Somer is hier in al sy glorie en in my boek beteken dit slaai \u2013 by die tonne. Nie \u2018boring\u2019 slaai nie verstaan, iets wat interessant genoeg is vir my om dit te w\u00edl eet. Iets soos hierdie tunaslaai. Geblikte tuna kan maklik \u2019n lelike ding wees. Die fyn een in water is my dood. Maar groot tunastukke in olie het \u2019n plek in my kombuis.<\/p>\n
My voete is stewig in Provence met hierdie tunaslaai. Die dinge wat jy in \u2019n Provensaalse Ni\u00e7oise slaai sal kry is teenwoordig\u2013 net in heel ander gewaad. In plaas van heel in die slaai gebruik ek die ansjovis filette as die basis vir \u2019n fantastiese knoffel-belaaide slaaisous. Die olywe kap ek fyn en sit hulle ook in die sousie. Tonne pietersielie, \u2019n knip rissie en piepklein non pareil kappertjies kom ook by. Dis \u2019n slaaisous wat ek sommer warm oor pasta gooi en aandete noem. En dit verander \u2019n doodgewone tunaslaai in iets besonders.<\/p>\n<\/div>
VIR DIE GEPEKELDE UIE
\nhalwe pers ui, in baie fyn ringe gesny
\n4E asyn
\n4E water
\n1E suiker
\nknip sout
\nVIR DIE SOUS
\n6E olyfolie
\n3 vet knoffelhuisies, oopgebreek met die agterkant van \u2019n mes maar steeds in die skil
\n3E witwyn- of rooiwynasyn
\n2 ansjovis filette (of meer as jy dol is oor ansjovis)
\nknip droe\u0308 rooirissie
\n6 swart pitlose olywe, gekap
\n2E Italiaanse pietersielie, fyn gekap
\n1E piepkein non pareils kappertjies (Woolworths hou dit aan)
\nsout na smaak
\nVIR DIE SLAAI
\n6 baba aartappels in hulle skilletjies
\nkomkommer
\n200g fyn groenbone
\n1 blikkie tuna stukke in olie, gedreineer
\n2E dennepitte (pine nuts)
\ntrossie kersietamaties op hulle stingels, gekus met \u2019n blerts olyfolie
\nklein basiliekruidblare<\/p>\n<\/div>
Meng die water, asyn, knip sout en suiker tot opgelos. Voeg die uie by en laat staan vir ten minste 20 minute om lig te pekel en dreineer dan. Sit die olyfolie in \u2019n klein pan op baie lae hitte saam met die knoffelhuisies en verhit vir 5 minute. Verwyder van die hitte en laat dit staan vir ten minste 20 minute. Hoe langer, hoe beter. Plaas terug op die hitte en voeg die rissie en ansjovis by. Roerbraai tot die ansjovis verdwyn. Verwyder knoffel, verwyder van die hitte en voeg die non pareils kappertjies, pietersielie en olywe by. Proe vir sout en pas aan indien nodig.<\/p>\n
Kook die groenbone bitter vinnig \u2013 hoe dunner hoe korter, net \u2019n paar minute doen die ding. Dit moet gewis goed al dente wees. Skok bone deur in yswater te dompel. Dreineer en hou eenkant. Kook die aartappels tot sag en sny in die helfte. Rooster terselfdertyd die tamaties in \u2019n 150 grade Celsius oond 10-15 minute. (Of hou hulle rou indien verkies.) Die dennepitte kom ook in die oond in \u2019n aparte bakkie tot hulle lig goudbruin is. Hou\u00a0\u2019n oog op hulle, hulle brand gou en\u00a0\u2019n te-donker neut is aan die goor kant.<\/p>\n
Sit alles bymekaar en wees mildelik met die sous. Strooi die dennepitte oor en\u00a0\u2019n paar piepklein basiliekruidblare vir die mooi en ekstra lekker en jy\u2019s klaar. As daar eetbare kappertjie blommetjies in jou tuin is, kom di\u00e9 ook by. Want \u2019n fraaie eetbare blom op kos is mos nooit verkeerd nie.<\/p>\n<\/div>
2<\/p>\n<\/div>
20 min<\/p>\n<\/div>
20\u00a0min<\/p>\n<\/div>