Brood bak is een van die genotvolste dinge wat in \u2019n kombuis kan gebeur. Afgesien van brood eet natuurlik! Een van die maklikste om saam te slaan is focaccia. Dat iets so plat mens nou soveel plesier kan gee. Koop jy \u2019n focaccia in \u2019n winkel moet jy \u2019n tweede verband uitneem. Ek kan nie verstaan hoekom nie, want die bestanddele kos so te s\u00ea niks nie en dis nou nie asof jy enigsins \u2019n bobaas bakster hoef te wees nie. Al wat die knaap vra is tyd om te rys.<\/p>\n
Gepraat van bobaas, oor die jare heen het ek vele focaccia resepte probeer, onder meer Britse bak-superster Paul Hollywood s\u2019n. Ek het \u2019n spesifieke idee oor die ideale focaccia in my kop en nie een van hulle (pragtige blou-oog Paul s\u2019n ingesluit) het die ding vir my gedoen nie.<\/p>\n
En toe kom ek af op die focaccia resep van Amerikaanse TV-sjef Anne Burell \u2013 en ek ontdek wat kort geskiet het met al die ander: olyfolie mense. Ja, die ander resepte het weliswaar olyfolie gebruik, maar nie naastenby genoeg nie. Anne s\u00ea \u2019n ordentlike focaccia moet amper verdrink in die olyfolie en nou dat ek hom gemaak het stem ek hartlik saam. Die tekstuur van hierdie focaccia is nie kluitjierig nie, dit heerlik sag binne met groot gisgate. En onder is hy bros en deurweek van die olie. Anne sit nie roosmaryn by nie, maar ek dink dit gee hierdie focaccia ekstra skop. Dis die naaste aan my idee van die ideale focaccia nog, en die resep wat ek van nou af gaan gebruik.<\/p>\n<\/div>
1\u00be koppies louwarm water
\n10g pakkie kitsgis
\n1E suiker
\n5 koppies broodmeel (plus ekstra vir knie)
\n1E sout
\n1 koppie goeie olyfolie (plus ekstra om die bak te smeer)
\ngoeie seesout vlokkies (Maldon s\u2019n is perfek hiervoor)<\/p>\n<\/div>
Sit die louwarm water, suiker en gis in \u2019n bak en laat dit in \u2019n\u00a0warm hoekie staan vir ten minste 15 minute sodat die gis kan aktiveer en begin borrel. As jy \u2019n groot menger met \u2019n deeghoek het is dinge woes maklik. Voeg eenvoudig die gismengsel, meel, sout en \u2019n halwe koppie van die olie in die mengbak en lat jou deeghoek die werk vir 6 minute doen. (As jy nie \u2019n menger het nie kan jy dit met die hand doen. Dis net nie die aangenaamste kniewerk nie want hierdie is \u2019n redelike nat deeg.)<\/p>\n
Bestrooi \u2019n werksoppervlak met meel, tuimel die deeg uit en vou dit \u2019n paar keer oor. Smeer \u2019n groot bak liggies met olyfolie, sit die deeg in en maak dit toe met kleefplastiek of \u2019n klam vadoek. Sit dit in \u2019n warm hoekie vir ten minste \u2019n uur sodat dit kan rys tot dubbel so groot. Gooi die orige halwe koppie olyfolie in \u2019n gewone vlak bakpan (die soort wat jy vir koekies bak gebruik), tuimel die deeg daarop uit en gebruik jou hande om die deeg plat te druk sodat dit die pan vul. Draai die deeg om sodat albei kante goed met die olyfolie kennis maak. Gebruik die punte van jou vingers om gate in die deeg te druk \u2013 dis wat die focaccia sy lieflike bababoudjie-dimpels gee as hy eers gebak is. Sit dit eenkant vir nog 40-60 minute tot dubbel so groot. Steek nou roosmaryn in en strooi seesout vlokkies oor. Die resep is spesifiek aangepas vir die seesout bo-op. Doen jy dit nie, gaan die focaccia nie sout genoeg wees nie. Bak in \u2019n voorverhitte 220 grade Celsius oond vir 25-30 minute tot goudbruin. L\u00ea weg!<\/p>\n<\/div>
6-8<\/p>\n<\/div>
2 ure<\/p>\n<\/div>
30\u00a0min<\/p>\n<\/div>