\u2018Gesond\u2019 is die woord van die dag in die Melkkos & Merlot kombuis die laaste paar weke. As jy al \u2019n ruk lank saam met my en Merlot in die kombuis kuier w\u00e9\u00e9t jy, ons skrik nie vir botter en room nie. Maar soustannie en cholesterol sit in die Boeregene, so vir elke dag se kook is ek nogal versigtig. Mens wil jou nou nie voortydig in \u2019n oop graf insmul nie.<\/p>\n
Toe Parmalat<\/a> dus hulle nuwe maaskaas reeks vir my gee om mee te eksperimenteer (sien hieronder) is ek in my noppies. Maaskaas is nie net \u2019n ding wat jy op \u2019n stuk komkommer smeer as jy \u2018diet\u2019 nie. Haik\u00f4na. Dis \u2019n veelsydige kombuiswonder met eindelose moontlikhede. Ek staan nog die spulletjie en betrag toe die mense van ZZ2<\/a> aan die deur klop met \u2019n boks barstensvol avokados, veselperskes en tamaties om hulle \u202a#\u200eMyHealthyPromise\u202c veldtog (sien hieronder) bekend te stel.<\/p>\n Maaskaas en tamaties. Hmmm\u2026 Saam op \u2019n sny brood is dit bra vervelig. Maar dit hoef nie te wees nie. Sit \u2018n paar interessante ander dinge by, smyt die lot in filodeeg en siedaar, \u2019n tert wat jou puntenerigste vriendinne gaan be\u00efndruk, gesond op die koop toe.<\/p>\n<\/div> 400g spinasie of spinasiebeet (Swiss chard), stingels verwyder en goed gewas Sit die gewasde spinasie in \u2019n dro\u00eb pan oor lae hitte en sit die deksel op. Kook vir 2-3 minute tot die spinasie goed verlep is. Gooi die spinasie in \u2019n vergiettes en gebruik jou hande om soveel vloeistof moontlik uit die spinasie te druk. Kap rofweg en sit eenkant om af te koel. Meng die ricotta-kaas, maaskaas, sout, peper, neutmuskaat en eiers met \u2019n vurk en voeg dit dan by die spinasie. Meng goed deur. Voer die bodem en kante van \u2019n losbodem tert- of koekpan met \u2019n strook filodeeg. Verg dit liggies met olyfolie en voer met nog \u2019n strook. Hou aan tot jy 6-8 lae het en onthou om elke laag liggies te verf. Skep die spinasiemengsel in die middel. Vou die kante van die filodeeg toe oor die spinasie. Bak teen die temperatuur aangedui op die filodeeg se pakkie tot die deeg bros en goudkleurig en die mengsel vuurwarm is. Dit vat so 30 minute. Gee die tamaties \u2019n kus olyfolie en rooster hulle op \u2019n bakplaat in dieselfde oond vir die laaste 15 minute van die bak.<\/p>\n Sit die tert op \u2019n fraaie bord met die tamaties bo-op, plus ekstra pietersielie en \u2019n paar basiliekruid-blare. Dien warm op. As jy nie hierdie tert op een slag verorber nie sal dit goed hou tot die volgende dag. Om die deeg bros te hou, verhit dit eenvoudig teen 100 grade Celsius in jou gewone oond, ni\u00e9 jou mikro nie!<\/p>\n<\/div> 6-8<\/p>\n<\/div> 20 min<\/p>\n<\/div> 30-35\u00a0min<\/p>\n<\/div>Al wat jy nodig het is…<\/h5>\n
\n1 bossie sprietuie (spring onion), insluitend die groen stingels
\n1E olyfolie
\n2 vet knoffelhuisies, fyn gekap
\n250-260g vars ricotta-kaas
\n250g Parmalat laevet (of volroom) gladde maaskaas
\n\u00bc koppie gekapte grasuie (chives)
\n\u00bc gekapte Italiaanse pietersielie
\n1\u00bdt sout
\n1t grofgemaalde swartpeper
\n1t neutmuskaat
\n2 ekstragroot eiers, geklits
\npakkie filodeeg
\nekstra olyfolie
\npakkie ZZ2 baba tamaties op hulle stingels<\/p>\n<\/div>
\nKap die sprietuie en braai hulle oor medium hitte in een eetlepel olyfolie tot sag. Voeg die knoffel by en braai vir nog \u2019n minuut of wat. Voeg die sprietuie by die spinasie, asook die pietersielie en grasuie.<\/p>\nbedien<\/h4>\n
vooraf<\/h4>\n
bak<\/h4>\n
Gehou van die resep? Deel dit!<\/h4>