Osstert is vir my pure fees, min dinge klou so goed aan die ribbe op \u2019n koue wintersaand. As kind op die plaas was dit gereeld op die tafel. Ons het koeie gehad so osstert was daar baie, maar ek het steeds gewens elke dier het agt gehad. Deesdae moet ek ongelukkig soos meeste ander maak en die pad winkel toe vat vir my stert.<\/p>\n
Dis peperduur en met al die bene in strek dit nie ver nie. Maar as die lus my eers pak soek ek hom op my bord. Ek besluit om my osstert te rek en maak \u2019n verleidelike ryk ragu vir pasta daarmee. Omdat osstert vir my opsluit okkasie-kos is maak ek my eie pasta ook, en verryk dit met lieflike diepgeel saffraan. So bek soek j\u00eam, dus bedien ek die aff\u00eare met \u2019n besonderse Shiraz in my beste kristal.<\/p>\n<\/div>
1 kg osstert
\n3E koekmeel, gemeng met \u2019n stewige knip sout en swartpeper
\n1 groot uit, fyn gesny
\n1 stingel seldery, fyn gesny
\n1 koppie gerasperde wortel
\n2 huisies knoffel, fyn gesny
\n1E tamatiepasta
\n\u00bd koppie Shiraz
\n1 groot tamatie, geskil en in blokkies gesny
\n2 koppies water
\n1 beesaftreksel-blokkie
\n\u00bdt growwe swartpeper
\n1 stiggie vars roosmaryn
\n2 vars lourierblare
\nolyfolie vir braai
\npasta van jou keuse
\nsaffraan<\/p>\n<\/div>
Bestrooi die osstert mildelik met die meel en skud liggies om te verseker alles is bedek in meel. Verhit \u2019n dikbodempan goed en voeg \u2019n paar eetlepels olyfolie by sodra\u00a0dit goed warm is. Braai die osstert tot dit begin bruin word en karameliseer. Verwyder en sit vleis eenkant. Voeg die ui, seldery en wortels by dieselfde pan en braai al roerend vir 5 minute om al daai wonderlike bruin stukkies van die bodem van die pan te lig. Voeg die knoffel en tamatiepasta by en braai vir \u2019n verdere twee minute. Voeg die rooiwyn by en kook vir \u2019n minuut of wat. Voeg dan die vars tamatie, water, beesaftreksel, roosmaryn en lourierblare by. Sit die deksel op, draai die hitte so laag moontlik en prut vir \u2019n goeie 3-4 ure totdat die vleis van die bene afval. (Loer af en toe en voeg water by indien nodig, maar nie meer as \u2019n halwe koppie op \u2019n slag nie.)<\/p>\n
Gebruik twee vurke om die vleis te pluis en plaas terug in die pot. Kook met die deksel af tot die sous dik is \u2013 jy soek iets verleideliks hier, nie \u2019n flou waterige gemors nie. Proe vir sout en voeg by indien nodig. NB: JY KAN HIERDIE RESEP VEEL VINNIGER IN JOU DRUKKOKER MAAK. DIE TEGNIEK VERANDER NET EFFE, SO LOER NA GOED OM TE WEET HIERONDER VIR HOE.<\/p>\n
Om die saffraan-pasta te maak, voeg eenvoudig \u2019n gesonde knip saffraan by jou gesoute pasta-water en kook jou dro\u00eb pasta soos gewoonlik. (As jy vars pasta maak, week die saffraan in 2E kookwater vir \u2019n goeie 30 minute om maksimum saffraankleur te kry. Voeg die lot by jou pastadeeg. Omdat jy meer vloeistof gebruik sal dit waarskynlik nodig wees om \u2019n lepel of wat meer meel te gebruik as wat jy gewoonlik doen.)<\/p>\n<\/div>
4<\/p>\n<\/div>
30 min<\/p>\n<\/div>
3+ ure<\/p>\n<\/div>