{"id":7963,"date":"2016-09-08T11:50:31","date_gmt":"2016-09-08T09:50:31","guid":{"rendered":"http:\/\/www.melkkos-merlot.co.za\/af\/?p=7963"},"modified":"2022-08-18T12:21:23","modified_gmt":"2022-08-18T10:21:23","slug":"plathoender-op-die-braai","status":"publish","type":"post","link":"https:\/\/www.melkkos-merlot.co.za\/af\/plathoender-op-die-braai\/","title":{"rendered":"Tequila plathoender op die braai"},"content":{"rendered":"

\u201cHoender is \u2019n vegetable.\u201d D\u00eds hoe meeste mans wat ek ken voel. Sit \u2019n hoender voor en skielik is hulle steeks. Soos \u2019n driejarige wat hoesgoed moet drink. Ek dink dis \u2019n Afrikaanse ding. In Meksiko is die mans tawwer. Daar verorber hulle Pollo Asado op straathoeke by die tonvol. Nee, ek vloek nie. Dis wat hulle plathoender op die braai noem.<\/p>\n

Daar\u2019s hope resepte vir Meksikaanse Pollo Asado, maar almal het twee dinge in gemeen: 1) die hoender is plat en heel, nie stukke nie en 2) hy word goed gemarineer vir \u2019n hele paar uur vooraf. Die marinade bevat sitrus in die vorm van lemoen of lemmetjie. Oreganum, olyfolie en koljanderblare is daar ook, en soms paprika of komyn. Ek het \u2019n hele paar resepte gelees en toe loop doen wat ek altyd doen \u2013 my eie ding.\u00a0Hierdie plathoender op die braai is sensueel rokerig met \u2019n parmantige rissiebyt en \u2019n klein tequilaskop. Amper half voorbarig, nes plathoender op die braai behoort te wees.<\/p>\n<\/div>

<\/div><\/div><\/div>
Al wat jy nodig het is…<\/h5>\n

MARINADE<\/strong>
\n1t knoffel
\n4 takkies oreganum (of 2t droog)
\n\u00bc koppie olyfolie
\nsap van een lemoen
\ngerasperde skil van een lemmetjie
\nBRAAISOUS<\/strong>
\n1t knoffel
\n\u00bd koppie tamatiesous
\n4E tequila
\n3E sagte bruinsuiker
\n1\u00bdt gerookte paprika (Woolies hou dit aan)
\nsap van een lemmetjie
\n1-3 rooi rissies, grof gekap
\n1\u00bdt sout
\nbossie koljander, fyngekap<\/p>\n<\/div>

<\/div><\/div><\/div>

Sit die plathoender in \u2019n sterk toerits-tipe plastieksakkie. (Loer na GOED OM TE WEET laer af en vind uit hoe om \u2019n hoender in \u2019n plathoender te verander in onder 20 sekondes!<\/strong> Ernstig, dis so maklik ek’s seker Merlot sal dit kan doen.<\/em>) Voeg die marinade bestanddele\u00a0by. Druk die lug uit, rits toe en masseer die hoender liggies. Plaas in die yskas vir ten minste twee ure. Gee die plathoender so elke halfuur nog \u2019n ligte massering.<\/p>\n

Maak intussen die Pollo Asado sous. Voeg eenvoudig al die sous bestanddele bymekaar, bedek en plaas in die yskas sodat die geure kan kennis maak. Jy kan hierdie plathoender op twee maniere braai:<\/p>\n

METODE 1: INDIREK<\/strong>
\nEk\u2019s lui, dus is my gunsteling manier van braai indirek. Want ek kan die vleis op die braai gooi en ander meer belangrike dinge loop doen. Soos wyn drink. Vir die indirekte metode het jy natuurlik \u2019n ketelbraai nodig. Maak eenvoudig vuur in daai handige Weber mandjies en plaas\u00a0hulle oorkant mekaar langs die kant van jou Weber. Die hoender sit jy in die middel waar daar nie kole is nie. Sit die deksel op (die luggate moet oop weess anders versmoor jy jou vuur) en braai vir twintig minute. Daarna kan jy dit mildelik met die Pollo Asado braaisous begin verf. Die sous bevat suiker, so doen jy dit te vroeg kan die lotjie dalk brand op \u2019n manier wat jy nie van gaan hou nie.<\/p>\n

Dis NIE nodig om die hoender te draai met die indirekte metode nie. Meer tyd vir wyn. Hoe lank die hoender braai, hang af van hoe groot hy is en hoe warm jou vuur is. Begin hom hier na 35 minute te toets deur \u2019n dun mes in die dikste deel van die hoender te steek. As die vloeistof wat uitloop helder is in plaas\u00a0van pienk is hy reg en moet hy dadelik afkom sodat hy nie uitdroog nie.<\/p>\n

METODE 2: DIREK<\/strong>
\nDie meer tradisionele manier van braai, versprei die kole eenvoudig eweredig oor die braai sodra hulle reg is. Sit die hoender op en laat dit weereens braai vir 20 minute voor jy begin sous smeer. Anders as met die indirekte metode MOET jy die hoender draai as jy hierdie metode gebruik. Wenk: Ek gebruik nie \u2019n braaitang as ek \u2019n plathoender draai nie. Die tang skeur onvermydelik die vel en soms sommer die vleis ook. Ek gebruik twee lang plat burger spane (een bo, een onder die hoender) om die knaap versigtig te lig en draai.<\/p>\n

Sit voor met warm sagte tortillas, suurroom, wiggies lemmetjie, koljanderblare en \u2019n eenvoudige salsa gemaak van mielies, gekapte sprietuie en tamatie gekus met \u2019n gesonde blerts olyfolie en teug lemmetjiesap.<\/p>\n<\/div>

<\/div><\/div><\/div>

bedien<\/h4>\n

4<\/p>\n<\/div>

<\/div><\/div><\/div>

marineer<\/h4>\n

2 ure<\/p>\n<\/div>

<\/div><\/div><\/div>

braai<\/h4>\n

35-50\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>