{"id":8287,"date":"2017-05-05T13:43:49","date_gmt":"2017-05-05T11:43:49","guid":{"rendered":"http:\/\/www.melkkos-merlot.co.za\/af\/?p=8287"},"modified":"2022-08-19T22:19:02","modified_gmt":"2022-08-19T20:19:02","slug":"botterskorsie-patee","status":"publish","type":"post","link":"https:\/\/www.melkkos-merlot.co.za\/af\/botterskorsie-patee\/","title":{"rendered":"Geroosterde botterskorsie en botterboon patee"},"content":{"rendered":"

Kyk ek\u2019s nie \u2019n mens wat hou van vroeg uit die vere nie. Oukei Merlot jaag my meeste nagte 3vm, 4vm en weer 5vm op as sy by die kamervenster kom neul dat ek oopmaak. Dis nie asof sy nie \u2019n katdeur het nie verstaan, sy\u2019s net \u2019n klein klits. Dis maar hoe dit is met \u2019n kat wat jou om haar vinger draai. Maar ek staan g\u2019n niks vroeg op vir enigiemand anders nie\u2026 behalwe so elke dan en wan vir die Expresso<\/a> ontbytprogram mense. Ek gee nie te veel om nie want sien kook op TV is vet pret. As bonus lyk ek boonop heel dag lank amper skaflik danksy die dik TV grimering. Toe hulle my dus onlangs vra om vorendag te kom met drie nuwe spotgoedkoop resepte s\u00ea ek natuurlik ja.<\/p>\n

Ek besluit op botterskorsie want dis belaglik goedkoop hierdie tyd van die jaar en daar is soveel wat jy met hierdie lid van die pampoenfamilie kan maak. Ek maak vir hulle botterskorsie pampoenkoekies en botterskorsie en kekerertjie samoosas. My gunsteling resep van die drie is egter hierdie geroosterde botterskorsie en botterboon patee. Dis gesond verby, gepak met fantastiese speserye en kos minder as R20.<\/p>\n

Om die geur van botterskorsie te verdiep verkies ek altyd om dit te rooster. \u2019n Blerts olyfolie, seesout en growwe swartpeper en dis in \u2019n 200 grade oond in met die knaap tot hy sag is. As jy verkies kan jy die botterskorsie stoom ook. Moet die lot net nie in water kook nie. Dis soos om in die hoofstraat af te stap met krullers in jou hare en \u2019n \u2018sigret\u2019 in die hoek van jou mond. \u2019n Onding.<\/p>\n<\/div>

<\/div><\/div><\/div>
Al wat jy nodig het is…<\/h5>\n

\u00bet komynsade
\n\u00bet koljandersade
\n2 huisies knoffel, fyn gekap
\n2E goeie olyfolie
\n\u00bct rissievlokkies (\u00bdt as jy hou van bietjie hitte)
\n1 blikkie botterbone, gedreineer en afgespoel
\n1 koppie geroosterde botterskorsie
\n1-2E water
\nsout, na smaak
\npampoenpitte, feta en eetbare blomme vir garnering<\/p>\n<\/div>

<\/div><\/div><\/div>

Rooster die koljander en komyn in \u2019n pan (sonder olie) vir \u2019n minuut of wat, net totdat jy dit kan begin ruik. Verwyder en stamp die speserye fyn. (Wenk: ek gebruik \u2019n elektriese koffiemeul hiervoor, dit werk wonderlik.)<\/p>\n

Braai die knoffel in die olyfolie oor lae hitte vir \u2019n minuut, en voeg dan die komyn, koljander en rissie by en braai vir nog \u2019n paar sekondes. Verwyder van die hitte. Sit die botterbone en botterskorsie in jou voedselverwerker en gooi die gegeurde olie oor. Blits tot dit fluweelglad is. As dit te dik na jou smaak is, voeg \u2019n lepel of wat water by. Proe vir sout. Skep die botterskorsie en botterboon patee in \u2019n fraaie bakkie en garneer met pampoenpoenpitte, feta en eetbare blommetjies vir die ekstra mooi.<\/p>\n<\/div>

<\/div><\/div><\/div>

bedien<\/h4>\n

6<\/p>\n<\/div>

<\/div><\/div><\/div>

vooraf<\/h4>\n

10 min<\/p>\n<\/div>

<\/div><\/div><\/div>

kook<\/h4>\n

30\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>