{"id":6615,"date":"2015-09-10T14:05:33","date_gmt":"2015-09-10T12:05:33","guid":{"rendered":"http:\/\/www.melkkos-merlot.co.za\/af\/?p=6615"},"modified":"2022-08-18T12:17:28","modified_gmt":"2022-08-18T10:17:28","slug":"franse-meringue-resep","status":"publish","type":"post","link":"https:\/\/www.melkkos-merlot.co.za\/af\/franse-meringue-resep\/","title":{"rendered":"Kannie-flop basiese Franse meringue resep"},"content":{"rendered":"

As kind was ouma se \u2018skuimpie\u2019 blik nooit leeg nie. En sy was nie lelik oor hoeveel ek gevat het nie. Dis tog mos net eierwit en suiker. \u2018Fast forward\u2019 donkiejare later en meringue is steeds in my top drie gunstelinge vir \u2019n maksimum-impak\/minimum-moeite poeding. Snaaks hoe eenvoudige goed mense uitermatig kan be\u00efndruk.<\/p>\n

As dit kom by moeiteloos is daar min dinge wat kers vashou by Franse meringue. Ek noem dit nie \u2018Frans\u2019 om f\u00eansie te wees nie. Nee, dis om dit te onderskei van die effe meer gekompliseerde Switserse en Italiaanse weergawes.<\/p>\n

Op sy heel eenvoudigste is Franse meringue net eierwit en suiker. Ouma het altyd kremetart bygesit maar nooit verduidelik hoekom nie. Vandag weet ek dis oor die suur van kremetart help om die eier te stabiliseer. Sommige mense gebruik eerder asyn, en party gee dit \u2019n lepel mielieblom ook.<\/p>\n

Franse meringue word net geklop en dan gebak. Switserse meringue word oor hitte geklop en die Italiaanse een benodig \u2019n warm suikerstroop. Vir die bang kok is die Franse knaap die een om jou voete mee nat te maak.<\/p>\n

Volg hierdie paar eenvoudige re\u00ebls en dis nie juis moontlik om dit op te dons nie.<\/p>\n

1) Vet is meringue se vyand, so maak seker jou bak en klitser is super skoon. Gebruik \u2019n staal- of glasbak in plaas van plastiek.<\/p>\n

2) Eiergeel is die duiwel. As jy jou eiers skei en eiergeel in kry begin maar oor. Ons almal breek eiers af en toe. Skei dus elke eier in \u2019n aparte bakkie voor jy die eierwitte in jou groot bak gooi. Kry jy \u2019n ongelukkie is die skade dus nie te groot nie.<\/p>\n

3) Maak seker die eiers is kamertemperatuur.<\/p>\n

4) Bak hulle in \u2019n baie lae oond. Is jou oond te hoog, word die meringue bruin. Jy soek hom wit of roomkleurig. Maak nie saak hoe oulik jou nuwe oond se \u2018thermo fan\u2019 is nie, dis meringue se dood. Dink aan lug wat vinnig beweeg oor wat basies eierige skuim is en jy kan sien daar kom moeilikheid.<\/p>\n

5) Meringue en humiditeit is nie die grootse p\u00ealle nie. Donder en blits dit woes moet jy miskien liefs wag vir m\u00f4re.<\/p>\n<\/div>

<\/div><\/div><\/div>
Al wat jy nodig het is…<\/h5>\n

3 eierwitte (jumbo eiers)
\n1 koppie strooisuiker
\n\u00bct kremetart<\/p>\n<\/div>

<\/div><\/div><\/div>

Meringue kleef aan bakplate soos verlangse familie aan Lotto wenners. Voer \u2019n bakplaat met bakpapier (ek vind die een wat jy was en hergebruik werk beste). Om ekstra seker te maak spuit ek hom met Spray \u2019n Cook en sif hom liggies met bietjie mielieblom.<\/p>\n

Klits die eier en kremetart tot dit lig en wit skuim en sagtepunt stadium bereik \u2013 m.a.w. die punte val oor as jy die klitser lig. Voeg nou die strooisuiker \u2019n lepel op \u2019n slag by terwyl jy aanhou klits. Sodra die suiker opgelos is (vryf bietjie tussen jou vingers om te voel) is dit reg. Die meringue sal dik, spierwit en blink wees. As jy onseker voel, lig die bak en keer dit versigtig om. As die eierwit vasklou en nie beweeg nie, is hy definitief reg.<\/p>\n

Skep lepelsvol meringue vir klein skuimpies of maak een groot meringue sirkel. Hoe groter, hoe langer gaan dit vat om te bak. Plaas in \u2019n 90 grade Celsius oond. Jy kan dit aanhou bak tot dit bros regdeur is, of dit effe minder bak en \u2019n effense sagte malvalekker tekstuur in die middel het. Laat die meringue afkoel in die oond met die deur toe. Stoor in \u2019n lugdigte houer tot jy dit gebruik.<\/p>\n<\/div>

<\/div><\/div><\/div>

maak<\/h4>\n

30 klein<\/p>\n<\/div>

<\/div><\/div><\/div>

vooraf<\/h4>\n

10 min<\/p>\n<\/div>

<\/div><\/div><\/div>

kook<\/h4>\n

120\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>