie gemeng, gerol, uitgedruk en in netjiese soldaat botterbroodjie rye op \u2019n bakplaat, reg vir die oond. Die bak vat ook net tien minute. \u2019n Leksel botter, aarbeikonfyt en \u2019n stoute skeppie room is al wat hulle vra. Dit, en natuurlik \u2019n koppie tee.<\/p>\n<\/div>
2 koppies bruismeel (self-raising flour)
\n2E strooisuiker
\nklein knippie sout
\nderde koppie koue gesoute botter (80g), in klein blokkies gesny
\n\u00bc koppie melk
\n1 eier, geklits
\neier\/melkmengsel vir verf (1 eiers geklits met 3E melk)<\/p>\n<\/div>
Sit die meel, sout, suiker en botter in jou voedselverwerker en pols die mengsel tot dit soos broodkrummels lyk. Gooi die geklitse eier by en pols tot deurgemeng. Voeg die melk by en meng tot die deeg bymekaar kom. (Jy sal aanvanklik dink dit lyk hopeloos te droog en krummelrig, maar moenie toegee aan die kombuisduiwel en nog vloeistof bygooi nie. Die lotjie kom tog op die ou end bymekaar. Belowe!)<\/p>\n
Keer uit op \u2019n meelbestrooide oppervlak en rol met \u2019n koekroller uit. As jy groterige botterbroodjies maak (5cm koekiedrukker), rol die deeg 3cm dik. As jy piepklein, vroulike een-happie nommertjies verkies soos ek gemaak het (3cm drukker) moenie die deeg dikker as 2cm uitrol nie. Druk botterbroodjies uit met ronde koekiedrukker en plaas hulle op \u2019n bakplaat gespuit met Spray \u2019n Cook of gesmeer met botter. Verf met die eier\/melkmengsel. Bak in \u2019n 220 grade Celsius oond vir 10 minute of tot deurgebak en goudkleurig. Bedien warm.<\/p>\n<\/div>
8 groot<\/p>\n<\/div>
10\u00a0min<\/p>\n<\/div>
10\u00a0min<\/p>\n<\/div>