{"id":7877,"date":"2016-07-22T10:02:13","date_gmt":"2016-07-22T08:02:13","guid":{"rendered":"http:\/\/www.melkkos-merlot.co.za\/af\/?p=7877"},"modified":"2022-08-18T11:55:03","modified_gmt":"2022-08-18T09:55:03","slug":"ontbyt-beskuit","status":"publish","type":"post","link":"https:\/\/www.melkkos-merlot.co.za\/af\/ontbyt-beskuit\/","title":{"rendered":"Ontbyt beskuit"},"content":{"rendered":"

My vriendin \u2013 kom ons gebruik liefs haar bynaam, Eet-soos-\u2019n-vo\u00ebltjie \u2013 is \u2019n liewe mens. G\u2019n guns is te groot nie, g\u2019n vra \u2019n las nie. Buite is sy net so mooi soos binne, \u2019n Bo Derek 10. Gat jy saam met haar erens heen, smelt jy weg in die muurpapier. Ek dink dit spreek boekdele oor my dat ek bereid is om dit te doen. Dan sit ek onsigbaar daar en troos myself dat sy ten minste nie \u2019n uithaler kok is nie. Toe sy die foto van hierdie beskuit sien verloop die gesprek dus so:<\/p>\n

SY: Ooo, dis soos like \u2019n harde brood?
\nEK: Nee, dis soos \u2018like\u2019 beskuit.
\nSY: Maar dis like hard n\u00ea?
\nEK: Nee, nog nie. Ek moet dit opsny en in die oond uitdroog. Maar jy\u2019t dit natuurlik geweet.
\nSY (na \u2019n ongemaklike stilte): Erm. Ja?<\/p>\n

As hierdie jou storie ook is, moenie sleg voel nie, maar probeer dit maak want beskuit bak is kinderspeletjies. Dis my \u2018go-to\u2019 weeksdag ontbyt. Ja, weliswaar nie die gesondste ding om te doen vir ontbyt nie, maar beskuit is handig as jy haastig is. Jy weet mos, vir daai oggende wanneer jy klaar een voet by die deur uit het terwyl jy nog grimeer. Ek het my basiese karringmelk beskuit resep hier aangepas en \u2019n swetterjoel onbyterige goed bygegooi \u2013 All Bran, hawermout, sonneblomsaad, sultanas en meer. Hierdie beskuit droog hard uit en het hope knars, perfek vir \u2019n lang doop in oggendkoffie. Ek noem dit Ontbyt Beskuit.<\/p>\n<\/div>

<\/div><\/div><\/div>
Al wat jy nodig het is…<\/h5>\n

8 koppies bruismeel
\n6 koppies All Bran
\n6 koppies hawermout (\u2018rolled oats\u2019 kry dit in jou supermark se gesondheidskos afdeling)
\n2 koppies bruinsuiker
\n2\u00bdt sout
\n1 koppie sultanas
\n1 koppie gedroogde bosbessies (cranberries)
\n1 koppie sonneblomsaad
\n1 koppie dro\u00eb klapper
\n2 groot eiers
\n2 x 500g kartonne karringmelk
\n360g botter of bakmargarien soos Stork, gesmelt (ek wys dit in gram want dis veel makliker as om die lot in \u2018n koppie te probeer stop!)<\/p>\n<\/div>

<\/div><\/div><\/div>

Kombineer al die dro\u00eb bestanddele in \u2019n groot mengbak. Klits die eiers en karringmelk saam en voeg by die dro\u00eb bestanddele. Voeg die gesmelte botter by en meng goed deur. In die stadium werk hande beste! Verdeel deeg tussen twee groot gesmeerde broodpanne en bak teen 170 grade Celsius tot deurgebak. Toets hom soos \u2019n koek, steek \u2019n klein skerp messie of sosatiestokkie in. As hy skoon uitkom, is hy reg. Laat afkoel en sny dan in dik skywe. Sny elke skyf in drie tot vier stukke beskuit. Pak in \u2019n enkellaag op bakplate en droog uit in 80-90 grade Celsius oond. Dit vat \u2019n hele paar ure. Bewaar in lugdigte houers. <\/p>\n<\/div>

<\/div><\/div><\/div>

maak<\/h4>\n

80<\/p>\n<\/div>

<\/div><\/div><\/div>

bak<\/h4>\n

1.5-2 ure<\/p>\n<\/div>

<\/div><\/div><\/div>

droog<\/h4>\n

4-5 ure<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>