{"id":8308,"date":"2017-06-23T12:56:22","date_gmt":"2017-06-23T10:56:22","guid":{"rendered":"http:\/\/www.melkkos-merlot.co.za\/af\/?p=8308"},"modified":"2022-08-18T11:46:50","modified_gmt":"2022-08-18T09:46:50","slug":"sampioen-mozzarella-broodjie","status":"publish","type":"post","link":"https:\/\/www.melkkos-merlot.co.za\/af\/sampioen-mozzarella-broodjie\/","title":{"rendered":"Luukse sampioen-mozzarella pan roosterbroodjie"},"content":{"rendered":"

Ek\u2019t bietjie gedink oor hierdie saak en besluit aan die einde van die dag kan jy mense wat kook in twee kategorie\u00eb verdeel. In die een groep di\u00e9 met netjiese kaste en woes georganiseerde yskaste. Hulle\u2019t aandele in Tupperware met alles \u2018colour coded\u2019 \u2013 soort-by-soort bymekaar, in nette rye soos kadette op parade. En dan\u2019s daar die ander lot…<\/p>\n

Di\u00e9 van ons wat oorskiet bredie<\/a> in vanielje-roomys bakke skep vir die vries. En die bietjie blikkie-tuna wat dit nie op middagete se broodjie gemaak het nie beland in \u2019n margarien bakkie, waar hy in die hoek van die yskas vergete l\u00ea tot \u2019n nuwe lewensvorm in hom begin gestalte kry. Ek wens ek was deel van die eerste groep. Ek issie. Ek\u2019s nommer twee, my lewe \u2019n verbete styd vir perfekte orde wat ek oor en oor verloor. Maar ek\u2019s g\u2019n h\u00eansopper nie, ek veg voort . Oor hoe ek is, kook ek liefs alles op een slag. Maar as bietjies vars bestanddele dan nou m\u00f3\u00e9t oorbly gebruik ek hulle so vinnig moontlik. Want ek weet oor\u2019n week gaan hulle neuk.<\/p>\n

Hierdie resep is my \u2018go-to\u2019 vir as ek net \u2019n handjievol sampioene oor het. Twee snye brood, bietjie mozzarella en tonne kruie en in minder as \u2019n halfuur smul ek aan die luukste geroosterde broodjie wat ek ken.<\/p>\n<\/div>

<\/div><\/div><\/div>
Al wat jy nodig het is…<\/h5>\n

4E tbs olyfolie
\n\u00bdt fyngekapte knoffel
\n1t fyngekapte vars roosmaryn
\n250g sampioene (die aardse geur van portabellini is \u2019n gunsteling)
\n1E olyfolie
\n2E botter
\nopgehoopte \u00bdt tsp vars tiemie
\n1E fyngekapte vars pietersielie
\n1t gerasperde suurlemoenskil
\n1E suurlemoensap
\ngroot knip growwe swartpeper
\nknip seesout
\n8 snye ciabatta
\n2 koppies gerasperde mozzarella (Wenk: ek vries gerasperde mozzarella om seker te maak daar\u2019s altyd \u2019n bietjie in die huis)<\/p>\n<\/div>

<\/div><\/div><\/div>

Meng die 4E olyfolie met die knoffel en roosmaryn en sit eenkant sodat die geure kans kennis maak. Vee die sampioene skoon met \u2019n klam vadoek of sagte sampioenborseltjie en sny hulle dan. Verhit \u2019n kleefvrye pan en voeg 1E olie en die botter by. Voeg die sampioene by en roerbraai oor medium-ho\u00eb hitte tot gaar en sag. Voeg die kruie, skil en suurlemoensap by en braai vir nog so \u2019n halwe minuut. Gee dit \u2019n stewige draai swartpeper en \u2019n knip sout. Skep die sampioene uit en vee die pan skoon.<\/p>\n

Verf die brood liggies met die knoffel-roosmaryn olie. Let wel, verf slegs \u00e9\u00e9n kant van die brood. Draai dan die snye om sodat die olie kant na onder wys. Skep sampioene op 4 van die snye en bedek mildelik met kaas. Bedek met die vier orige snye brood, onthou om seker te maak die dro\u00eb kant van die brood wys na binne en die oliekant na buite. Braai die broodjies in die kleefvrye pan oor medium-lae hitte tot goudbruin aan albei kante en gesmelt binne. Bedien dadelik.<\/p>\n<\/div>

<\/div><\/div><\/div>

bedien<\/h4>\n

4<\/p>\n<\/div>

<\/div><\/div><\/div>

vooraf<\/h4>\n

10 min<\/p>\n<\/div>

<\/div><\/div><\/div>

kook<\/h4>\n

20\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>