{"id":7744,"date":"2016-06-08T15:02:23","date_gmt":"2016-06-08T13:02:23","guid":{"rendered":"http:\/\/www.melkkos-merlot.co.za\/af\/?p=7744"},"modified":"2022-08-18T11:56:01","modified_gmt":"2022-08-18T09:56:01","slug":"appel-malva-poeding","status":"publish","type":"post","link":"https:\/\/www.melkkos-merlot.co.za\/af\/appel-malva-poeding\/","title":{"rendered":"Appel malva poeding"},"content":{"rendered":"

Gister se mense, plekke en dinge. Vir sommiges tower musiek goue herhinneringe op, vir ander is dit reuk. Maar vir my is dit kos.<\/p>\n

Ouma se hoenderpastei met veerligte deeg, ryk van die plaasbotter wat ek self in die yl winterson op haar agterstoep gekarring het. Poetoepap met regte egte melk, die soort in \u2019n groot wit emalje melkbeker met \u2019n doilie op. Die soort wat jy eers moes roer om die duim-dikke laag room deur te meng. Osstert wat jou vingers aanmekaar laat kleef as jy klaar aan die beentjies geknaag het. En bruinpoeding, verdrink in Ideal-melk<\/a> en oumaliefde.<\/p>\n

Hierdie\u2019s die kos van my kindwees. My plaaswees. Die kos waarna ek hunker as die dae kort en die nagte koud raak.<\/p>\n

Hierdie malva poeding is ouma s\u2019n, maar ek het met hom gewikkel. Hy\u2019t minder botter en minder suiker (ouma was nie skaam met hierdie dinge nie), ek het meeste van die room met Ideal-melk vervang, want ek\u2019s dol daaroor. En ek het appels ingegooi, want ek\u2019t \u2019n blik in die koskas gehad en gedink ek\u2019s ougat. \u2019n Skep vanielje-roomys is al wat hy vra. \u2019n Sopie brandewyn op die kantlyn sal ook nie seermaak\u00a0nie.<\/p>\n<\/div>

<\/div><\/div><\/div>
Al wat jy nodig het is…<\/h5>\n

VIR DIE MALVA
\n1 koppie suiker
\n2 ekstra groot eiers
\n1t vanielje-ekstrak
\n\u00bc koppie melk (125ml)
\n1\u2153 koppie bruismeel (150g)
\nstewige knip sout
\n1 x 385g blikkie appels, gedreineer en in groot stukke gesny
\nVIR DIE SOUS
\n1 koppie ingedampte melk (Ideal melk)
\n\u00bc koppie gesoute botter
\n5E room
\n3E suiker
\nVIR BEDIEN
\nkaneel (opsioneel) en vanielje-roomys<\/p>\n<\/div>

<\/div><\/div><\/div>

Gebruik \u2019n elektriese menger en klop die eiers, vanielje en suiker saam tot dit lig en romerig en die suiker opgelos is. (Wenk: Voel met jou vingers, as jy nog baie suiker voel, hou aan klop sus.) Sif die meel en sout saam en voeg dit om die beuert met die melk by die eiermengsel. Gooi in \u2019n groot oondvaste bak en bedek eweredig met die appels. Maak toe met \u2019n deksel of foelie en bak in \u2019n voorverhitte 180 grade Celsius oond tot deurgaar \u2013 40-50 minute afhangend van jou oond. Toets hom soos \u2019n koek \u2013 steek eenvoudig \u2019n dun messie in die middel van die bak. Kom hy skoon uit, is hy reg. Kleef deeg aan hom vas, het hy nog \u2019n paar minute nodig.<\/p>\n

Maak die sous terwyl die malva poeding bak. Verhit eenvoudig die sous bestanddele saam en roer tot die suiker opgelos is. (Wenk: jy kan \u2019n sopie goeie brandewyn ook bygooi.) Gooi die warm sous oor die malva sodra hy uit die oond kom. Soos ek as dit kom by nommer-12 skinny jeans, sal jy nooit dink alles gaan pas nie. Dit doen. Gooi stadig, en die malva spons slurp hom op. Sif bietjie kaneel oor (dis opsioneel) en bedien warm met vanielje-roomys (dis nie opsioneel nie).<\/p>\n

Hierdie malva poeding hou uistekend (toegemaak en in die yskas natuurlik) tot die volgende dag. Verhit dit eenvoudig in jou mikro. Ek geniet \u2019n koppie rooibos saam met my oorskiet malva poeding. Enigste probleem is ek doen dit agtuur in die oggend, en noem dit ontbyt. Vandaar die geneuk met die nommer-12.<\/p>\n

Resep opsie:<\/strong>
\nEk het parmantige baba toffie appels<\/a> hierby gesit. Dis natuurlik nie nodig nie, maar dis pret. Kry die resep hier.<\/a> Onthou net dit beteken ekstra suiker, so as jy hierdie pad volg sal jy die suiker in die malva effe moet verminder of jou ore gaan krul.<\/p>\n<\/div>

<\/div><\/div><\/div>

bedien<\/h4>\n

8<\/p>\n<\/div>

<\/div><\/div><\/div>

vooraf<\/h4>\n

10 min<\/p>\n<\/div>

<\/div><\/div><\/div>

bak<\/h4>\n

40-50\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>