{"id":8539,"date":"2018-02-13T12:17:45","date_gmt":"2018-02-13T10:17:45","guid":{"rendered":"http:\/\/www.melkkos-merlot.co.za\/af\/?p=8539"},"modified":"2022-08-18T11:44:24","modified_gmt":"2022-08-18T09:44:24","slug":"andries-pretorius-se-soetkoekies","status":"publish","type":"post","link":"https:\/\/www.melkkos-merlot.co.za\/af\/andries-pretorius-se-soetkoekies\/","title":{"rendered":"Andries Pretorius se soetkoekies"},"content":{"rendered":"

Dis nie aldag wat mens kans kry om \u2019n soetkoekie resep wat meer as 200 jaar oud is te maak nie. Laas naweek was sulke tyd. Oor my Saterdagoggend koppie boeretroos op die voorstoep sit en blaai ek deur een van ouma se vele kookboeke wat my kant toe gekom het na ma se dood. Julle ken mos van daai boeke \u2013 die verflenterde skoolboek tipe met geel-gebleikte bladsye propvol kriptiese krabbelnotas vir miltsiekte, brandy snaps en melktert. En dan\u2019s daar die uitgeskeurde ingeplakte tydskrif- en koerantresepte met krulhoeke, want gom is nie gemaak om vir ewig te kleef nie.<\/p>\n

Hi\u00e9rdie resep is so ene. Die koerantknipsel is amper heuning-geel van die oud. Watter koerant dit is di\u00e9 weet ek nie, want ouma het daai deel nie uitgeknip nie. Miskien Die Vaderland, want ouma was \u2019n ho\u00ebveld nooi. Oor die datum is ek ook nie duidelik nie, maar langs hom is \u2019n tydskrifresep van 1952. As ek aanneem ouma was kronologies met die plakkery, is di\u00e9 koerantknaap dus minstens oor die 60 jaar oud.<\/p>\n

Maar dis nie die ouderdom van die knipsel wat my effe aan my koffie laat stik van die opgewondenheid nie. Dis die naam bo aan. Andries Pretorius<\/a>. Soos in die Voortrekker leier na wie Pretoria vernoem is. Dis sy soetkoekie resep hierdie. Of eerder sy vrou s\u2019n, want ek twyfel Andries het koekies gebak. Aldus die knipsel het die koerant\u00a0die resep gekry by een van sy nasate, ene Judith Engelbrecht van Pretoria. Sy was toe reeds 78, so sy\u2019s lankal weg. Maar haar en haar voorsaat se soetkoekies leef voort. En d\u00eds die wonderlike ding van resepte deel. Hier\u2019s hy \u2013 Andries Pretorius se soetkoekies.<\/p>\n<\/div>

<\/div><\/div><\/div>
Al wat jy nodig het is…<\/h5>\n

6k koekmeel
\n5t bakpoeier
\n1t neut
\n1 t fyn naeltjies
\n1t kaneel
\n\u00bct sout
\n2k wit suiker
\n3k koue gesoute botter
\n4 ekstragroot eiers
\n1 eier, geklits met 2E water of melk<\/p>\n<\/div>

<\/div><\/div><\/div>

Sif die dro\u00eb bestanddele saam. Vryf die botter in met jou vingers tot dit verdwyn in die meel. (As jy lui voel kan jy dit in jou voedselverwerker pols. Ek\u2019s seker Andries se vrou sou as sy kon!) Klits die vier eiers en gooi dit by en knie tot die deeg bymekaar kom. Dit sal aanvanklik hopeloos te droog lyk, maar moenie swig en water of melk byvoeg nie! As dit \u2019n baie warm dag is en die deeg voel gevaarlik slap om uit te rol, sit dit eenvoudig in kleefplastiek en plaas in die yskas vir \u2019n halfuur of wat om fermer te word. As dit \u2019n koue dag is kan jy sommer dadelik uitrol.<\/p>\n

Besprinkel jou werkoppervlak met koekmeel en rol die deeg dun uit \u2013 so 4mm. Druk koekies uit en plaas op \u2019n gesmeerde bakplaat. Verf met die eier geklits met water of melk en bak vir 10-15 minute in \u2019n 200 grade Celsius oond tot lig goudbruin. Die soetkoekies sal natuurlik sag wees as hulle uitkom, maar met die afkoel hard word. B\u00eare die soetkoekies in \u2019n lugdigte houer. Hierdie resep maak \u2019n allemintige 140 soetkoekies. Families was duidelik groot toeka. Halfveer hierdie soetkoekie resep eenvoudig as jy minder wil bak.<\/p>\n<\/div>

<\/div><\/div><\/div>

maak<\/h4>\n

140<\/p>\n<\/div>

<\/div><\/div><\/div>

vooraf<\/h4>\n

30 min<\/p>\n<\/div>

<\/div><\/div><\/div>

bak<\/h4>\n

15\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>