My ma was \u2019n tegemoedkomende kok. Sy\u2019t ons altyd dri\u00e9 keuses vir ontbyt gegee. Krummelpap, stywepap of slappap. <\/p>\n
Solank daar genoeg melk en suiker was, was ons min gepla. Behalwe een jaar, en ek praat nou van donkiejare terug. Want sien, daar het \u2019n groot droogte oor land gekom. Of ons\u2019t vergeet om te plant. Of groot mieliemolle het alles gevreet. Wie weet, dis te lank terug en ek was te klein. Ek onthou net invoer moes ons, en geel krummel-, stywe- of slappap was ons voorland. Vir \u2019n hele jaar. Vir my is geel mieliepap soos wit ho\u00ebhakskoene \u2013 net nie reg nie.<\/p>\n
En dis nou die snaakse ding met woorde. Want noem jy dit \u2019n ander naam, miskien iets eksoties soos polenta, is dit skielik nie net skaflik nie, maar sommer heel gaaf. Die tekstuur mag bietjie anders wees, dit mag effe vinniger kook, maar dis steeds mieliepap mense, in Italiaanse drag. Tog het dit \u2019n plekkie in my koskas.
\nRoer jy botter en parmesaan in, is dit vir my lekker genoeg om net so te eet. Maar vir die ekstra lekker, skep ek sampioene oor wat ek braai met knoffel, tiemie, suurlemoen en, natuurlik, botter. Ek dink hieraan as Italiaanse kitskos. Dis op jou bord in minder as \u2019n halfuur. <\/p>\n<\/div>
\u00bd koppie polenta (beskikbaar by alle groot supermarkte)
\n1 koppie melk
\n2 koppies water
\n1 sakkie vloeibare hoenderekstrak (Woolies of Ina Paarman s\u2019n is gaaf)
\n1E botter
\n\u00bd koppie gerasperde vars parmesaan of pecorino
\n\u00bct sout
\n400g sampioene (ek\u2019t 250g portabellini en 150g shimeji gebruik)
\n1 knoffelhuisie, fyngekap
\n1 opgehoopte teelepel vars tiemie blaartjies
\n1E olyfolie
\n2 opgehoopte eetlepels gesoute botter
\n1E pietersielie, gekap
\n1\u00bdE vars suurlemoensap
\n\u00bdt suurlemoenskil
\ngroot knip growwe swartpeper
\nsout na smaak
\nekstra parmesaan vir bedien<\/p>\n<\/div>
Gooi die melk, water en hoenderaftreksel in \u2019n kastrol en verhit tot dit net-net begin kook. Klits die polenta by. (Jy sal aanvanklik dink dis hopeloos te veel vloeistof maar polenta is \u2019n spons, gee hom \u2019n paar minute en jy sal sien dis reg.) Bedek, draai die hitte baie laag en prut vir tien minute. Roer so af en toe.<\/p>\n
Braai die sampioene terwyl die polenta prut. Voeg olie in \u2019n dikbodem pan en verhit. Voeg die botter, knoffel en tiemie by en braai vir 30 sekondes. Voeg dan die gekapte sampioene by en braai tot gaar. (Om dinge visueel bietjie interessant te maak, kap ek my sampioene oneweredig. Party in skywe, party in kwarte of die helfte. Die fynes, soos shimeji, hou ek heel.) As die pan te droog na jou smaak raak gedurende die braai, voeg nog \u2019n leksel botter by. Heel aan die einde, sodra die sampioene gaar is, voeg die pietersielie, suurlemoensap en skil by. Gee hom \u2019n stewige draai swart peper en proe vir sout \u2013 jy sal nodig h\u00ea. <\/p>\n
Roer die botter en parmesaan in die polenta in. Ek het \u2019n kwart teelepel sout ook bygevoeg na die botter en kaas in is. Maar proe voor jy die lot ingooi, hoeveel jy nodig het, hang af van hoe sout jou botter en hoenderaftreksel was. Skep die sampioene oor die polenta, strooi ekstra vars pietersielie en \u2019n paar repies suurlemoenskil oor vir die vars en die mooi. Bedien dadelik met ekstra parmesaan vir almal om hulself te help.<\/p>\n<\/div>
2<\/p>\n<\/div>
10\u00a0min<\/p>\n<\/div>
15\u00a0min<\/p>\n<\/div>