{"id":7846,"date":"2016-07-07T11:35:04","date_gmt":"2016-07-07T09:35:04","guid":{"rendered":"http:\/\/www.melkkos-merlot.co.za\/af\/?p=7846"},"modified":"2022-08-18T11:55:26","modified_gmt":"2022-08-18T09:55:26","slug":"rooikool-en-appelslaai","status":"publish","type":"post","link":"https:\/\/www.melkkos-merlot.co.za\/af\/rooikool-en-appelslaai\/","title":{"rendered":"Rooikool-en-appelslaai met warm esdoring-vinaigrette"},"content":{"rendered":"

Iets is nie noodwendig \u2019n wonderlike idee net omdat baie mense dit doen nie. Vat \u2018tanning\u2019. Ja ek gebruik die Engels, want as tiener was \u2019n t\u00ean<\/em> opsluit wat ek wou h\u00ea. Ek en my p\u00ealle het ons dik gesmeer van die Johnson\u2019s baba olie. D\u00edt of olyfolie. En dan het ons vir ure kaal en bleek-pienkwit in die genadelose Afrikason gel\u00ea. Waarna ons gewoonlik nie meer kon l\u00ea \u00f3f sit nie, sommer vir \u2019n hele paar dae. Nie die beste idee in die w\u00eareld nie.<\/p>\n

Ek voel dieselfde oor gekookte rooikool-en-appel. Duisende mense w\u00eareldoor vrek vir hierdie dis. Selfs my gunsteling druk-beertjie celeb sjef, Rick Stein, het dit bedien saam met eend-confit op sy wonderlike French Odyssey program. Dit het na so gawe idee gelyk. Tou nou nie. Want sien, hier\u2019s die probleem met kool: maak nie saak hoeveel neutmuskaat, naeltjie of kaneel jy by hom neuk nie, kook jy vir hom lank, ontwikkel hy \u2019n klankie amper soos die onvermydelike byproduk van \u2019n essensi\u00eble proses in jou pens. En dit mense is nie \u2019n ding wat ek in my mond wil sit nie.<\/p>\n

Tog het die idee van rooikool, appel en geurige winter speserye meriete. Toe speel ek bietjie daarmee. Wat as ek die kool en appel superfyn kerf en rou hou? Wat as ek korrente en okkerneute bygooi? En wat as ek die lot mildelik laaf met \u2019n warm vinaigrette van esdoringstroop, kruienaeltjies, kaneel en neutmuskaat? Toe doen ek dit en dit werk. Hier\u2019s hy, my resep vir rooikool met appel. Dis perfek saam met enige varkvleis<\/a> of eend, en die soort slaai wat ek bereid is om in die winter te eet.<\/p>\n<\/div>

<\/div><\/div><\/div>
Al wat jy nodig het is…<\/h5>\n

VIR DIE WARM VINAIGRETTE
\n3E esdoringstroop
\n1E rooiwynasyn
\n1E gewone groente- of sonneblomolie
\n\u215bt Robertson\u2019s kaneel
\ngroot knip Robertson\u2019s kruienaeltjies
\n\u215bt Robertson\u2019s neutmuskaat
\ngroot knip sout
\nVIR DIE SLAAI
\n3 koppies rooikool, fyngekerf
\n2 appels, in dun skwye gesny (ek het bros klein Pink Lady appels gebruik)
\nklein handvol okkerneute (opsioneel, laat uit as jy allergies is)
\nklein handvol korrente
\n1 wortel, gesny or gerasper (opsioneel)<\/p>\n<\/div>

<\/div><\/div><\/div>

Verhit die vinaigrette bestanddele oor baie lae hitte vir twee minute. Tuimel die slaai bestanddele op \u2019n mooi bord. Gooi die warm vinaigrette oor en bedien dadelik<\/p>\n<\/div>

<\/div><\/div><\/div>

bedien<\/h4>\n

4<\/p>\n<\/div>

<\/div><\/div><\/div>

vooraf<\/h4>\n

10 min<\/p>\n<\/div>

<\/div><\/div><\/div>

kook<\/h4>\n

2\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>