{"id":4228,"date":"2015-06-19T09:11:52","date_gmt":"2015-06-19T07:11:52","guid":{"rendered":"http:\/\/www.melkkos-merlot.co.za\/?p=4228"},"modified":"2022-08-18T11:58:38","modified_gmt":"2022-08-18T09:58:38","slug":"osstert-tamatie-bredie-met-gnocchi","status":"publish","type":"post","link":"https:\/\/www.melkkos-merlot.co.za\/af\/osstert-tamatie-bredie-met-gnocchi\/","title":{"rendered":"Osstert tamatie bredie met gnocchi"},"content":{"rendered":"

Toe ZZ2<\/a> onlangs \u2019n pakkie geheime ‘goodies’ kom aflewer met die uitdaging om \u2019n unieke resep met ten minste twee van hulle produkte te maak, was ek dadelik bok, veral toe ek die tamaties sien. Min dinge is meer veelsydig as \u2019n tamatie. Gebruik dit as basis vir f\u00eansie bone op brosbrood<\/a>. Maak \u2019n blitsvinnige sop soos my rokerige tamatie een<\/a>. Of meng dit met vars mozzarella en basiliekruid \u2013 \u2019n klassieke caprese<\/a> \u2013 en tuimel dit op \u2019n pizza basis vir die gesondste pizza ooit. En dan is daar natuurlik een van my hartsdisse \u2013 tamatie bredie.<\/p>\n

Tamatie bredie word van skaap gemaak en, op sy eenvoudigste, is dit net \u2019n 50\/50 mengsel van skaapribbetjies en tamatie, plus sout, peper, suiker en aartappels. Ander resepte is meer gesofistikeerd en sluit allerhande speserye en kruie in, van naeltjies tot lourierblare en gemmer.<\/p>\n

Die skaaplaai in my vrieskas bly nooit lank vol nie en daar was nie \u2019n rib in sig nie. Maar een laaitjie laer l\u00ea osstert vir my en loer. Toe dag ek waarom nie? In plaas van die skaap gebruik ek osstert, en ek verander die geurmiddels om dit Italiaanse houding te gee. Die aartappels van \u2019n gewone tamatie bredie vervang ek met gnocchi. Want wat is gnocchi dan nou eintlik anders as aartappels (met bietjie meel) in \u2019n gr\u00eand ronde bolletjie? Hier\u2019s hy: Osstert tamatie bredie met gnocchi.<\/p>\n

Belangrik:<\/strong> Jy kan \u2019n wonderlike boks ZZ2 groente en \u2019n R1 000 Checkers koepon wen<\/strong>. Besoek eenvoudig ZZ2 se Facebook blad<\/a> en vertel hulle wat jy sal kook met twee of meer van die volgende bestanddele: uie, knoffel , vars tamaties, songedroogde tamaties, avokadopeer.<\/p>\n<\/div>

<\/div><\/div><\/div>
Al wat jy nodig het is…<\/h5>\n

Vir die tamatie bredie<\/strong>
\n1.2kg osstert
\n1kg ryp tamaties, geskil en gekap (sien goed om te weet hieronder)
\n3E sonneblomolie
\n1 ekstra groot wit of bruin ui, fyngekap
\n3 vet knoffelhuisies, in fyn skyfies gesny
\n3E koekmeel
\n1E suiker
\n1E tamatiepasta
\n2 lourierblare
\n1 takkie roosmaryn
\n2 takkies origanum
\n\u00bd rooi rissie, ontpit en fyngekap
\n2t sout
\n\u00bct growwe swartpeper
\n\u00bc koppie water<\/p>\n

Vir die gnocchi<\/strong>
\n\u00bdkg aartappels (die meelerige soort, wakserig werk nie)
\n175g koekmeel
\n1 eier
\nsout en peper na smaak<\/p>\n<\/div>

<\/div><\/div><\/div>

Verhit die olie in \u2019n dikbodempan en verbruin die osstert daarin. Jy wil hom alkant lekker bruin h\u00ea, so dit vat \u2019n rukkie. Verwyder die vleis en sit die uie in die pot. Braai uie vir vyf minute. Roer goed sodat al daai wonderlike bruingebrande stukkies van die bodem van die pan loskom. Sodra die uie sag is, voeg die knoffel en tamatiepasta by en braai vir twee minute. Voeg die vleis terug en strooi die meel oor. Roer goed deur en kook vir nog \u2019n minuut. Voeg nou die tamaties, suiker, rissie, sout, peper en kruie by sowel as die water. <\/p>\n

Bedek en draai die plaat af na die laagste hitte moontlik. As jou plaat laag genoeg is, behoort jy nie nog water nodig te h\u00ea nie, maar loer af en toe. Kook tot die vleis van die been afval. Dit vat so 3-4 ure. Jy kannie dink jy’s slim en die spul in \u2019n drukkoker gooi nie. Die tekstuur, kleur en smaak sal eenvoudig nie dieselfde wees nie. Wees liefs geduldig. Maak \u2019n goeie bottel wyn oop, sit terug en dink hoe \u2018fabulous\u2019 jy is. <\/p>\n

Jy kan winkel-gnocchi gebruik. Die soort wat in die yskas gehou moet word is heel skaflik. Maar die een wat op die rak langs die dro\u00eb pasta is, het vir my \u2019n bitter eienaardige chemiese ondertoon waarvan ek niks hou nie. Maak jou eie, dis so maklik. Skil en kook eenvoudig die aartappels in gesoute water tot sag. Dreineer en droog die aartappels goed af. Druk fyn om kapokaartappels te kry. Gooi die meel en eier by, asook sout en peper na smaak. Meng goed. Rol die mengsel in \u2019n lang dun wors van so 1cm in deursnit. Sny in blokkies van 2.5cm lank. Druk die middel van elke gnocchi met jou pinkie sodat die gnocchi omkrul. Kook klein bietjies op \u2019n slag in goed gesoute water vir 3-5 minute \u2013 hulle’s gekook as hulle bo dryf. Verwyder en plaas in \u2019n goed gebotterde bak. Hou warm tot jy dit bedien. Dis so maklik, maar as jy nie kans sien vir die gnocchi nie, bedien hierdie bredie met stampmielies. Dis hoe ons osstert op die plaas ge\u00ebet het en dis steeds een van my gunstelinge!<\/p>\n<\/div>

<\/div><\/div><\/div>

bedien<\/h4>\n

4-5<\/p>\n<\/div>

<\/div><\/div><\/div>

vooraf<\/h4>\n

25 min<\/p>\n<\/div>

<\/div><\/div><\/div>

kook<\/h4>\n

4\u00a0ure<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>