Chilli con carne \u2013 as jy Wikipedia kan glo (en dis \u2019n groot AS), kan jy die oorsprong van hierdie dis loop uitgrawe al die pad terug in die Texas van 1850. So gewild is chilli con carne in di\u00e9 suidelike staat dat hulle wetgewer blykbaar in 1977 dit Texas se amptelike dis verklaar het. Ek kan my nie indink dat politici hulle belangrike tyd met rissievleis sal opneem nie. Maar hierdie is Amerika mense, en as ek so aan hulle presidensi\u00eble kandidate se manewales die afgelope paar weke dink (veral die blonde knaap met die dooie muishond op sy kop) is enigiets seker moontlik.<\/p>\n
Waar of nie, chilli con carne is \u2019n wenner in my boek. Op sy mees basiese is dit net rissie en vleis (carne). Een trappie op sit hulle tamatie by. Puriste stem nie saam hieroor nie, maar ek dink dis \u2019n moet. Nog \u2019n trappie op kry hy bone ook by. Dis vir my heerlik met of sonder. Bees of volstruis maalvleis is die natuurlike keuse vir \u2019n chilli con carne. Maar self lekkerder vir my is die goedkoper beessnitte wat jy lank en stadig kook tot dit van die been afval. Dis kos vir die massas hierdie en kos vir besige weeksaande. Maak die resep sommer dubbel hierdie naweek en vries in porsies. Hier teen Woensdag as jou g\u00f4 uit is gooi jy dit net in die mikro.<\/p>\n<\/div>
1kg beesskenkel (shin), been in
\n2 koppies fyngekapte uie
\n1 koppie fyngekapte wortels
\n\u00bd koppie fyngekapte seldery
\n1 hoogvol eetlepel fyngekapte knoffel
\n1t gewone paprika
\n1t gerookte paprika (Woolies hou dit aan)
\n2t fyn komyn (cumin)
\n1t rooipeper (cayenne)
\n2E tamatiepasta
\n1 blokkie beesaftreksel
\n2 groot fyngekapte tamaties
\n1 lourierblaar
\n2 opgehoopte eetlepels vars oreganum (of 1 gelykvol eetlepel droog)
\ngewone kookolie, vir braai
\nsout na smaak
\nVIR BEDIEN
\ngladde laevet maaskaas (ek\u2019t die nuwe een van Parmalat gebruik, dis lieflik)
\nsagte tortillas\/wraps
\nblaarslaai, rofweg gekap
\nkoljanderblare
\nTabasco, vir die brawe geeste<\/p>\n<\/div>
Verhit \u2019n dikbodempan goed en voeg \u2019n paar eetlepels olie by. Sout die vleis goed en braai die stukke tot alkant bruin. Hierdie\u2019s pure geur, so wees geduldig en karameliseer die vleis ordentlik. (Wenk: Braai die vleis in 2-3 sarsies, smyt jy alles op een slag in sweet die spul net.)<\/p>\n
Verwyder die vleis en hou eenkant. Voeg die uie by die pan saam met nog \u2019n leksel olie. (Wenk: Ek\u2019s lief vir my broodbord en mes, maar hierdie\u2019s baie gekappery, dus vat ek kortpad en sit die uie, wortels, seldery en tamaties liefs in my voedselverwerker. Natuurlik apart, nie alles op een slag nie!) Braai die uie vir 5 minute, voeg die wortels en seldery by en braai vir nog 5 minute. Voeg die knoffel en tamatiepasta by en braai vir \u2019n verdere 2 minute. Sit die vleis in saam met enige vloeistof wat uitgekom het gedurende die rus, asook die blokkie aftreksel, die kruie, gekapte tamaties en een koppie water.<\/p>\n
Bedek die pan, draai die hitte so laag moontlik en prut vir 2-3 ure tot die vleis van die bene wil afval. As die temperatuur laag genoeg en die deksel dig genoeg is, behoort hierdie genoeg water te wees, maar loer so af en toe. As die vleis gekook is, lig dit uit en gebruik twee vurke om dit te vlok. Sit terug in die pan en kook met die deksel af tot die chilli con carne dik is. Bedien met die tortillas, koljander, maaskaas en blaarslaai en laat elkeen sy eie perfekte aandete bou. Daar is sommer tonne wat jy met hierdie resep kan doen, so loer na GOED OM TE WEET hier onder vir meer idees.<\/p>\n<\/div>
6-8<\/p>\n<\/div>
20 min<\/p>\n<\/div>
2-3\u00a0ure<\/p>\n<\/div>