Murgpampoentjie \u2018spaghetti\u2019\u2026 dis die kosw\u00eareld se bottelblondine met D-cup implants \u2013 eenvoudig nie die ware Jakob nie. Maar mense, doen jy dit reg, kan fake fabulous wees. Loer maar net na Hollywood.<\/p>\n
Hier by M&M verkies ons properse pasta, gemaak met meel en eier, soos my semi Italiaanse ouma dit gedoen het. Maar ek verstaan ons is nie almal so nie. Dis met di\u00e9 van julle in gedagte dat ek na maande se vasberade teenkanting uiteindelik swig en \u2019n pakkie murgpampoentjie (baby marrow) spaghetti by Woolies loop koop.<\/p>\n
Terug by die huis lees ek die aanwysings aandagtig. Smyt dit in die mikro vir vier minute, laat staan vir twee en jy\u2019s reg vir smul. Toe nou nie, want sien en dink nie die pop of knaap wat d\u00e1\u00e1i geskryf het kook nie. Doen jy wat die pakkie s\u00ea, sit jy met \u2019n slymerige paperasie. Iets wat nie eens \u2019n fanatiese vegetari\u00ebr pas klaar met \u2019n maandlange hongerstaking mond aan gaan sit nie.<\/p>\n
Nee wat, nes gewone pasta, wil kamma pasta al dente wees. Wat beteken hy\u2019t \u2019n effense fermheid as jy hom byt. In die geval van hierdie murgpampoentjie spaghetti verkies ek hom ekstra ferm \u2013 soos in Tant Sannie sal haar tande moet loop insit voor ete.<\/p>\n
Hierdie resep is blitsvinnig (5 minute), bitter gesond (g\u2019n niks botter of room nie) en verbasend lekker (\u00e9k \u2013 die koningin van botter en room \u2013 eet die lot).<\/p>\n<\/div>
2E goeie olyfolie (ek\u2019t die Greenleaf Olive Company se Saint Sebastian Bay Extra Virgin Olive Oil gebruik)
\n350g pakkie murgpampoentjie spaghetti (Woolies het)
\n1 knoffelhuisie, fyngekap
\n\u00bct dro\u00eb rissievlokkies
\nskil van een suurlemoen, fyn gerasper
\n4 hoogvol eetlepels fyngekapte pietersielie
\n1E suurlemoensap
\n1 hoogvol eetlepel klein non pareilles kappertjies (Woolies het)
\nfetakaas
\nsout na smaak<\/p>\n<\/div>
Verhit \u2019n groot dikbodempan tot baie warm. Voeg die olyfolie by en, na tien sekondes, die murgpampoentjie spaghetti, knoffel, suurlemoenskil en rissie. Roerbraai baie vinnig oor ho\u00eb hitte. Ek hou van die knars so ek\u2019t myne net 30 sekondes gebraai. As jy dit sagter verkies, braai dit vir \u2019n minuut. Voeg die pietersielie, kappertjies, suurlemoensap en \u2019n knip sout by en skep dadelik op. Krummel bietjie feta oor en gee hom nog \u2019n paar druppels olyfolie net vir die ekstra lekker. Hierdie resep bedien een as \u2019n vegetariese hoofmaal en twee as \u2019n bykos. Loer na GOED OM TE WEET hier onder vir nog idees met hierdie resep.<\/p>\n<\/div>
1-2<\/p>\n<\/div>
4 min<\/p>\n<\/div>
1\u00a0min<\/p>\n<\/div>