{"id":8418,"date":"2017-09-29T14:19:24","date_gmt":"2017-09-29T12:19:24","guid":{"rendered":"http:\/\/www.melkkos-merlot.co.za\/af\/?p=8418"},"modified":"2022-08-18T11:46:15","modified_gmt":"2022-08-18T09:46:15","slug":"braaibroodjie-met-houding","status":"publish","type":"post","link":"https:\/\/www.melkkos-merlot.co.za\/af\/braaibroodjie-met-houding\/","title":{"rendered":"\u2019n Braaibroodjie met houding"},"content":{"rendered":"

Braaidag was bietjie van \u2019n flop in my geweste. Triestige wolke en wind met \u2019n geniepsige byt is nie my idee van ideale braaiweer nie. \u2019n Vuur het ek weliswaar gemaak ja \u2013 in my kaggel in die sitkamer. Teen die tweede glas rooiwyn het ek nie meer soveel omgegee nie. Gelukkig l\u00ea \u2019n hele somer voor, met hope kans vir goeters op die kole gooi.<\/p>\n

Braaibroodjie is altyd \u2019n moet. Ek hou van hom eenvoudig, met sagte wit winkelbrood, tamatie en ui. Sout en witpeper is al wat hy vra. Maar ek hou ook van hom gr\u00eand. Soos hierdie braaibroodjie met suurdeegbrood oftewel \u2018sourdough\u2019 en mozzarella.<\/p>\n

Mozzarella is \u2019n bra vaal Japie. Sy gesmelte tekstuur is miskien hemels, maar hy het hulp nodig met die smaak. In hierdie geval hulp in die vorm van \u2019n parmantige botter gepak met pietersielie, knoffel en suurlemoen. Jy kan enige ferm brood gebruik om hierdie braaibroodjie te maak, maar ek dink die effense suur van \u2019n goeie suurdeegbrood is die perfekte pasmaat vir die sitrus in die botter.<\/p>\n<\/div>

<\/div><\/div><\/div>
Al wat jy nodig het is…<\/h5>\n

4E gesoute botter, teen kamertemperatuur
\n2E fyngekapte pietersielie
\n1 groot fyngekapte knoffelhuisie
\n2t fyngekapte suurlemoenskil
\n1E suurlemoensap
\n2 koppies gerasperde mozzarella (3 koppies as jy gulsig voel!)
\n8 snye dagoue suurdeegbrood
\nolyfolie<\/p>\n<\/div>

<\/div><\/div><\/div>

Gebruik \u2019n vurk om die botter, pietersielie, knoffel, skil en sap saam te room. Smeer op die brood, maar slegs aan een kant. Sit kaas op die gebotterde kant en bedek met nog \u2019n sny, botter kant na onder. Verf die buitekant van die toebroodjie liggies met olyfolie en plaas op die braai. Flip hom oor sodra hy bruin is. As hy krakerig bruin is aan albei kante en die kaas is gesmelt is hierdie knaap reg vir smul. Bedien dadelik. (Wenk: As jy nie lus is vir vuur maak nie, gooi hierdie braaibroodjie in \u2019n riffelpan op jou stoof.)<\/p>\n<\/div>

<\/div><\/div><\/div>

bedien<\/h4>\n

4<\/p>\n<\/div>

<\/div><\/div><\/div>

vooraf<\/h4>\n

10 min<\/p>\n<\/div>

<\/div><\/div><\/div>

braai<\/h4>\n

5-7\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>