{"id":7426,"date":"2016-01-29T08:14:27","date_gmt":"2016-01-29T06:14:27","guid":{"rendered":"http:\/\/www.melkkos-merlot.co.za\/af\/?p=7426"},"modified":"2022-08-18T12:20:25","modified_gmt":"2022-08-18T10:20:25","slug":"geroosterde-bees-onder-n-sesam-kombers","status":"publish","type":"post","link":"https:\/\/www.melkkos-merlot.co.za\/af\/geroosterde-bees-onder-n-sesam-kombers\/","title":{"rendered":"Geroosterde bees onder ‘n sesam kombers"},"content":{"rendered":"

Ek\u2019s met egskeiding gedreig hier aan die einde van laas jaar, nie net een keer nie maar sommer 25 keer. Want sien ek het meer mans lesers as wat ek besef het. En met die dat ek hier oor die feesseisoen vreeslik met die soetgoed resepte doenig was het hulle nie gedink ek\u2019s snaaks nie. Ek erken ek\u2019t lanklaas \u2019n kollosale stuk vleis gemaak. So hierdie resep is spesiaal vir al my mans lesers, maar veral vir die 25 wat geskryf het om te kla oor al die soettand goed. Jy kan hierdie bees in die oond rooster of in jou Weber, solank jy net die indirekte metode gebruik met die kole in mandjies langs die vleis en nie onder nie. Geniet!<\/p>\n<\/div>

<\/div><\/div><\/div>
Al wat jy nodig het is…<\/h5>\n

VIR DIE MARINADE
\n\u00be koppie sesamsaad
\n\u00bd koppie gewone olie
\n\u00bd koppie donker sojasous
\n3 heel knoffelhuisies, gekneus sodat die skilletjies oop is
\n1 opgehoopte eetlepel bruin suiker
\nsap van een suurlemoen
\n1E rooiwyn asyn
\n1 medium ui, rof gekap
\n3cm stuk gemmer, in die helfte gesny
\n1 groenrissie, met die lengte langs in die helfte gesny
\n3 heel steranys
\nVIR DIE VLEIS
\n1,5-2kg rooster beesvleis (‘topside’ of ‘silverside’)
\n3E kookolie
\n2 groot wortels
\n1 groot ui
\n2E mielieblom<\/p>\n<\/div>

<\/div><\/div><\/div>

Rooster die sesamsade in \u2019n dro\u00eb pan tot goudkleurig. Hulle\u2019s reg sodra jy hulle kan ruik. Gooi die sade in \u2019n groot bak saam met al die ander marinade bestandele. Sit die beesvleis in die marinade, bedek met kleefplastiek en plaas in die yskas vir ten minste agt ure, of oornag. Draai die vleis \u2019n paar keer sodat die hele snit met die marinade kennis maak.<\/p>\n

Skil en sny die ui en die wortels in kwarte. Plaas hulle in \u2019n roosterskottel saam met twee eetlepels water. Verwyder die vleis uit die yskas en druk dit effe droog met kombuispapier. Gooi 3E olie in \u2019n baie warm dikbodem pan en verbruin die beesvleis alkant. Verwyder en plaas bo op die groente. Skep ‘n paar lepels van die marinade bo oor. Rooster (sonder \u2019n deksel) teen 200 grade Celsius. Ek rooster my beesvleis \u2018rare\u2019, wat beteken hy’s reg as die temperatuur binne die dikste deel van die vleis 50 grade Celsius bereik. Soos dit rus sal dit aanhou kook en die interne temperatuur sal verder styg. Vir \u2018medium rare\u2019 is \u2019n interne temperatuur van 55 grade Celsius perfek. \u2018Topside\u2019 en \u2018silverside\u2019 het \u2019n wonderlike diep beessmaak, maar jy soek hom nie taai nie. Dus is enigiets meer as \u2018medium rare\u2019 vir hierdie snitte nie gewens nie. Bedek die vleis met foelie en laat dit vir ten minste 15 minute eenkant rus.<\/p>\n

Maak intussen die sous. Nou voor julle almal vir my skryf oor hoe d\u00edt nie gedoen word nie, ja, ek gebruik mielieblom (Maizena) vir my sous. Hierdie resep put sy inspirasie uit die Ooste waar veral die Sjinese lekker woeker met mielieblom vir dinge dik maak. So hoekom dan nie nou ek ook nie?<\/p>\n

Sit eenvoudig die roosterskottel op jou stoof. Voeg bietjie water by \u2013 hoeveel jy bysit hang af van hoeveel vloeistof reeds in die skottel is \u2013 as daar heelwat is, is dit nie nodig om ekstra by te voeg nie. Voeg ook 2-3 eetlepels van die oorskiet marinade by. Kook dit vinnig en roer om al daai lieflike bruin stukkies van die bodem van die skottel los te maak. Verdik die vloeistof in die skottel deur die mielieblom (opgelos in 2E water) by te roer. Kook dit oor \u2019n lae hitte vir \u2019n minuut of wat sodat die mielieblom kan uitkook en die sous kan verdik. Ek\u2019s mal oor broccoli by bees en dink daais met die lang steeltjies (sogenaamde \u2018tenderstem broccoli\u2019) is wonderlik hierby. As jy stysel hierby soek, hou dit eenvoudig met baba aartappels in hulle skilletjies gekook. Plein Oosterse noedels werk ook.<\/p>\n<\/div>

<\/div><\/div><\/div>

bedien<\/h4>\n

10<\/p>\n<\/div>

<\/div><\/div><\/div>

marineer<\/h4>\n

8 ure<\/p>\n<\/div>

<\/div><\/div><\/div>

rooster<\/h4>\n

60-90\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>